ព្រះអង្គម្ចាស់ក្សត្រី ស៊ីសុវត្ថិ នារីបូង៉ា បានយាងចូលទីវង្គតក្នុងព្រះជន្មាយុ ៨៧ព្រះវស្សា ដោយព្រះជរាពាធ បណ្ឌិត ហ៊ុន ម៉ាណែត អញ្ជើញជួបសំណេះសំណាលជាមួយសកម្មជន វាគ្មិនជាយុវជនគណបក្ស និងក្រុមការងារក្នុងរចនាសម្ព័ន្ធក្រុមការងារយុវជនគណបក្សខេត្តស្វាយរៀង រថយន្ត​ ៣គ្រឿងត្រូវបានដើមឈើមួយដើមធំរលំកិន នៅចំណតរថយន្ដទឹកធ្លាក់ជាន់ទី៣ ទឹកជ្រោះភ្នំគូលែន  នាយករដ្ឋមន្ត្រីអូស្ត្រាលីថ្មី លោក Anthony Albanese ស្បថចូលកាន់តំណែង នៅមុនកិច្ចប្រជុំកំពូល Quad សម្តេចតេជោ ហ៊ុ​ន សែន ថ្ងៃទី២០ខែឧសភា នេះ ជាថ្ងៃរំលឹកទិវាជាតិនៃការចងចាំ បណ្ឌិត ហ៊ុន ម៉ាណែត បញ្ជូនគ្រូឧទ្ទេសនាម បណ្តុះបណ្តាលភ្នាក់ងារនិងយុវជនគណបក្សប្រជាជនកម្ពុជា ខេត្តមណ្ឌលគីរី លោក ហ៊ុន ម៉ានិត អញ្ជើញម្ពោធដាក់ឲ្យប្រើប្រាស់ជាផ្លូវការ ផ្លូវក្រាលកៅស៊ូ DBST ចំនួន ១៦.៨ គីឡូម៉ែត ដែលតភ្ជាប់ពីឃុំតាអុង ទៅឃុំជយោ ស្រុកចំការលើ សម្តេចវិបុលសេនាភក្តី សាយ ឈុំ អញ្ជើញជាអធិបតីភាពក្នុងសម័យប្រជុំព្រឹទ្ធសភាជាវិសាមញ្ញ នីតិកាលទី៤ ឧត្តមសេនីយ៍ឯក ហ៊ុន ម៉ាណែត អញ្ជើញបញ្ចុះខណ្ឌសីមាព្រះវិហារ ក្នុងវត្តគិរីឱសថទឹកជប់ ស្រុកទឹកឈូរ ខេត្តកំពត មេបញ្ជាការកងទ័ពជើងគោក នៃកងយោធពលខេមរភូមិន្ទ បានទទួលជួបពិភាក្សាការងារជាមួយ ឯកអគ្គរដ្ឋទូតសហព័ន្ធរុស្ស៊ី ប្រចាំនៅកម្ពុជា ឧត្តមសេនីយ៍ឯក ហ៊ុន ម៉ាណែត ទទួលជួបសំណេះសំណាល និងពិភាក្សាការងារជាមួយ ឯកអគ្គរដ្ឋទូតបារាំងប្រចាំកម្ពុជា សម្តេចតេជោ ហ៊ុន សែន អញ្ជើញជួបសំណេះសំណាល ជាមួយក្រុមគ្រូពេទ្រស្ម័គ្រចិត្តយុវជនសម្តេចតេជោ(TYDA) ក្នុងបេសកកម្មប្រឆាំងកូវីដ-១៩ ព្រឹកនេះសម្ដេចតេជោ​  ហ៊ុន សែន អញ្ជើញជួបសំណេះសំណាលជាមួយក្រុមគ្រូពេទ្យស្ម័គ្រចិត្តយុវជនសម្តេចតេជោ (ធីដា) រដ្ឋមន្រ្តីក្រសួងសេដ្ឋកិច្ច៖រាជរដ្ឋាភិបាល ប្ដេជ្ញាជំរុញពន្លឿនវឌ្ឍនភាព សំដៅកសាងប្រព័ន្ធសេដ្ឋកិច្ច និងសង្គម ឲ្យកាន់តែរឹងមាំនាពេលអនាគត លោក ហ៊ុន ម៉ានី ដឹកនាំក្រុមគ្រូពេទ្យស្ម័គ្រចិត្ត ចុះពិនិត្យព្យាបាលជំងឺជូនប្រជាពលរដ្ឋដោយឥតគិតថ្លៃ ក្នុងស្រុកស្រីសន្ធរ ខេត្តកំពង់ចាម សម្តេចតេជោ ហ៊ុន សែន ចេញសារលិខិតរបស់សម្តេចតេជោ ហ៊ុន សែន ទិវាអន្តរជាតិស្តីពីគ្រួសារ ខួបលើកទី២៨ លោកឧត្តមសេនីយឯក ហ៊ុន ម៉ាណែត៖ សម្តេចតេជោ ហ៊ុន សែន យកចិត្តទុកដាក់លើយោធិន គ្រួសារ និងអតីតយុទ្ធជនជានិច្ច សម្ដេច ហេង សំរិន អញ្ជើញបើកសម័យប្រជុំលើកទី៧ នីតិកាលទី៦ ដើម្បីប្រកាសសុពលភាពអ្នកតំណាងរាស្ត្រមណ្ឌលកំពង់ចាមថ្មី សម្តេចតេជោ បានអញ្ជើញដល់រដ្ឋធានីវ៉ាស៊ិនតោន សហរដ្ឋអាមេរិកហើយ ដើម្បីចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក លោក អេង ប៉ជាក អនុប្រធានចលនាយុវជនកម្ពុជាក្រុម១៥៧ សាខាខេត្ត តាកែវ នាំយកថវិការបស់ប្រធានមកចែកជូនដល់សមាជិកដែលសម្រាកព្យាបាលជំងឺនៅមន្ទីរពេទ្យបង្អែកខេត្ត

