សម្ដេចតេជោ ហ៊ុន សែន អញ្ជើញទទួលជួបពិភាក្សាការងារជាមួយអគ្គនាយកសហព័ន្ធសន្តិភាពសកល (UPF) ពិតជាមហាសំណាងមិនគួរឲ្យជឿមែន! អ្នកដំណើរ២១នាក់ដែលធ្លាប់យន្តហោះនៅរដ្ឋតិចសាស់ រួចផុតពីសេចក្តីស្លាប់ ផ្សារទំនើបខ្នាតតូចមុនដំបូងគេបង្អស់នៅខេត្តតាកែវ សម្រេចសាងសង់បាន ៤០ភាគរយហើយ អាជ្ញាធរខេត្តតាកែវ ដឹកនាំមន្រ្តីជំនាញ និងកម្លាំងសមត្ថកិច្ចចំរុះ ចុះរុះរើខ្ទមតូចៗរបស់ពលរដ្ឋដែលសង់នៅលើដីរដ្ឋដោយខុសច្បាប់ អាកុលក្លែងក្លាយជាង១ម៉ឺនគីឡូក្រាម និងទំនិញខូចគុណភាព១៥០គីទ្បូក្រាម ត្រូវបានមន្រ្តីជំនាញ ក.ប.ប ធ្វើការដុតបំផ្លាញ និងកំម្ទេចចោល ក្រោយដកហូតពីលើទីផ្សារកន្លងមក សម្តេចតេជោនឹងដឹកនាំកិច្ចប្រជុំគណៈរដ្ឋមន្ត្រីនៅថ្ងៃទី២២ ខែតុលា ដើម្បីពិភាក្សា និងឆ្លងរបៀបវារៈចំនួន៣ ក្រសួងសុខាភិបាល ណែនាំអភិបាលរាជធានី-ខេត្ត ចាត់ចែងចាក់វ៉ាក់សាំងជូនពលរដ្ឋវ័យចាស់ ស្រ្តីមានផ្ទៃពោះ ស្រ្តីបំបៅកូនដោយទឹកដោះ អ្នកបានជាសះស្បើយពីជំងឺផ្សេងៗ រួមទាំងជំងឺកូវីដ១៩ និងអ្នកមានជំងឺប្រចាំកាយ ប្រធានសហភាពសហព័ន្ធយុវជនកម្ពុជា៖ការដាក់ឱ្យចរាចរក្រដាសប្រាក់៣០.០០០រៀលថ្មី ឆ្លុះបញ្ចាំងពីដំណើរវិវឌ្ឍប្រកបដោយភាពវិជ្ជមានរបស់សង្គមកម្ពុជាសព្វថ្ងៃ ក្រសួងប្រៃសណីយ៍ និងទូរគមនាគមន៍កម្ពុជា ជូនដំណឹង ស្តីពី ការដាក់ឱ្យដំណើរការប្រព័ន្ធ QR Code “បណ្ណចាក់វ៉ាក់សាំងឌីជីថល StopCovid QR Vaccine” វ៉ាក់សាំងបង្ការជំងឺកូវីដ១៩ ស៊ីណូវ៉ាក់ (Sinovac) ចំនួន២លានដូស ដែលជាជំនួយរដ្ឋាភិបាលចិន បានមកដល់កម្ពុជាទៀតហើយ ប្រជាពលរដ្ឋខ្វះខាត២៥ គ្រួសារក្នុងស្រុកកោះអណ្តែតបានទទួលអំណោយមនុស្សធម៌ពីលោក ប៊ុន បូរិន្ទ ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តតាកែវ សម្ដេចក្រឡាហោម ស ខេង ៖អញ្ជើញប្រកាសចូលកាន់មុខតំណែងលោក ជាវ តាយ ជា​អភិ​បាលខេត្តពោធិ៍សាត់ថ្មី កាកបាទក្រហមកម្ពុជា នាំយកគ្រឿងឧបភោគបរិភោគ និងបច្ច័យមួយចំនួន ចូលបុណ្យ៧ថ្ងៃ សពលោក សំ តារាវុទ្ធី អតីតតារាសម្តែងភាពយន្ត ជើងចាស់ លោក ជាវ តាយ នាំយកថវិកា លោក ហ៊ុន ម៉ាណែត ជូនដល់ក្រុមការងារយុវជនគណបក្ស ស្រុកបន្ទាយមាស ដើម្បីសាងសង់ស្នាក់ការយុវជនគណបក្ស អគ្គនាយកដ្ឋានគយ និងរដ្ឋាករកម្ពុជា រៀបចំសិក្ខាសាលាស្ដីពីការ បំពេញបែបបទ បញ្ចេញទំនិញ ឆ្នាំ២០២១ ដើម្បីសម្រួលការធ្វើពាណិជ្ជកម្ម និងប្រកួតប្រជែង ជាមួយដៃគូរសហការអន្តរជាតិ រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ ជំរុញឱ្យគណៈកម្មាធិការ បណ្តុះ បណ្តាលវិជ្ជាជីវៈសារព័ត៌មាន និងវិក្រឹត្យការ ត្រូវរៀបចំសិក្ខា សាលាស្ដីពីសេរីភាពនិងវិជ្ជា ជីវៈសារព័ត៌មាន សម្ដេចក្រឡាហោម ស ខេង៖ មេឃុំ ចៅសង្កាត់ មេប៉ូលីស មេភូមិ ត្រូវបម្រើពលរដ្ឋឲ្យបានល្អ ព្រោះសំទ្បេងឆ្នោតពឹងអ្នកទាំង៤នេះហើយ សម្ដេចក្រឡាហោម ស​ ខេង អញ្ជើញប្រកាស អភិបាលខេត្តបាត់ដំបងថ្មី សម្តេចពិជ័យសេនា ទៀ បាញ់ អញ្ជើញបើកយុទ្ធនាការចាក់វ៉ាក់សាំងការពារជំងឺកូវីដ-១៩ ដូសទី៣ (ដូសជំរុញ) ក្នុងក្របខណ្ឌរាជធានីភ្នំពេញ ក្រុមប្រឹក្សាធម្មនុញ្ញ ទូលថ្វាយព្រះមហាក្សត្រថា សេចក្តីព្រាងច្បាប់ធម្មនុញ្ញ ស្តីពីការកំណត់ «សញ្ជាតិខ្មែរតែមួយ» អាចទៅធ្វើបាន

