03-សីហា-2021 - ម៉ោង 11:41:AM
តាកែវ៖ រដ្ឋបាលខេត្តតាកែវ នៅថ្ងៃទី ០៣ ខែសីហា ឆ្នាំ២០២១នេះ បានចេញសេចក្តីជូដំណឹងស្តីពីកម្មវិធីចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋនៅស្រុកព្រៃកប្បាស និងស្រុកកោះអណ្តែត ដែលជាស្រុកចុងក្រោយគេ។
នៅក្នុងសេចក្តីជូនដំណឹងដដែល បានបញ្ជាក់ថា ចំពោះប្រជាពលរដ្ឋរស់នៅស្រុកព្រៃកប្បាសទាំងអស់ដែលមានអាយុចាប់ពី១៨ឆ្នាំឡើងទៅ រដ្ឋបាលខេត្តនឹងបើកយុទ្ធនាការចាក់វ៉ាក់សាំងការពារជំងឺកូវីដ១៩ចាប់ពីថ្ងៃទី ០៤ ខែសីហា នៅទីតាំងចំនួន០៩ ក្នុងនោះ មន្ទីរពេទ្យបង្អែកព្រៃកប្បាស មណ្ឌលសុខភាពវ៉ាជាង អនុវិទ្យាល័យពាមមង្គលបុរី មណ្ឌលសុខភាពក្រាំងស្លា សាលាបឋមសិក្សាឬស្សីថ្មី វត្តកំពែង សាលាបឋមសិក្សាភ្ញីមាស វិទ្យាល័យអង្គអណ្តែត និងមណ្ឌលសុខភាពពោធិ៍រំចាក ដោយឡែកចំពោះប្រជាពលរដ្ឋនៅស្រុកកោះអណ្តែតទាំងអស់ដែលមានអាយុចាប់ពី១៨ឆ្នាំឡើងទៅ រដ្ឋបាលខេត្តនឹងបើកយុទ្ធនាការចាក់វ៉ាក់សាំងការពារជំងឺកូវីដ១៩ចាប់ពីថ្ងៃទី ០៥ ខែសីហា នៅទីតាំងចំនួន៤ ក្នុងនោះ មន្ទីរពេទ្យបង្អែកកោះអណ្តែត សាលាបឋមសិក្សាកោះអណ្តែត សាលាបឋមសិក្សាព្រៃម្លូរ និងសាលាបឋមសិក្សាព្រៃមេលង ។
ការចាក់វ៉ាក់សាំងការពារជំងឺកូវីដ១៩ អនុវត្តជារៀងរាល់ថ្ងៃចាប់ពីថ្ងៃបើកយុទ្ធនាការចាក់តាមស្រុកនីមួយៗ ចាប់ពីម៉ោង០៧ៈ៣០នាទីរហូតដល់ម៉ោង៤ល្ងាច ដោយបងប្អូនភ្ជាប់មកជាមួយអត្តសញ្ញាប័ណ្ណសញ្ជាតិខ្មែរឬលិិខិតឆ្លងដែន សំបុត្រកំណើត សៀវភៅគ្រួសារ ឬឯកសារបញ្ជាក់អត្តសញ្ញាណ ៕
សូមអានសេចក្ដីជូនដំណឹងរបស់ រដ្ឋបាលខេត្តតាកែវ ដូចខាងក្រោម៖