លោក កែវ វ៉ាន្នី ប្រធានក្រុមការងាររៀបចំអង្គការចាត់តាំងយុវជនគណបក្សប្រជាជនកម្ពុជា ប្រចាំរដ្ឋកាលីហ្វ័រញ៉ា រៃអង្គាសថវិកាក្រុមការងារបានចំនួន៣១,៩៨៥ ដុល្លារ សម្រាប់ផ្តល់ជូនសម្តេចតេជោ ទិញវ៉ាក់សាំងប្រឆាំងកូវីដ១៩

10-ធ្នូ-2020 - ម៉ោង 11:03:AM

ភ្នំពេញ៖ លោក កែវ វ៉ាន្នី ប្រធានក្រុមងារងាររៀបចំអង្គការចាត់តាំងយុវជនគណបក្សប្រជាជនកម្ពុជា ប្រចាំរដ្ឋកាលីហ្វ័រញ៉ា បានបំផុសចលនាសាមគ្គីជាកម្លាំង ដើម្បីប្រមូលថវិកាចូលរួមជាមួយសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា តាមរយៈឯកឧត្តមបណ្ឌិត ហ៊ុន ម៉ាណែត បានថវិកាសរុបបណ្តោះអាសន្នចំនួន ៣១,៩៨៥ដុល្លារ ។

តបតាមការអំពាវនាវរបស់សម្ដេចតេជោនាយករដ្ឋមន្ត្រីនៃកម្ពុជា ក្នុងពាក្យស្លោក"ខ្មែរជួយខ្មែរ"ដើម្បីទិញវ៉ាក់សាំងCOVID-19 សម្រាប់ចាក់ជូនដល់ប្រជាពលរដ្ឋដោយឥតគិតថ្លៃ ស្របពេលដែលជម្ងឺកូវីដ១៩បានឆ្លងចូលសហគមន៍ ។

សូមបញ្ជាក់ថា សម្តេចតេជោ ហ៊ុន សែន នៅល្ងាចថ្ងៃទី០៧ ខែធ្នូ ឆ្នាំ២០២០ បានប្រកាសពីការត្រៀមបម្រុងថវិកា សម្រាប់ទិញវ៉ាក់សាំងយកមកចាក់ ជូនប្រជាជនដោយឥតគិតថ្លៃ ជាជំហានដំបូងចំនួន ១លានដូស ដើម្បីចាក់ជូនប្រជាពលរដ្ឋប្រមាណ ៥០ម៉ឺននាក់៕