សម្ដេចក្រឡាហោម ស​ ខេង អញ្ជើញប្រកាស អភិបាលខេត្តបាត់ដំបងថ្មី

11-តុលា-2021 - ម៉ោង 01:57:PM

នាព្រឹកថ្ងៃចន្ទ ទី១១ ខែតុលា ឆ្នាំ២០២១ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃអញ្ជើញជាអធិបតីក្នុងពិធីប្រកាសចូលកាន់មុខតំណែងអភិបាលនៃគណៈអភិបាលខេត្តបាត់ដំបង។ ពិធីប្រកាសចូលកាន់មុខតំណែងនាឱកាសនេះ បានប្រារព្ធឡើងបន្ទាប់ពីព្រះករុណាជាអម្ចាស់ ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត បានចេញព្រះរាជក្រឹត្យ ត្រាស់បង្គាប់ តែងតាំងឯកឧត្តម សុខ លូ ជាអភិបាល នៃគណៈអភិបាលខេត្តបាត់ដំបង ជំនួសឯកឧត្តម ងួន រតនៈ ដែលត្រូវត្រាស់បង្គាប់តែងតាំងជាអភិបាល នៃគណៈអភិបាលខេត្តកំពង់ធំ។

ជាកិច្ចចាប់ផ្ដើម ឯកឧត្តម ងួន រតនៈ បានធ្វើរបាយការណ៍ស្វាគមន៍ជូនសម្ដេចក្រឡាហោម ស ខេង ឧបនាយករដ្ឋមន្រ្តី គណៈអធិបតី និងអង្គពិធី អំពីស្ថានភាពទូទៅរបស់ខេត្តបាត់ដំបង ក្នុងនោះឯកឧត្តមបានគូសបញ្ជាក់អំពីកិច្ចខិតខំប្រឹងប្រែងរបស់រដ្ឋបាលខេត្ត ក្នុងកិច្ចការបំរើជាតិ និងប្រជាជន ជាពិសេសការបង្ការទប់ស្កាត់ការឆ្លងរីករាលដាលជំងឺកូវីដ-១៩ នៅក្នុងអាណត្តិការងាររបស់ឯកឧត្តមជាអភិបាលខេត្តបាត់ដំបងនាពេលកន្លងមកនេះ។ ជាមួយគ្នានេះដែរ ឯកឧត្តម សុខ លូ ក៏បានថ្លែងប្ដេជ្ញាចិត្តជូនសម្ដេច គណៈអធិបតី ព្រមទាំងអង្គពីធី សម្រាប់ការចូលកាន់មុខតំណែងជាអភិបាល នៃគណៈអភិបាលខេត្តបាត់ដំបងនាឱកាសនេះ។

សម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក៏បានអញ្ជើញមានប្រសាសន៍ទៅកាន់អង្គពិធី ដោយជាកិច្ចចាប់ផ្ដើម សម្ដេចបានលើកឡើងពីការសម្របខ្លួនទៅនឹងបរិបទកូវីដ-១៩ តាមរយៈការប្រារព្ធពិធីប្រកាសចូលកាន់មុខតំណែងនាថ្ងៃនេះ ដោយប្ដូរពីការប្រារព្ធនៅក្នុងសាលសាលាខេត្តមកធ្វើនៅបរិវេណខាងក្រៅ ខណៈសមាសភាពចូលរួមក៏មានការប្រែប្រួលតិចជាងមុនដែរ។

សម្ដេចក្នុងនាមរាជរដ្ឋាភិបាលក៏បានថ្លែងអំណរគុណឯកឧត្តម ងួន រតនៈ ក្នុងឋានៈជាអភិបាលខេត្តបាត់ដំបងកន្លងមក ក្រុមប្រឹក្សា ថ្នាក់ដឹកនាំអង្គភាពនានាចំណុះរដ្ឋបាលខេត្ត ក្រុមការងាររាជរដ្ឋាភិបាល ក្រុមការងារគណបក្ស ព្រមទាំងមន្រ្តីរាជការស៊ីវិល និងកងកម្លាំងក្នុងរដ្ឋបាលខេត្តបាត់ដំបងទាំងមូលដែលបានខិតខំបំពេញភារកិច្ចថែរក្សាការពារបូរណភាពទឹកដី ផ្ដល់សេវាសាធារណៈជូនប្រជាពលរដ្ឋ ពិសេសនៅក្នុងដំណាក់កាលចុងក្រោយដែលមានការរីករាលដាលជំងឺកូវីដ-១៩។

ពាក់ព័ន្ធនឹងការផ្ទេរតំណែងនៅថ្ងៃនេះ សម្ដេចក្រឡាហោមបានសង្កត់ធ្ងន់ថានេះគឺជាការប្រព្រឹត្តទៅធម្មតាក្នុងជីវភាពនយោបាយ និងរដ្ឋបាល ហើយកន្លងមកខេត្តបាត់ដំបងបានផ្លាស់ប្ដូរអភិបាលខេត្តចំនួន១១រួចមកហើយ។ សម្ដេចបានស្នើឱ្យក្រុមប្រឹក្សា គណៈអភិបាល ថ្នាក់ដឹកនាំតាមមន្ទីរជំនាញ អភិបាលនៃគណៈអភិបាល ក្រុង ស្រុក ផ្ដល់ការគាំទ្រជូនឯឧត្តម សុខ លូ ដើម្បីជំរុញនូវការចាត់ចែងការងារស្របតាមគោលនយោបាយរបស់រាជរដ្ឋាភិបាលឱ្យកាន់តែល្អប្រសើរថែមទៀតក្នុងតួនាទីជាអភិបាលថ្មីនៃគណៈអភិបាលខេត្តបាត់ដំបង។

