រកឃើញវិជ្ជមានកូវីដ១៩ លើយុវជនម្នាក់ដែលរងគ្រោះថ្នាក់ចរាចរណ៍ជាមួយឡានដឹកដីកែងសកលវិទ្យាល័យប្រៀលប្រាយ ប្រធានមន្ទីរពេទ្យបង្អែកខេត្ត អំពាវនាវអ្នកពាក់ព័ន្ធមកធ្វើត្តេស៍ នឹងធ្វើចត្តាឡីស័ក

03-សីហា-2021 - ម៉ោង 03:06:PM

តាកែវ៖ យុវជនម្នាក់ដែលជួបគ្រោះថ្នាក់ចារចរណ៍ រវាងម៉ូតូហុងដាឌ្រីម ជាមួយ ឡានដឹកដី នៅផ្លូវបែកចែក ជាបួន ខាងត្បូង សកលវិទ្យាល័យបៀលប្រាយ សាខាខេត្តតាកែវ កាលពីវេលាម៉ោងប្រមាណ ១១ថ្ងៃត្រង់ ទី០៣ ខែសីហា ឆ្នាំ២០២១នេះ ស្ថិតនៅភូមិមួយ សង្កាត់រកាក្នុង ក្រុងដូនកែវ ខេត្តតាកែវ ត្រូវបានធ្វើត្តេស៍រកឃើញវិជ្ជមានកូវីដ១៩ ក្នុងនោះប្រធានមន្ទីរពេទ្យអំពាវនាវអ្នកពាក់ព័ន្ធមកធ្វើត្តេស៍ និងធ្វើចត្តាឡីស័កឱ្យបានត្រឹមត្រូវ ។
ថ្លែងប្រាប់ក្រុមអ្នកសារព័ត៌មាន នៅរសៀលថ្ងៃទី០៣ ខែសីហានេះ លោកវេជ្ជបណ្ឌិត ឈូវ ឈួន ប្រធានមន្ទីរសុខាភិបាលខេត្តតាកែវ បានបញ្ជាក់ថា ជនរងគ្រោះឈ្មោះ ពេជ្រ វិបុល ភេទប្រុស អាយុ ១៤ ឆ្នាំ មុខរបបរ សិស្ស មានអាសយដ្ឋានភូមិថ្នល់បែក សង្កាត់រកាក្រៅ ក្រុងដូនកែវ គឺត្រូវបានពិនិត្យរកឃើញ វិជ្ជមានកូវីដ ១៩ ដោយឡែកម្តាយរងគ្រោះមានឈ្មោះ ភន ថែ ស អាយុ ៣៥ឆ្នាំ មានមុខរបរលក់ក្នុងបន្លែផ្សារតាកែវ ។
ក្រោយការពិនិត្យរកឃើញនេះដែរ លោកវេជ្ជបណ្ឌិត ប្រធានមន្ទីរពេទ្យបង្អែកខេត្ត ក៏សូមធ្វើការអំពាវនាវ ដល់បងប្អូន ដែលមានការពាក់ព័ន្ធផ្ទាល់ និងប្រយោល សូមតាមដានសុខភាពរបស់ខ្លួន ឬដាក់ខ្លួនដាច់ ដោយឡែករយះពេល ១៤ថ្ងៃ ប្រសិនមានអាការៈសង្ស័យណាមួយត្រូវប្រញាប់មកផ្ដល់សំណាកនៅ មណ្ឌលសុខភាព ឬមន្ទីរពេទ្យ ដែលនៅក្បែរលំដ្ឋានរបស់ខ្លួន ៕