23-កក្តដា-2020 - ម៉ោង 04:08:PM
តាកែវ ៖ ដោយមានការណែនាំ និងចង្អុលបង្ហាញពី ឯកឧត្តម ម៉ឹង ពន្លក ប្រធានចលនាយុវជនកម្ពុជាក្រុម១៥៧ និងលោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្តតាកែវ នៅព្រឹកថ្ងៃព្រហស្បតិ៍ ទី២៣ ខែកក្កដា ឆ្នាំ២០២០ លោក អេង ប៉ជាក អនុប្រធានចលនាយុវជនកម្ពុជាក្រុម១៥៧ សាខាខេត្តជាតំណាង បានដឹកនាំក្រុមការងារចុះសួរ សុខទុក្ខ និងនាំយកអំណោយជាគ្រឿងឧបភោគបរិភោគ និងថវិកាមួយចំនួន ជូនដល់គ្រួសារលោកយាយលោកតាជរាក្រីក្រចំនួន ០៣ គ្រួសារ នៅ ភូមិត្រពាំងព្រីង និងភូមិបាក់កូត ឃុំលាយបូរ ស្រុកត្រាំកក់ ខេត្តតាកែវ ។
ឆ្លៀតក្នុងឱកាសនោះដែរ លោក អេង ប៉ជាក អនុប្រធានចលនាយុវជនកម្ពុជាក្រុម១៥៧សាខាខេត្តតាកែវ ក៏បានពាំនាំនៅក្តីនឹករលឹក សាកសួរសុខទុក្ខពីចំងាយពីសំ ណាក់ ឯកឧត្តម ម៉ឹង ពន្លក ប្រធានចលនាយុវជនកម្ពុជាក្រុម១៥៧ និងលោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្តតាកែវ មកជម្រាបជូនបងប្អូនលោកតាលោកយាយទាំង ០៣គ្រួសារផងដែរ ដោយក្តីនឹករំលឹក។
ឆ្លៀតក្នុងឱកាសនោះដែរ លោកអនុប្រធានចលនាយុវជនកម្ពុជាក្រុម១៥៧សាខាខេត្តតាកែវ អេង ប៉ជាក ក៏បានផ្តាំផ្ញើរដល់លោកយាយលោកតាទាំង០៣ គ្រួសារ ដែលទទួលបានអំណោយថ្ងៃនេះ ទោះបីអំណោយថ្ងៃនេះ មិនច្រើនក៏ពិតមែន តែវាអាចជួយសម្រួលដល់ការលំបាកដល់លោកយាយលោកតា បានមួយរយៈដែរ។ ហើយជាពិសេសនោះ ក៏សូមឲ្យលោកយាយលោកតា ក៏ដូចជាបងប្អូនទាំងអស់នៅតែបន្តអនុវត្តនៅសេចក្តីណែនាំរបស់ក្រសួងសុខាភិបាល ឲ្យបានខ្លាំងខ្លាបន្ថែមទៀត ដោយទម្លាប់ធ្វើអនាម័យ ឲ្យបានស្អាតជាប្រចាំ ពិសេសនោះ ត្រូវលាងដៃជាមួយអាកុល សាប៊ូ ឬជែល ឲ្យបានស្អាតជានិច្ច ដើម្បីជាចូលរួមទប់ស្កាត់កុំអោយមានការឆ្លងរីករាលដាលនៃជំងឺកូវិដ១៩ នៅក្នុងសហគមន៍យើង ។
អំណោយដែលត្រូវបានចែកជូនដល់គ្រួសារក្រីក្រទាំងបីគ្រួសារ ដោយក្នុងមួយគ្រួសារៗ ទទួលបាន អង្ក៥០ គីឡូក្រាម ទឹកត្រី ០១យួ ទឹកស៊ីអ៊ីវ០១យួ ត្រីខ១យួរ ប៊ីចេង០១កញ្ចប់ ខ្ទឹមសរ១គីឡូ ស្ករស ទឹកសុទ្ធ ០១កេស ទឹកក្រូច ១កេស អំបិល ០១គីឡូ មី០១កេស ស្ករស និងអំបិល រួមជានឹងថវិកាក្នុង១គ្រួសារៗ ១០០.០០០ ម៉ឺនរៀលផងដែរ ៕