20-មិនា-2024 - ម៉ោង 10:30:AM
តាកែវ៖ ប្ដីប្រពន្ធមួយគូរ កំពុងរងការចោទប្រកាន់ជុំវិញករណី រំលោភលើសេចក្ដីទុកចិត្ត បន្ទាប់ពីពួកគាត់ បានយកម៉ូតូមួយគ្រឿងទៅដាក់បញ្ចាំ ទឹកប្រាក់ ១៥០០ដុល្លារ សន្យា បីសប្ដាហ៍ មកយកម៉ូតូវិញ ប៉ុន្តែរហូតមកដល់បច្ចុប្បន្ន បាត់ស្រមោលសូន្យឈឹង ហើយតាមរករឿងម្ចាស់បំណុលវិញថែមទៀត។
យោងតាមការរៀបរាប់ឲ្យដឹងពីរស្រ្តីរងគ្រោះ ឈ្មោះ ជូ ដានី អាយុ ៤២ ឆ្នាំ មានមុខរបរកសិករ ប្តីឈ្មោះ តូច ធៀង អាយុ៤៩ ឆ្នាំ មានមុខរបរកសិករ រស់នៅភូមិ ទន្លេបាទី ឃុំគ្រាំងធ្នង់ ស្រុកបាទី ខេត្តតាកែវ បានឲ្យអ្នកសាព័ត៌មានយេីងដឹងថា កាលពីថ្ងៃទី ៥ ខែកក្ដដា ឆ្នាំ២០២៣ កន្លងទៅ មានប្តីប្រពន្ធមួយគូរ ខាងប្ដីឈ្មោះ ចើ ហន មានមុខរបរជាមន្ត្រីសមត្ថកិច្ច ប្រពន្ធ ឈ្មោះ មាន សុជាតិ ហៅម៉ាប់ បានមកសុំខ្ចីលុយពីឈ្មោះ ជូ ដានី ដើម្បីយកទៅមើលម្តាយឈឺ ដោយបានទុក ម៉ូតូមួយគ្រឿងម៉ាក ADV ដែលមានស្លាកលេខ 1JX .0907 ដើម្បីជាថ្នូរ ក្នុងទឹកប្រាក់ ១៥០០ដុល្លារ ។
ចំពោះការយកលុយ គឺពីរនាក់ប្តីប្រពន្ធទៅយកជាបីណាក់កាល លេីកទី១ចំនួន ១១០០ដុល្លារ លេីកទី២ចំនួន ១០០ដុល្លារ និងលេីកទី៣ចំនួន ៣០០ដុល្លារ ដោយបានធ្វេីកិច្ចសន្យាផ្តិតមេដៃ និងជាលាយលក្ខអក្សដោយសុំខ្ចីប្រាក់តែបីសប្តាហ៍ និងសងវិញទាំងដេីមទាំងការប្រាក់។
ស្រ្តីរងគ្រោះឈ្មោះ ជូ ដានី បានរៀបរាប់ឲ្យដឹងបន្ថែមទៀតថា ពីរនាក់ប្តីប្រពន្ធខាងលេី ដែលប្តីមានមុខរបរជា មន្ត្រីនគរបាល និងប្រពន្ធរកស៉ីលក់ដូរនៅផ្ទះ មិនបានធ្វេីតាមកិច្ចសន្យានោះទេ គឺពួកគេមិនសងប្រាក់ ដូចដែលបានធ្វេីកិច្ចសន្យានោះឡេីយ ដែលក្នុងនោះមានទាំងសាក្សីដឹងលឺទៀត ។
ស្ត្រីរងគ្រោះជាម្ចាស់លុយ បន្តថា រហូតមកដល់ពេលនេះ គាត់មិនទាន់ទទួលបានប្រាក់សូម្បី១រៀលខ្មែរ ពីរនាក់ប្តីប្រពន្ធនោះនៅឡេីយទេ ហេីយថែមទាំងបានបោះពាក្យសម្តីមកវិញថា ចង់ទៅប្តឹងដល់ណាដល់ទៅយេីងមិនខ្លាចទេ ។
