24-មករា-2022 - ម៉ោង 03:36:PM
តាកែវ៖ ខណៈពេលដែលកំណើនអាត្រាសេវា ជូនបងប្អូនប្រជាពលរដ្ឋនៅច្រកចេញចូលតែមួយមានការកើនឡើងពីមួយឆ្នាំទៅមួយឆ្នាំ អភិបាលខេត្តតាកែវ បានធ្វើការណែនាំដល់ក្រុមមន្រ្តីដែលបំរើនៅច្រកចេញចូលតែមួយរួមនិងមន្ទីរពាក់ព័ន្ធ ត្រូវធ្វើយ៉ាងណាប្រឹងប្រែងបំរើសេវាសាធារណៈ ជូនបងប្អូនប្រជាពលរដ្ឋអោយបានល្អប្រសើរថែមទៀត ជៀសវាងបង្កការថ្នាំងថ្នាក់ដល់ប្រជាពលរដ្ឋ ដោយសារតែការបំរើសេវាមិនទាន់ទាន់ពេលវេលាតាមច្បាប់កំណត់។
ថ្លែងនៅក្នុងកិច្ចប្រជុំបូកសរុបការងារប្រចាំឆ្នាំ២០២១ អង្គភាពច្រកចេញចូលតែមួយរបស់រដ្ឋបាលខេត្តតាកែវ នៅព្រឹកថ្ងៃច័ន្ទ ទី ២៤ ខែ មករា ឆ្នាំ ២០២២នេះ លោក អ៊ូច ភា អភិបាលខេត្តតាកែវ បានលើកឡើងថា បច្ចុប្បន្នបងប្អូនប្រជាពលរដ្ឋកាន់តែច្រើនឡើង បានមករកសេវាសាធារណៈនៅច្រកចេញចូលតែមួយរបស់រដ្ឋបាល ក្រុង ស្រុក ខេត្ត របស់យើង ដោយសារការធ្វើប្រតិភូកម្មមុខងារមួយចំនួនដែលមន្ទីរជំនាញធ្លាប់បានចេញលិខិតអនុញ្ញាតិ អោយមកសុំនៅច្រកចេញចូលតែមួយវិញ។ ស្ថានភាពបែបនេះបង្ហាញពីការជឿទុកចិត្តរបស់បងប្អូនប្រជាពលរដ្ឋ មកលើការបំរើសសេវារបស់មន្រ្តីយើង ដូច្នោះដើម្បីតបស្នងការចំពោះការជឿទុកចិត្តរបស់បងប្អូនប្រជាពលរដ្ឋមកលើមន្រ្តីយើង គម្បីយើងទាំងអស់គ្នាប្រឹងប្រែងយកចឹត្តទុកដាក់បំរើសសេវាជូនពួកគាត់អោយបានល្អប្រសើរ តាមរយៈការប្រើប្រាស់ពាក្យសំដីរួសរាយរាក់ទាក់និងធ្វើយ៉ាងណា ត្រូវធ្វើលិខិតស្នាមដែលពួកគាត់ មកសុំអោយបានទាន់ពេលវេលាតាមច្បា់កំណត់។
លោកអភិបាលខេត្តតាកែវ បានថ្លែងបន្តថា កន្លងមកក៍មានការរិះគន់ខ្លះពីសំណាក់បងប្អូនប្រជាពលរដ្ឋយើងដែលមករកសេវា ថាការបំរើសេវាមានការយឹតយ៉ាវមានរយៈពេលយូរ ដែលបញ្ហានេះវាពិតជាកើតមានឡើងពិតប្រាកដមែន ជាពិសេសបញ្ហាប័ណ្ណកម្មសិទ្ធ ដែលបញ្ហានេះគឹដោយសារតែមន្រ្តីយើងមានគ្នាតិចហើយការងារមានចំនួនច្រើន ដូច្នោះបញ្ហាខ្លះមន្រ្តីត្រូវធ្វើការពន្យល់បងប្អូនប្រជាពលរដ្ឋ អោយបានយល់ ជៀសវាងមានការយល់ច្រលំនិងមានការអាក់អន់ចឹត្តពីបងប្អូនប្រជាពលរដ្ឋយើង។
គួរបញ្ជាក់ថា ការបំរើសេវានៅច្រកចេញចូលតែមួយរបស់រដ្ឋបាលខេត្តតាកែវក្នុងឆ្នាំ២០២១កន្លងមកគឺបំរើសេវាបានចំនួនជាង៩ពាន់សេវា កើនឡើងជាង ១៦ភាគរយបើប្រៀបធៀបនិងឆ្នាំ២០២០កន្លងមក៕
