21-មិថុនា-2022 - ម៉ោង 03:14:PM
តាកែវ៖ កម្លាំងអាវុធហត្ថខេត្តតាកែវ បានឆ្មក់បង្ក្រាបទីតាំងជល់មាន់ភ្នាល់ដាក់ប្រាក់ខុសច្បាប់តាមទូរទស្សន៍អនឡាញ ស្ថិតក្នុងភូមិច្រកឈើគាំ ឃុំកំពែង ស្រុកគីរីវង់ និងទីតាំងមួយកន្លែងទៀតនៅចំនុចភូមិ/ឃុំ អង្គរតាសោមស្រុកត្រាំកក់។ ការឆ្មក់បង្រ្កាបទីតាំងទាំង២ខាងលើនេះ ធ្វើឡើងកាលពីពេលថ្មីៗកន្លងទៅនេះ ដោយនៅស្រុកគីរីវង់ដឹកនាំដោយលោកវ/ត្រីចាន់ ជៀប អនុមន្ទីរស្រាវជ្រាវនិងបង្ក្រាបបទល្មើស ដោយមានការដឹកនាំសម្របសម្រួលនីតិវិធី ពីលោកស្រុីវ.គឹមស្រស់ ព្រះរាជអាជ្ញារងខេត្ត និងស្រុកត្រាំកក់ ដឹកនាំដោយលោកវ/ឯកង៉ែត ចាន់ធី មេបញ្ជាការរងទទួលបន្ទុក នឹងដឹកនាំសម្របសម្រួលនីតិវិធី ដោយលោកញ៉ាន បូរី ព្រះរាជអាជ្ញារងអមសាលាដំបូងខេត្តតាកែវ ។
បើយោងតាមតាមរបាយការណ៍របស់កម្លាំងអាវុធហត្ថខេត្តតាកែវ បានបញ្ជាក់ថា ការឆ្មក់បង្រ្កាបទីតាំងជល់មាន់ភ្នាល់ដាក់ប្រាក់ខុសច្បាប់តាមទូរទស្សន៍អនឡាញនៅស្រុកគីរីវង់ ឃាត់ខ្លួនជនសង្ស័យ
បានចំនួន០៩នាក់៖ ១.ឈ្មោះញ៉េបឌុល ភេទប្រុស អាយុ៥៩ឆ្នាំ មុខរបរ ពេទ្យសត្វ រស់នៅភូមិច្រកឈើគាំ ឃុំកំពែង ស្រុកគីរីវង់។២.ឈ្មោះ នឿង បឿនភេទប្រុសអាយុ៥៤ឆ្នាំ មុខរបរ កសិករ រស់នៅភូមិតាពៅ ឃុំកំពែង ស្រុកគីរីវង់។៣.ឈ្មោះងុត ប៊ុនថន ភេទប្រុសអាយុ៥៥ឆ្នាំ មុខរបរ កសិករ រស់ភូមិតាពៅ ឃុំកំពែង ស្រុកគីរីវង់។៤.ឈ្មោះយិន សម្បត្តិ ភេទប្រុសអាយុ៤៥ឆ្នាំ មុខរបរ កសិករ រស់ភូមិជ្រៃធំ ឃុំត្នោត ស្រុកបន្ទាយមាស ខេត្តកំពត។៥.ឈ្មោះមឿង ភោ ភេទប្រុស អាយុ២៦ឆ្នាំមុខបើកបរ រស់នៅភូមិច្រកឈើគាំ ឃុំកំពែង ស្រុកគីរីវង់៦.ឈ្មោះស៊ឹម រិទ្ធ ភេទប្រុស អាយុ៤១ឆ្នាំមុខរបរកសិករ រស់នៅភូមិច្រកឈើគាំ ឃុំកំពែង ស្រុកគីរីវង់។៧.ឈ្មោះលី មុី ភេទប្រុស អាយុ៦០ឆ្នាំជាគ្រូបង្រៀន រស់នៅភូមិដីក្រហម ឃុំព្រៃរំដេង ស្រុកគីរីវង់៨.