16-មិនា-2023 - ម៉ោង 02:47:PM
ភ្នំពេញ៖ បណ្ឌិត ហ៊ុន ម៉ាណែត បានណែនាំឲ្យមន្ត្រីរបស់គណបក្សប្រជាជនកម្ពុជា រៀន វិបស្សនា ឆ្លុះកញ្ចក់ ដុសក្អែលមើល ខ្លួនឯងឲ្យ បានល្អ ដើម្បីបំរើផល ប្រយោជន៍ប្រជាពលរដ្ឋ បើប្រជាពល រដ្ឋគោរព ស្រលាញ់យើង នោះពួកគាត់នឹងបោះឆ្នោតជូនគណបក្សប្រជាជនឲ្យ បម្រើពួកគាត់បន្តទៀតមិនខានទ្បើយ។
លោកបណ្ឌិតមានប្រសាសន៍ថា ក្នុងខណ្ឌកំបូលយើងនេះពីមុនជាវាលស្រែ ដែលទាហានអាចលោតឆ័ត្រយោងបានតែពេលនេះ មានការអភិវឌ្ឍរីកចំរើនខ្លាំង ទាំងអាណាចក្រនិងពុទ្ធចក្រ។ ជាក់ស្តែងនៅពេលនេះ នៅវត្តធម្មវិបស្សនារាម( ហៅវត្ដតាភេមនេះ )មានការអភិវឌ្ឍរីកចំរើន តាមរយៈការកសាងសមិទ្ធផលជាច្រើន ដែលកើតចេញពីសទ្ធាជ្រះថ្លា ពីសប្បុរសជននានា ដែលបានរួមគ្នា។
លោកបន្តថា នេះជាវប្បធម៌ចែករំលែក ក្រោមតំបូលសន្តិភាព បើគ្មានសន្តិភាព បើគ្មានការទប់ស្កាត់ការរីករាលដាលជម្ងឺកូវីដ-១៩បានល្អទេ យើងមិនអាចឈរនៅទីនេះ ជួបគ្នានៅទីនេះបាននោះទេ។ នេះគឺបានមកពីការដឹកនាំរបស់សម្តេចអគ្គមហាសេនាបតីតេជោ ហ៊ុន សែន ។
លោកបណ្ឌិត ហ៊ុន ម៉ាណែត បានប្រសាសន៍បន្តថា ដូច្នេះហើយសូមអោយមន្ត្រីរបស់គណបក្សប្រជាជនកម្ពុជា រៀនធម្មវិបស្សនា មើលខ្លួនឯង ដោយឆ្លុះកញ្ចក់ ដុសក្អែលខ្លួនឯង ដើម្បីបំរើប្រជាពលរដ្ឋអោយបានល្អ ។ បើប្រជាពលរដ្ឋគោរព ស្រលាញ់ នោះពួកគាត់នឹងបោះឆ្នោតជូនគណបក្សប្រជាជនអោយបំរើពួកគាត់បន្តទៀតហើយ។
លោកបណ្ឌិត ហ៊ុន ម៉ាណែត សូមធ្វើការអំពាវនាវនាព្រឹកថ្ងៃទី១៦ ខែមីនា ឆ្នាំ២០២៣ ក្នុងពិធីសម្ពោធសមិទ្ធផលនានា និងស្រោចស្រពសុគន្ធារី នៅវត្តធម្មវិបស្សនារាម ស្ថិតក្នុងសង្កាត់កំបូល ខណ្ឌកំបូល រាជធានីភ្នំពេញ សូមបងប្អូនប្រជាពលរដ្ឋ ប្រុងប្រយ័ត្នចំពោះតេលេក្រាម ដែលបានបន្លំប្រើប្រាស់ឈ្មោះ និងរូបរបស់លោក ក្នុងគោលដៅបោកប្រាស់ ឬគោលបំណងអាក្រក់ផ្សេងៗទៀត។
ជាមួយគ្នានោះផងដែរ លោកបណ្ឌិតក៏បានក្រើនរំលឹកថា ដោយកន្លងមកនេះ មានករណីជនបោកប្រាស់បានបង្កើតគណនីតេលេក្រាមដោយបន្លំប្រើប្រាស់រូបភាព និងឈ្មោះរបស់លោក ដើម្បីផ្ញើសារ ក្នុងគោលដៅបោកប្រាស់ ឬគោលបំណងផ្សេងៗ។ ដូច្នេះសូមបងប្អូន ពូមីង តាយាយមេត្តាជ្រាប និងប្រុងប្រយ័ត្នខ្ពស់បំផុត និងកុំចាញ់តាមការបោកប្រាស់របស់ក្រុមទាំងនេះ នាំឲ្យមានការខាតបង់ផលប្រយោជន៍ ឬទ្រព្យសម្បត្តិជាដើម ៕
