27-វិច្ឆិកា-2021 - ម៉ោង 01:15:PM
តាកែវ៖ កម្លាំងនៃបញ្ជាការដ្ឋានកងរាជអាវុធហត្ថខេត្ត កាលពីថ្ងៃទី២៦ ខែវិច្ឆិកា ឆ្នាំ២០២១នេះ បានធ្វើ ការឃាត់ខ្លួនយុជន ០៤នាក់ នៅមុខមហោស្រពខេត្ត ស្ថិតនៅភូមិពីរ សង្កាត់រកាក្នុង ក្រុងដូនកែវ ខេត្តតាកែវ ។
បើតាមការបញ្ជាក់ពី លោកវរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្ត បានឱ្យដឹងថា បានដឹកនាំកម្លាំង ចុះល្បាតក្នុងភូមិសាស្រ្តខេត្ត ដល់ចំណុចសួនច្បារមុខមហោស្រព ស្ថិតក្នុងភូមិពីរ សង្កាត់រកាក្នុង ក្រុងដូនកែវ។ ខណៈនោះកម្លាំងល្បាតក៏បានប្រទះក្មេងទំនើង០១ក្រុម មានគ្នា ០៤នាក់ កម្លាំងយើងមានការសង្ស័យ ក៏ចុះទៅឃាត់សួរនាំនឹងឆែកឆេរ បានប្រទះឃើញនៅម៉ូតូ មានសៀតដាវ ០១ដើម។ បន្ទាប់ពីបានប្រទះឃើញដាវដែគួរឱ្យសង្ស័យ កម្លាំងជំនាញបានរាយការណ៍សុំគោលការណ៍ពី ឯកឧត្តមព្រះរាជអាជ្ញា ដើម្បីឃាត់ខ្លួនជនសង្ស័យខាងលើ និងវត្ថុតាងយកមកសាកសួរ។ ជនសង្ស័យទាំង ០៤នាក់ដែលបានឃាត់ខ្លួនរួមមានឈ្មោះដូចខាងក្រោម៖
១.ឈ្មោះចិន ហ៊ាន ភេទប្រុស អាយុ២០ឆ្នាំ មុខរបរកម្មករលើកមាន់រស់នៅភូមិ/ឃុំ ប្រាំបីមុំ ស្រុកទ្រាំង។ ២.ឈ្មោះ រ័ត្ន សត្យា ភេទប្រុស អាយុ១៧ឆ្នាំ មុខរបរកម្មករលើកមាន់រស់នៅ ភូមិប្រស៊ូរ ឃុំតាភេម ស្រុកត្រាំកក់។
៣.ឈ្មោះ ឌុក វណ្ណៈ ភេទ ប្រុសអាយុ២១ឆ្នាំ មុខរបរកម្មករលើមាន់ រស់នៅ ភូមិប្រស៊ូរ ឃុំ តាភេមស្រុកត្រាំកក់។
៤.ឈ្មោះ ស សាត ភេទប្រុស អាយុ២០ឆ្នាំមុខរបរកម្មករលើកមាន់រស់នៅភូមិភ្នំក្រោម ឃុំចុងឃ្នាស ស្រុក/ខេត្ត សៀមរាប។ ដោយឡែកវត្ថុតាងដែលចាប់យករួមមាន:១.ម៉ូតូគ្រប់ប្រភេទចំនួន០៤គ្រ។២.ទូរស័ព្ទដៃគ្រប់ប្រភេទចំនួន០៤គ្រឿង។
បច្ចុប្បន្ន ជនសង្ស័យខាងលើកម្លាំងជំនាញ នៃកងរាជអាវុធហត្ថខេត្តកំពុងសាកសួរនឹងកសាង សំណុំរឿងបញ្ជូន ទៅសាលាដំបូងខេត្តដើម្បីចាត់ការតាមនីតីវិធី៕