នៅក្នុងឱកាសនេះដែរ សម្ដេចក្រឡាហោមបានគូសបញ្ជាក់អំពីព្រឹត្តិការណ៍ធំៗនៅឆ្នាំ២០២២ ជាពិសេសព្រឹត្តិការណ៍ដែលមិនអាចរំលងបាន គឺការបោះឆ្នោតជ្រើសរើសសមាជិកក្រុមប្រឹក្សា ឃុំ សង្កាត់ ដែលជាផ្នែកមួយនៃការពង្រឹងលទ្ធិប្រជាធិបតេយ្យ ពង្រឹងការកសាងអំណាចរដ្ឋបាលនៅមូលដ្ឋាន ដើម្បីធានាប្រសិទ្ធភាពនៃការបំពេញភារកិច្ច បំរើជាតិ និងប្រជាជន តាមរយៈការដាក់ចេញគោលនយោបាយកំណែទម្រង់វិមជ្ឈការ និងវិសហមជ្ឈការ។ ដោយឡែកព្រឹត្តិការណ៍ជាតិធំមួយទៀត គឺកម្ពុជានឹងទទួលធ្វើជាប្រធានប្ដូរវេនកិច្ចប្រជុំអាស៊ាន ខណៈនៅឆ្នាំ២០២៣ កម្ពុជានឹងរៀបចំការបោះឆ្នោតជ្រើសតាំងតំណាងរាស្រ្ត និងធ្វើជាម្ចាស់ផ្ទះព្រឹត្តិការណ៍កីឡាអាស៊ី។

ភ្ជាប់នឹងការបញ្ជាក់ខាងលើនេះ សម្ដេចក្រឡាហោមបានណែនាំឱ្យថ្នាក់ដឹកនាំ និងមន្ត្រីរាជការចំណុះរដ្ឋបាលខេត្តទាំងអស់ ខិតខំថែរក្សាការពារសន្តិភាព សន្តិសុខ សណ្ដាប់ធ្នាប់សាធារណៈ ជំរុញគោលនយោបាយភូមិឃុំមានសុវត្ថិភាព ដែលជាបន្ទាត់នយោបាយមួយក្នុងការពង្រឹងសន្តិសុខសាធារណៈ និងដោះស្រាយបញ្ហាប្រឈមនានានៅមូលដ្ឋាន។ សម្ដេចបានបន្តថាគោលនយោបាយនេះ ត្រូវការការផ្សព្វផ្សាយ អនុវត្ត និងជំរុញការគាំទ្រពីប្រជាពលរដ្ឋ។ ជាមួយគ្នានេះ សម្ដេចក៏បានបន្តគូសបញ្ជាក់អំពីការរៀនរស់ជាមួយកូវីដ-១៩ ដើម្បីធានាប្រក្រតីភាពនៃសេដ្ឋកិច្ច សង្គម ពិសេសជីវភាពរស់នៅរបស់ប្រជាពលរដ្ឋ។

សម្ដេចឧបនាយករដ្ឋមន្រ្តីក៏បានមានប្រសាសន៍ណែនាំឱ្យថ្នាក់ដឹកនាំរដ្ឋបាលខេត្តទាំងអស់បន្តភារកិច្ចការពារបូរណភាពទឹកដីឱ្យបានជាដាច់ខាតជាមួយនឹងការខិតខំពង្រឹងកិច្ចសហប្រតិបត្តិការជាមួយខេត្តជាប់ព្រំដែនដើម្បីធានាព្រំដែនសន្តិភាព និងអភិវឌ្ឍន៍ ធ្វើយ៉ាងណាឱ្យពលរដ្ឋមានទីផ្សារលក់ផលិតផលឱ្យបានកាន់តែច្រើន ជំរុញការចរាចរណ៍ផ្លាស់ប្ដូរទំនិញទៅវិញទៅមក ពង្រឹងកិច្ចសហប្រតិបត្តិការទប់ស្កាត់បទល្មើសឆ្លងដែន គ្រប់ប្រភេទ ពិសេស បទល្មើសគ្រឿងញៀន និងបទល្មើសឆ្លងដែនខុសច្បាប់។