សម្ដេចតេជោ ហ៊ុន សែន៖ កម្ពុជានឹងបន្តពង្រឹងកិច្ចសហការជាមួយគ្រប់តួអង្គពាក់ព័ន្ធ ទាំងអស ជាពិសេសសាធារណរដ្ឋប្រជា មានិតចិន ដើម្បីឈានទៅលុបបំបាត់ ជំងឺគ្រុនចាញ់ទាំងស្រុង

25-មេសា-2022 - ម៉ោង 04:17:PM

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា សម្រាប់ទិសដៅទៅអនាគត កម្ពុជានឹងបន្តពង្រឹងកិច្ចសហការជាមួយគ្រប់តួអង្គពាក់ព័ន្ធទាំងអស់ ជាពិសេសសាធារណរដ្ឋប្រជាមានិតចិនតាមរយៈគំនិតផ្តួតផ្តើមខ្សែក្រវ៉ាត់និងផ្លូវកិច្ចសហប្រតិបត្តិការមេគង្គ-ឡានឆាង និងមូលនិធិជំនួយសហប្រតិបត្តិការត្បូង-ត្បូងប្រទេសចិន ជាដើម ដើម្បីឈានទៅលុបបំបាត់ជំងឺគ្រុនចាញ់ទាំងស្រុង។

ក្នុងសន្ទរកថាចេញផ្សាយថ្ងៃទី២៥ ខែមេសា ឆ្នាំ២០២២ ក្នុងខួបលើកទី៥០នៃឱសថអាតេមីស៊ីនីន និងវេទិកាសហប្រតិបត្តិការអន្តរជាតិ ដើម្បីកសាងសហគមន៍នៃសុខភាពទូទៅសម្រាប់មនុស្សជាតិ សម្ដេចតេជោនាយករដ្ឋមន្ត្រី ក៏បានគាំទ្រចំពោះគ្រប់សកម្មភាពនិងកិច្ចសហប្រតិបត្តិការ ដែលបាននិងកំពុងអនុវត្តន៍ដើម្បីកសាងសហគមន៍ នៃសុខភាពទូទៅសម្រាប់មនុស្សជាតិ ជាពិសេសការលុបបំបាត់ជំងឺគ្រុនចាញ់ តាមរយៈការប្រើប្រាស់ឱសថអាតេមីស៊ីនីន។

