06-សីហា-2024 - ម៉ោង 09:55:AM
ក្រុមក្មេងទំនើង ១២នាក់ ត្រូវបានកម្លាំងសមត្ថកិច្ចនគរបាលស្រុកត្រាំកក់ ចាប់ឃាត់ខ្លួនជាបន្តបន្ទាប់ក្រោយធ្វើសកម្មភាព ជិះម៉ូតូប្រដេញកាប់ចាក់គ្នានៅលើដងផ្លូវ ក្នុងភូមិសាស្រ្ត ឃុំជាងទង និងឃុំត្រពាំងធំខាងជើង ស្រុកត្រាំកក់ ។
យោងតាមការបញ្ជាក់ពីលោកវរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ បានឱ្យដឹងថា កាលពីថ្ងៃអាទិត្យ វេលាម៉ោង ២៣ និង ១០នាទី នៅចំណុចលើផ្លូវជាតិលេខ១៣២ មានករណីហិង្សាដោយចេតនា មួយបង្កឡើងដោយជនសង្ស័យចំនួន ០២ក្រុម មានគ្នា ១២នាក់ ជិះម៉ូតូចំនួន ០៦គ្រឿង ប្រដាប់ដោយកាំបិត បានធ្វើសកម្មភាពជិះម៉ូតូដេញកាប់គ្នាពីកើតទៅលិច រួចបត់តាមផ្លូវកៅស៊ូទៅវត្តព្រៃស្បាត លុះជិះដល់ចំណុចអាហារដ្ឋានជុំមិត្ត ស្ថិតក្នុងភូមិស្រែខ្វាវ ឃុំជាងទង ក្រុមទី១ បានបត់ចូលទៅក្នុងអាហារដ្ឋាន រួចក្រុមទី០២ ក៏ជិះម៉ូតូដេញតាមទៅដល់ក្នុងអាហារដ្ឋាន រួចបានធ្វើសកម្មភាពឈ្លោះប្រតាយប្រតបគ្នា ប៉ុន្តែមិនបណ្ដាលអោយភាគីណារងរបួសធ្ងន់ធ្ងរអ្វីឡើយ ឃើញដូច្នេះម្ចាស់ហាងបានបិទទ្វា និងប្ដឹងរាយការណ៍ជូនសមត្ថកិច្ចយើងជួយអន្តរាគមន៍ ពេលនោះកម្លាំងជំនាញស្រុក សហការណ៍ជាមួយកម្លាំងប៉ុស្តិ៍ជាងទង និងប៉ុស្តិ៍ត្រពាំងធំខាងជើង និងមានការសម្របសម្រួលនីតិវិធីដោយ លោក ស៊ឹម ជុំសុខហេង ព្រះរាជអាជ្ញារងអមសាលាដំបូងខេត្តតាកែវ បានចុះធ្វើអន្តរាគមន៍ភ្លាមៗទៅដល់កន្លែងកើតហេតុ ដោយធ្វើការឃាត់ខ្លួនបានមនុស្សចំនួន ១២នាក់ ម៉ូតូ ០៦គ្រឿង និងកាំបិតចុងស្រួចចំនួន ០១ ។
+ក្រុមទី០១ មានគ្នា ០៩នាក់ជិះម៉ូតូចំនួន ០៥គ្រឿង ៖
១.ឈ្មោះ អ៊ុង ដាវីត ភេទប្រុស អាយុ ២៨ឆ្នាំ មុខរបរ មិនពិតប្រាកដ នៅភូមិមឿងចារ្យ ឃុំជាងទង ស្រុកត្រាំកក់ ជិះម៉ូតូសងC125 ពណ៍ខ្មៅ ឆ្នាំ២០១៩ ឌុបឈ្មោះ អ៊ិត ណាលិ ភេទប្រុស អាយុ ២៦ឆ្នាំ មុខរបរ មិនពិតប្រាកដ នៅភូមិមឿងចារ្យ ឃុំជាងទង ស្រុកត្រាំកក់ ជាអ្នកជិះពីក្រោយ។