ក្នុងពិធីប្រកាសចូលកាន់មុខតំណែងអភិបាលខេត្តបាត់ដំបងនេះដែរ សម្ដេចក្រឡាហោមឧបនាយករដ្ឋមន្រ្តី បានបន្តគូសបញ្ជាក់អំពីការពង្រឹងទំនាក់ទំនងការងាររវាងក្រុមប្រឹក្សា និងគណៈអភិបាល ការងារកំណែទម្រង់មុខងារ សាធារណៈ កំណែទម្រង់វិមជ្ឈការ និងវិសហមជ្ឈការ ដំណើរការពិនិត្យ និងចុះឈ្មោះបោះឆ្នោត ព្រមទាំងជំរុញការយកចិត្តទុកដាក់លើទឹកចិត្តដល់តួអង្គ៤នៅមូលដ្ឋាន រួមមានមេឃុំ ចៅសង្កាត់ ស្មើនឃុំស្មៀនសង្កាត់ មេប៉ុស្តិ៍នគរបាលឃុំសង្កាត់ និងមេភូមិ។

ពាក់ព័ន្ធនឹងការដោះស្រាយបញ្ហាជូនប្រជាពលរដ្ឋ សម្ដេចក្រឡាហោមឧបនាយករដ្ឋមន្រ្តីបានលើកទឹកចិត្តថ្នាក់ដឹកនាំ និងមន្ត្រីទាំងអស់ ខិតខំយកចិត្តទុកដាក់រួមគ្នាដោះស្រាយ ក្នុងនោះសម្ដេចផ្ទាល់ក៏បានបង្កើតយន្តការប្រមូលបញ្ហាយកមកដោះស្រាយតាមរយៈបណ្ដាញទំនាក់ទំនងសង្គមហ្វេសប៊ុកផងដែរ ដោយសម្ដេចបានបន្តថាការបង្កើតយន្តការនេះក៏ជាផ្នែកមួយនៃការផ្ដល់ជម្រើសជូនពលរដ្ឋដែលមានបញ្ហាលំបាកក្នុងការដោះស្រាយបញ្ហា។

មុននឹងបញ្ចប់ សម្ដេចក្រឡាហោម ឧបនាយករដ្ឋមន្រ្តីក៏បានផ្ដល់ការជំរុញលើកទឹកចិត្តឱ្យថ្នាក់ដឹកនាំ និងមន្រ្តីរាជការចំណុះរដ្ឋបាលខេត្ត ខិតខំរួមកម្លាំងសាមគ្គីគ្នាក្នុងការជួយដោះស្រាយការលំបាករបស់ប្រជាពលរដ្ឋ ពិសេសពលរដ្ឋជួយការលំបាកដោយសារជំងឺកូវីដ-១៩ និងដោយសារគ្រោះហន្តរាយធម្មជាតិ។ សម្ដេចក៏បានផ្ដល់ការលើកទឹកចិត្តដល់ក្រុមការងារក្រឡាហោមមនុស្សធម៌ដឹកនាំដោយឯកឧត្តម ខាន់ មាណេរ និងឯកឧត្តម ចន្ទ សុផល ដែលបានបានក្លាយជាចលករមួយរួមចំណែកយ៉ាងសកម្មក្នុងកិច្ចការជួយសង្គ្រោះប្រជាពលរដ្ឋ។ ជាមួយគ្នានេះសម្ដេចបានអំពាវនាវឱ្យថ្នាក់ដឹកនាំ ក្រុមការងារ និងវិស័យឯកជន រួមគ្នាផ្ដល់ការគាំទ្រដល់កិច្ចការជួយសង្រោះប្រជាពលរដ្ឋ៕