សម្ដេចតេជោគូសបញ្ជាក់ថា សម្រាប់ប្រទេសកម្ពុជាដែលស្ថិតក្នុងមហាអនុតំបន់ទន្លេមេគង្គ ធ្លាប់មានជំងឺគ្រុនចាញ់ជាង១៧ម៉ឺនករណីនិងស្លាប់ជិត ១ ០០០នាក់នាទស្សវត្សរ៍ឆ្នាំ៨០។ ក្នុងឆ្នាំ២០២១កន្លងទៅជំងឺគ្រុនចាញ់បានថយចុះមកនៅចំនួន ៣ ៩៥៩ ករណី និងគ្មានការស្លាប់រយៈពេល៤ឆ្នាំ ចុងក្រោយ បើទោះជាប្រឈមនឹងការលំបាកដោយសារការរីករាលដាលនៃជំងឺកូវីដ-១៩ក៏ដោយ។

សម្ដេចតេជោបានថ្លែងអះអាងថា សមិទ្ធផលដ៏ត្រចះត្រចង់នេះកើតចេញពីការអនុវត្តនូវ យុទ្ធសាស្រ្តជាតិលុបបំបាត់ជំងឺគ្រុនចាញ់ឆ្នាំ២០១១-២០២៥ របស់រាជរដ្ឋាភិបាលកម្ពុជាដែលមានទិសដៅយុទ្ធសាស្រ្តចំនួនបួន ដែលក្នុងនោះរួមមាន ១. ការធ្វើរោគវិនិច្ឆ័យនិងព្យាបាលឱ្យបានរហ័ស ២. ព្យាបាលដោយប្រើថ្នាំអាតេមីស៊ីនីនឱ្យបានត្រឹមត្រូវតាមរូបមន្ត ដើម្បីបញ្ចៀសភាពស៊ាំរបស់ថ្នាំនេះ ៣. បង្ការការចម្លងមេរោគគ្រុនចាញ់ដោយប្រើប្រាស់មុងជ្រលក់ថ្នាំ និង ៤. ការងារអប់រំលើកកម្ពស់សុខភាព ដោយមានការចូលរួមពីគ្រប់ផ្នែកពាក់ព័ន្ធទាំងអស់ ជាពិសេសការចូលរួមរបស់ប្រជាពលរដ្ឋ។ ទន្ទឹមនេះដែរ ប្រសិទ្ធភាពនៃការអនុវត្តយុទ្ធសាស្រ្តជាតិ គឺការផ្សារភ្ជាប់ដោយ ភាពទន់ភ្លន់ និងបត់បែនតាមយុទ្ធសាស្រ្តសកល និងតំបន់ ព្រមទាំងរៀនសូត្រដកស្រង់បទពិសោធន៍ពីគ្នាទៅវិញទៅមក។សម្ដេចតេជោប្រមុខរាជរដ្ឋាភិបាល ក៏បានអំពាវនាវដល់ភាគីពាក់ព័ន្ធទាំងអស់ បន្តជំរុញកិច្ចសហប្រតិបត្តិការផ្អែកលើទំនុកចិត្ត ភាពជាដៃគូដោយយកប្រជាជនជាស្នូល និងមូលដ្ឋានពហុភាគីនិយម ដើម្បីឈានឆ្ពោះទៅសម្រេចទស្សនៈវិស័យពិភពលោកគ្មានជំងឺគ្រុនចាញ់ឆ្នាំ២០២៥៕