09-កញ្ជា-2021 - ម៉ោង 03:47:PM
តាកែវ៖ នៅរសៀលថ្ងៃព្រហស្បតិ៍ ទី០៩ ខែកញ្ញា ឆ្នាំ ២០២១ នេះ លោក កេត ម៉ៅ អភិបាលស្រុកសំរោង និងជាប្រធានគណៈកម្មាធិការប្រយុទ្ធប្រឆាំងនឹងជំងឺកូវីដ-១៩ បាននាំយកអំណោយរបស់លោកនាយឧត្តមសេនីយ៍ បណ្ឌិត ម៉ៅ ហាវណ្ណាល់រដ្ឋមន្រ្តីទទួល បន្ទុករដ្ឋលេខា ធិការដ្ឋានអាកាសចរសុីវិល និងជាប្រធានក្រុម ការងាររាជរដ្ឋា ភិ បាលចុះជួយមូល ដ្ឋានស្រុកសំរោងទទួល បន្ទុក ៩ឃុំ ជូនដល់បងប្អូនពលករដែលទើបវិលត្រលប់មកពីប្រទេសថៃ ចំនួន៥នាក់ ដែលតម្រូវ ឲ្យពួកគាត់ ធ្វើចត្តាឡីស័កនៅមណ្ឌលចត្តាឡីស័កសាលាបឋម សិក្សាទួលរវៀង ស្ថិតក្នុងឃុំស្លា ស្រុកសំរោង ខេត្តតាកែវ ។
នាឱកាសនោះផងដែរ លោក កេត ម៉ៅ ក៏បានធ្វើការណែនាំ ផ្តាំផ្ញើ ដល់ប្អូនពលករទាំង៥ នាក់ ដែលទើបត្រឡប់មកពីធ្វើការនៅប្រទេសថៃ សូមចូលរួមបន្តអនុវត្តតាមការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់រាជរដ្ឋាភិ បាលកម្ពុជា ឲ្យបានខ្ជាប់ខ្ជួនបន្តទៀត ដើម្បីជាការចូលរួម ក្នុងការទប់ស្កាត់ជំងឺឆ្លងដ៏កាចសាហាវនេះ និងជាពិសេសថែម ទៀតនោះ ចូលរួម ទប់ស្កាត់ការឆ្លងរីករាលជំងឺកូវីដ- ១៩ បំលែងថ្មី ដែលតា (Delta) កុំឲ្យឆ្លងចូលមកក្នុងមូលដ្ឋានភូមិឃុំស្រុករបស់យើងបាន។
ក្នុងនោះផងដែរ លោកភិបាលស្រុកសំរោង ក៏បានឲ្យដឹងថា លោកបានធ្វើការសាក សួរជាមួយបងប្អូនពលករទាំង៥នាក់ ដោយបានបញ្ជាក់ថា ពួកគាត់ត្រូវបានអាជ្ញាធរស្រុកជាប់ព្រំដែនថៃ តម្រូវឲ្យពួកគាត់ទាំងអស់គ្នាធ្វើចត្តាឡីស័ក១៤ ថ្ងៃរួចហើយ ។ លោកបន្ត ប៉ុន្តែដើម្បីសុខសុវត្តិភាពពួកគាត់ គ្រួសារគាត់ និងមូលដ្ឋានស្រុកសំរោងទាំងមូល គឺអាជ្ញាធរស្រុកបានយកពួកគាត់មកធ្វើតេស្តរកកូវីដរួចហើយជាលទ្ធផលមិនមានផ្ទុកជំងឺកូវីដ១៩ ឬកូវីដបំលែងថ្មីនោះទេ និងបានតម្រូវឲ្យពួកគាត់បន្តធ្វើចត្តាឡីស័កបន្ថែម១៤ ថ្ងៃ មុននិងអោយគាត់ត្រឡប់ទៅផ្ទះវិញនោះ ។
ជាចុងក្រោយ លោកអភិបាលស្រុកសំរោង កេត ម៉ៅ ក៏សូម ជូនពរបងប្អូនពលករទាំង៥ នាក់ ជៀសផុតពីការឆ្លងជំងឺកូវីដ១៩ គ្រប់ប្រភេទ និងមានសុខភាពល្អ និងឆាប់បានត្រឡប់ទៅផ្ទះជួបជុំគ្រួសារវិញ ។
អំណោយដែលបានផ្តល់ជូនក្នុងម្នាក់ៗទទួលបានរួមមាន៖ ថវិកា ៥០,០០០រៀល- អង្ករ ២៥គីឡូក្រាម- ទឹកបរិសុទ្ធវីតាល់ ១កេស- មី ១កេស- ទឹកត្រី ១យួរ- ទឹកសុីអុីវ ១យួរ- ម៉ាស ១ប្រអប់ - អាល់កុល ១ដបតូចផងដែរ ៕