ស្រ្តីរងគ្រោះឈ្មោញ ជូ ដានី បានបញ្ជាក់ឲ្យដឹងបន្ថែមថា មិនសងលុយហេីយ ទៅរករឿងគាត់នៅពេលគាត់ជិះម៉ូតូជូនកូនទៅសាលារៀន និងមករករឿងដល់ផ្ទះគាត់ថែមទៀត ។ គាត់បន្តកន្លងមកពីនាក់ប្តីប្រពន្ធខាងលេី បានមកសុំដូរម៉ូតូដែលដាក់ថ្នូរពេលខ្ចីលុយនោះ ជំនួសមកវិញដោយម៉ូតូស្កុបពីរ (Scoopy ) តែស្រ្តីរងគ្រោះដែលជាម្ចាស់លុយមិនព្រមដូរអោយទេ ដោយគាត់មិនបានដឹងពីរប្រវត្តម៉ូតូស្កុបពីរ(Scoopy) នោះយកមកពីណា ឬរបស់អ្នកណា គាត់ខ្លាចមានបញ្ហាដល់គាត់ពេលក្រោយ ទេីបគាត់មិនព្រមដូរអោយ ។
បន្ទប់ពីមិនបានដោះដូរម៉ូតូអោយ ពីនាក់ប្តីប្រពន្ធនោះ ក៏បានដេីរនិយាយម៉ួលបង្កាច់គាត់ និងបានទៅដាក់ពាក្យប្តឹងគាត់ នៅប៉ុស្តិ៍ថែមទៀតផង។
ជាចុងក្រោយស្រ្តីរងគ្រោះម្ចាស់លុយ សុំណូមពរដល់សមត្ថកិច្ច ពិសេសប្រព័ន្ធតុលាការ សូមជួយរកយុត្តិធម៌ ដល់ក្រុមគ្រួសាររបស់គាត់ផងព្រោះក្រុមគ្រួសារគាត់ជាជនរងគ្រោះតែប៉ុណ្ណោះដោយ ២នាក់ប្តីប្រពន្ធជាអ្នកភូមិ ឃុំជាមួយគ្នាមកសុំអង្វគាត់ខ្ចីលុយយកទៅមើលម្តាយឈឺទើបគាត់ព្រមអោយខ្ចី។
តាមឲ្យដឹងពីរលោកវរសេនីយ៍ឯក ឆាយ កែវមុន្នី អធិការនគរបាលស្រុកបាទីបានឲ្យអង្គភាពព័ត៌មានយេីងដឹងតាមប្រព័ន្ធតេឡេក្រាមថា ករណីខាងលេីនេះ កំលាំងជំនាញរបស់លោក ធ្លាប់បានធ្វើការកោះហៅមកធ្វើការសម្របសម្រួលចំនួន៣លើករួចមកហើយ តែម្ចាស់ម៉ូតូមិនបានចូលខ្លួនមកដោះស្រាយគ្នាឡើយ គឺមកតែស្ត្រីរងគ្រោះដែលជាម្ចាស់លុយអោយ២នាក់ប្តី ប្រពន្ធនោះខ្ចីតែប៉ុណ្ណោះ ។ លោកបន្តថា បច្ចុប្បន្នកម្លាំងជំនាញយើងនឹងបញ្ជូនសំណុំរឿងនេះ ទៅការិយាល័យព្រហ្មទណ្ឌកំរិតស្រាលខេត្ត ដើម្បីចាត់ការបន្ត។
ចំណែកលោកវរសេនីយ៍ឯក យុង ញីវ នាយការិយាល័យព្រហ្មទណ្ទកំរិតស្រាលខេត្ត ក៏បានឲ្យដឹងផងដែរថា ករណីខាងលេីនេះ នគរបាលស្រុកបាទី មិនទាន់បញ្ជូនសំណុំរឿងមកដល់ដៃលោកនៅឡើយទេ។
ចំពោះករណីខាងលេី អង្គភាពយើងខ្ញុំ មិនអាចសុំការបំភ្លឺរឿងនេះ ពី២នាក់ប្តី ប្រពន្ធដែលខ្ចីលុយពីស្រ្តីរងគ្រោះបាននៅឡើយ រហូតមកដល់ថ្ងៃទី២០ ខែមីនា ឆ្នាំ២០២៤នេះ ៕