២.ឈ្មោះ អឿន មីនា ភេទប្រុស អាយុ ១៩ឆ្នាំ មុខរបរ មិនពិតប្រាកដ នៅភូមិមឿងចារ្យ ឃុំជាងទង ស្រុកត្រាំកក់ ជិះម៉ូតូម៉ាកC125 ពណ៍ខ្មៅ ឆ្នាំ២០២២ ជិះម្នាក់ឯង
៣.ឈ្មោះ ស៊ឹម ស៊ីតារ៉ា ភេទប្រុស អាយុ ១៧ឆ្នាំ មុខរបរ មិនពិតប្រាកដ នៅភូមិមឿងចារ្យ ឃុំជាងទង ស្រុកត្រាំកក់ ជិះម៉ូតូម៉ាកC125 ពណ៍ស ឆ្នាំ២០១២ ម្នាក់ឯង
៤.ឈ្មោះ សាន បញ្ញា ភេទប្រុស អាយុ ១៩ឆ្នាំ មុខរបរ មិនពិតប្រាកដ នៅភូមិមឿងចារ្យ ឃុំជាងទង ស្រុកត្រាំកក់ ជិះម៉ូតូម៉ាក C125 ពណ៍ខ្មៅ ឆ្នាំ២០១៦ ឌុបឈ្មោះ ចាន់ ចនតូនី ភេទប្រុស អាយុ ២២ឆ្នាំ មុខរបរ មិនពិតប្រាកដ នៅភូមិមឿងចារ្យ ឃុំជាងទង ស្រុកត្រាំកក់ ជាអ្នកជិះពីក្រោយ។
៥.ឈ្មោះ ម៉េត សារាជ ភេទប្រុស អាយុ ១៦ឆ្នាំ មុខរបរ មិនពិតប្រាកដ នៅភូមិតាកឹម ឃុំតាភេម ស្រុកត្រាំកក់ ជាអ្នកកាន់កាំបិត
៦.ឈ្មោះ សែ ចាន់វឌ្ឍនា ភេទប្រុស អាយុ ១៦ឆ្នាំ មុខរបរ មិនពិតប្រាកដ នៅភូមិសំរោង ឃុំត្រពាំងធំខាងត្បូង ស្រុកត្រាំកក់ ជិះម៉ូតូម៉ាក C125 ពណ៍ខ្មៅ ឆ្នាំ២០០៨ ឌុបឈ្មោះ សាយ ចាន់មីនា ភេទប្រុស អាយុ ១៥ឆ្នាំ មុខរបរ មិនពិតប្រាកដ នៅភូមិសំរោង ឃុំត្រពាំងធំខាងត្បូង ស្រុកត្រាំកក់ ជាអ្នកជិះពីក្រោយ។
+ក្រុមទី០២ មានគ្នាចំនួន ០៣នាក់ ជិះម៉ូតូចំនួន០១គ្រឿង ម៉ាកសង C125 ពណ៍ខ្មៅ ឆ្នាំ២០២៤ ៖
១.ឈ្មោះ មែ ម៉ានិត ភេទប្រុស អាយុ ២០ឆ្នាំ មុខរបរ ជាងកាត់សក់ នៅភូមិត្រពាំងសោម ឃុំត្រពាំងធំខាងត្បូង ស្រុកត្រាំកក់។
២.ឈ្មោះ រុំ ភារ៉ូត ភេទប្រុស អាយុ ២១ឆ្នាំ មុខរបរ ជាងម៉ាស៊ីនត្រជាក់ នៅភូមិពាក់បង្អោង ឃុំត្រពាំងធំខាងជេីង ស្រុកត្រាំកក់។
៣.ឈ្មោះ ជា ចិណ្ណា ភេទប្រុស អាយុ ២២ឆ្នាំ មុខរបរ រោងចក្រ នៅភូមិអង្គត្រាវ ឃុំត្រពាំងធំខាងជេីង ស្រុកត្រាំកក់។
មូលហេតុ៖ ដោយមានទំនាស់ពាក្យសម្ដីជាមួយគ្នា។
បច្ចុប្បន្នក្រុមក្មេងទំនើង ១២នាក់ ត្រូវបានការិយាល័យជំនាញកំពុងកសាងសំណុំរឿងបញ្ជូនទៅតុលការ ដើម្បីចាត់ការបន្ត តាមនីតិវិធីច្បាប់ ៕
