08-សីហា-2024 - ម៉ោង 03:56:PM
តាកែវ៖ នៅក្នុងកិច្ចប្រជុំជាមួយរវាងសាដំបូង និងអយ្យការអមសាលាដំបូងខេត្តតាកែវ ជាមួយគណៈកម្មាធិការនិតិកម្មនិងយុត្តិធម៌របស់រដ្ឋសភា នៅព្រឹកថ្ងៃ ព្រហស្បត្តិ៍ ទី ៨ ខែ សីហា ឆ្នាំ ២០២៤នេះ ឯកឧត្តម អង្គវង្ស វឌ្ឍនា ប្រធានគណៈកម្មាធិការទី៦ បានស្នើអោយចៅក្រមនិងអយ្យការអមសាលាដំបូងខេត្តតាកែវ ចាត់ការតាមនិតិវិធីអោយបានលឿនលើសំណុំរឿងក្មេងទំនើង និងសំណុំរឿងការប្រើប្រាស់និងចែកចាយគ្រឿងញៀនដែលមន្រ្តីនគបាលយុត្តិធម៌បានបញ្ជូនមកកាន់សាលាដំបូងខេត្តតាកែវ។
ឯកឧត្តម អង្គវង្ស វឌ្ឍនា បានថ្លែងបន្តថា ខេត្តតាកែវបើតាមពត៌មានចុះផ្សាយគឺមានការប្រើប្រាស់និងការចែកចាយគ្រឿងញៀនគួអោយកត់សម្គាល់ ហើយបញ្ហាក្រុមក្មេងទំនើងបង្កបញ្ហាក៍មានច្រើនផងដែរ ដូច្នោះដើម្បីទប់ស្កាត់បញ្ហានេះ សមត្ថកិច្ចពាក់ព័ន្ធត្រូវប្រឹងប្រែងធ្វើការបង្រ្កាបអោយបានខ្លាំងក្លា ហើយមន្រ្តីតុលាការក៍ត្រូវចូលរួមធ្វើយ៉ាងណាចាត់ការសំណុំរឿងទាំងអស់នេះអោយបានលឿនផងដែរ។
ឯកឧត្តម អង្គវង្ស វឌ្ឍនា បានថ្លែងបន្តថា ចំណាត់ការឆាប់រហ័សលើសំណុំរឿងក្មេងទំនើងនិងរឿងគ្រឿងញៀន វានិងធ្វើឲ្យអោយប្រជាពលរដ្ឋមានការពេញចឹត្តនិងមានជំនឿលើប្រព័ន្ធយុត្តិធម៌ ជាពិសេសវានិងធ្វើឲ្យសង្គមយើងមិនមានការប្រើប្រាស់ឬការចែកចាយគ្រឿងញៀននិងជួយលប់បំបាត់ក្មេងទំនើងថែមទៀតផង។
ឆ្លើយតបទៅនិងការលើកឡើងរបស់គណៈកម្មាធិការទី៦របស់រដ្ឋសភា លោក ជំទាវ ពេជ ម៉ារ៉ែន ប្រធានសាលាដំបូងនិងឯកឧត្តម ឯក ឆេងហ៊ួត ព្រះរាជអាជ្ញាអមសាលាដំបូងខេត្តតាកែវបានថ្លែងឲ្យដឹងថា កន្លងមករាល់សំណុំរឿងគ្រឿងញៀនដែលសមត្ថកិច្ច បានបញ្ជូនសំណុំរឿងមកគឺខាងព្រះរាជអាជ្ញានិងចៅក្រមបានចាត់ការតាមនិតិវិធីយ៉ាងលឿនបំផុត ដោយឡែកបញ្ហាក្រុមក្មេងទំនើងដែលសមត្ថកិច្ចបានបានចាប់បញ្ជូនមកក៍យើងបានចោទប្រកាន់និងចេញដីការឃុំខ្លួនជាបណ្ដោះអាសន្នផងដែរ។
នៅក្នុងឱកាសនោះឯកឧត្តម ឯក ឆេងហ៊ួត ព្រះរាជអាជ្ញាអមសាលាដំបូងខេត្តតាកែវក៍បានលើកឡើងប្រាប់គណៈកម្មាធិការទី៦ របស់រដ្ឋសភាពីបញ្ហាប្រឈមរបស់សាលាដំបូងខេត្តតាកែវ ដែលពិបាកក្នុងការបញ្ជូនអ្នកប្រើប្រាស់គ្រឿងញៀនទៅស្ដានិតិសប្បទាទៅបណ្ដាលខេត្តឆ្ងាយៗ ព្រោះខេត្តតាកែវគ្មានមណ្ឌលស្ដានិតិសប្បទាឬមណ្ឌលបន្សាបគ្រឿងញៀននោះទេ៕