ឈ្មោះឡាយ រ៉ា ភេទប្រុស អាយុ៧០ឆ្នាំមុខរបរកសិករ រស់នៅភូមិធំ ឃុំកំពែង ស្រុកគីរីវង់។៩.ឈ្មោះជ័យ ប៊ុង ភេទប្រុស អាយុ៧០ឆ្នាំ មុខរបរគ្រូចូលនិវត្តន៍រស់នៅភូមិច្រកឈើគាំ ឃុំកំពែងស្រុកគីរីវង់។ វត្ថុតាងចាប់យករួមមាន:១.ទូរទស្សន៍០២គ្រឿង។២.ម៉ូតូគ្រប់ប្រភេទ២០គ្រឿង។៣.ប្រាក់ចំនួន៤៦០០០០រៀល។៤.ទូរស័ព្ទដៃចំនួន០៥គ្រឿង។
ដោយឡែកចំពោះទីតាំងជល់មាន់ភ្នាល់ដាក់ប្រាក់ ខុសច្បាប់តាមទូរទស្សន៍អនឡាញនៅស្រុកត្រាំកក់វិញ ឃាត់ខ្លួនជនសង្ស័យបានចំនួន០៩នាក់៖ ១.ឈ្មោះទេព សុភ័ណ្ឌ ភេទប្រុស អាយុ៣៣ឆ្នាំមុខរបរលក់ដូររស់នៅភូមិ/ឃុំអង្គរតាសោម ស្រុកត្រាំកក់។២.ឈ្មោះឆាយ វណ្ណះ ភេទប្រុសអាយុ៣៩ឆ្នាំ មុខរបរ រត់ម៉ូតូឌុបរស់នៅភូមិ/ឃុំ អង្គរតាសោម ស្រុកត្រៃកក់។៣.ឈ្មោះហៀម វណ្ណះ ភេទប្រុសមុខរបរបុគ្គលឹកឆ្នោតនាគនាំសំណាង រស់នៅភូមិត្រពាំងខ្នា ឃុំអង្គរតាសោម ស្រុកត្រាំកក់។៤.ឈ្មោះហេង ប៊ុនធឿន ភេទប្រុអាយុ៤០ឆ្នាំមុខរបរកសិករ រស់នៅភូមិកន្ទ្រីង ឃុំអរឬស្សី ស្រុក/ខេត្ត ក្រចេះ។៥.ឈ្មោះជឹម សាវឿន ភេទប្រុសអាយុ៤១ឆ្នាំមុខរបរលក់ដូរ រស់នៅភូមិ/ឃុំ អង្គរតាសោម ស្រុកត្រាំកក់។៦.ឈ្មោះហាន គឹមហេង ភេទប្រុស អាយុ៣៥ឆ្នាំមុរបរកសិករ រស់នៅភូមិបាក់កូដ ឃុំលាយបូរ ស្រុកត្រាំកក់។៧.ឈ្មោះភី ចាន់ថុន ភេទប្រុសអាយុ៤៧ឆ្នាំមុខរបរកសិករ រស់នៅភូមិស្រុកចេក ឃុំអង្គរតាសោម ស្រុកត្រាំកក់។៨.ឈ្មោះឃុំ សេដ្ឋា ភេទប្រុសអាយុ៥៥ឆ្នាំមុខរបរកសិករ រស់នៅភូមិត្រពាំងចែង ឃុំអង្គរតាសោម ស្រុកត្រាំកក់។ វត្ថុតាងចាប់យករួមមាន៖ ១.ទូរទស្សន៍០១គ្រឿង។ ២.ម៉ូតូគ្រប់ប្រភេទ១២គ្រឿង។៣.ប្រាក់៩៦០០០០រៀល៤.ទូរស័ព្ទដៃ០៦គ្រឿង។
ជនសង្ស័យត្រូវបានកម្លាំងជំនាញនៃកងរាជអាវុធហត្ថខេត្ត បានកសាងសំណុំរឿងបញ្ជូនជនសង្ស័យនិងវត្ថុតាងទៅសាលាដំបូងខេត្តតាកែវ ដើម្បីបន្តនីតិវិធីតាមច្បាប់ ៕