18-តុលា-2024 - ម៉ោង 04:11:PM
ខេត្តតាកែវ ៖ មានការបិទទ្វាបន្ទប់ដេញថ្លៃគម្រោងសាងសង់ផ្លូវបេតុមួយខ្សែនៅសាលាស្រុកទ្រាំង នៅម៉ោង៩និង០០នាទីព្រឹកថ្ងៃទី១៧ ខែតុលា ឆ្នាំ២០២៤ ជារបៀបដេញថ្លៃចងមុង ជ្រៀកផលប្រយោជន៍គ្នាជាមួយនិងក្រុមហ៊ុន។
សកម្មភាពខុសប្រក្រតីខាងលើនេះ ប្រជាពលរដ្ឋកំពុងរង់ចាំមើលនិងសំណូមពរទៅ លោកអភិបាលខេត្ត វ៉ី សំណាង ពិសេសអង្គភាពប្រចាំងអំពើពុករលួយ តាមដាននិងស្រាវជ្រាវករណីនេះផង កំឲ្យចាយថវិកាជាតិខ្ពស់ លើសពីសមិទ្ធិផលដែលពលរដ្ឋទទួលបាន ព្រោះថានេះជាសកម្មភាពនៃការដេញថ្លៃ គឺបិទទ្វាបន្ទាបមិនចំហជាសាធរណៈដូចការដេញថ្លៃគម្រោងមូលនិធិឃុំសង្កាត់ឡើយ។ ជាងនេះទៀតគឺមានក្រុមហ៊ុនតែ៣ប៉ុណ្ណោះបានចូលរួម ជាមួយក្រុមការងារលទ្ធកម្ម និងមន្ត្រីពាក់ព័ន្ធមួយចំនួនតូច។
ប្រជាពលរដ្ឋបានឲ្យដឹងថា យោងតាមប្រកាសជូនដំណឹងរបស់សាលាស្រុក ដែលបានបិទផ្សាយនៅកន្លែងជូនដំណឹងផ្សេងៗរបស់សាលាស្រុក គឺនៅព្រឹកថ្ងៃទី១៧ ខែតុលា ឆ្នាំ២០២៤ មានដំណើរការដាក់ឲ្យដេញថ្លៃជាសាធារណៈ គម្រោងសាងសង់ផ្លូវបេតុងអាម៉េ ប្រវែង៦៥៨ម៉ែត្រ ទទឹងខ្នង៥ម៉ែត្រ កម្រាស់បេតុង ១៥០មម និងដាក់ស្លាកសញ្ញាគម្រោង១ ស្ថិតនៅភូមិសង្ហា ឃុំព្រៃស្លឹក ស្រុកទ្រាំង ខេត្តតាកែវ។ ដោយមានក្រុមហ៊ុនចំនួន៣ក្រុមហ៊ុន បានចូលរួមធ្វើការដេញថ្លៃ ក្នុងនោះ ក៏មានឈ្មោះក្រុមហ៊ុន ផាន់ គីមឡុង ខន់ស្ត្រកសិន ឯក ចូលរួមផងដែរ ចំណែកក្រុម២ផ្សេងទៀត មិនត្រូវបានស្គាល់នោះទេ ហើយប្រហែលក្រុមហ៊ុនទាំង២នេះ ជាអ្នកបំពេញនីតិវិធីឱ្យក្រុមហ៊ុនខាងលើ ជារបៀបស៊ុំគ្រលំគ្នា ហែកផលប្រយោជន៍គ្នាក៏ថាបាន៕
