26-មិនា-2021 - ម៉ោង 11:11:AM
ភ្នំពេញ៖ កម្ពុជាបញ្ជាទិញពីប្រទេសចិននៅវ៉ាក់សាំង Sinovac ១.៥លានដូស ហើយនិងត្រូវបានដឹកមកដល់ នៅថ្ងៃទី២៦ ខែមីនា ឆ្នាំ២០២១នេះ ។
លោកស្រី យក់ សម្បត្តិ រដ្ឋលេខាធិការក្រសួងសុខាភិបាល បានពន្យល់អំពីលក្ខខណ្ឌប្រើប្រាស់ និងប្រសិទ្ធភាព នៃវ៉ាក់សាំងថ្មីនេះ ក្នុងអំឡុងចូលរួមទទួលវ៉ាក់សាំង ។ លោកស្រី បានបញ្ជាក់ប្រាប់ថា លក្ខខណ្ឌ នៃការប្រើប្រាស់ និងប្រសិទ្ធភាពរបស់ វ៉ាក់សាំង Sinovac មិនខុសប្លែងពីវ៉ាក់សាំង Sinopharm នោះទេ ហើយជីវិតវ៉ាក់សាំងនេះអាចប្រើប្រាស់បានក្នុងរយៈពេល៣៦ខែ ប៉ុន្តែក្រុមហ៊ុនណែនាំឱ្យចាក់ក្នុងរយៈពេល៦ខែ ដើម្បីកាន់តែទទួលបានប្រសិទ្ធភាព។
លោកស្រី យក់ សម្បត្តិ បានបញ្ជាក់ថា វ៉ាក់សាំង Sinovac នេះ មានតម្លៃ១០ដុល្លារក្នុង១ដូស ដែលមានចំណុះ១.៥មីលីលីត្រ ក្នុងមួយដប ដូច្នេះការបញ្ជាទិញលើកនេះចំនួន១.៥លានដូស រាជរដ្ឋាភិបាលបានចំណាយរហូតដល់ ១៥លានដុល្លារ។ ទោះជាយ៉ាងនេះក្តី លោកស្រីអះអាងថា កម្ពុជាកំពុងចរចាដើម្បីទិញវ៉ាក់សាំងនេះបន្ថែមទៀត ដើម្បីសម្រេចតាមផែនការចាក់ជូនពលរដ្ឋ១០លាននាក់។
បញ្ជាក់ថា «យើងនឹងបន្តធ្វើការទិញវ៉ាក់សាំងបន្តទៀត ហើយយើងក៏បន្តទិញ Sinovac ថែម៤លានដូសទៀត ៕
