23-ឧសភា-2022 - ម៉ោង 10:36:AM
សៀមរាប ៖ កាលពីថ្ងៃទី២២ ខែឧសភា ឆ្នាំ២០២២ មានករណីរលំដើមឈើសង្កត់រថយន្ដចំនួន ០៣គ្រឿង នៅចំណុចចំណតរថយន្ដទឹកធ្លាក់ជាន់ទី៣ (ទឹកជ្រោះភ្នំគូលែន) បណ្តាលមកពីមានភ្លៀងធ្លាក់ និងខ្យល់បក់បោកខ្លាំងបណ្តាលឲ្យរលើងដើមឈើតែម្តង។
តាមការបញ្ជាក់ពីរសមត្ថកិច្ចឲ្យដឹងថា : ករណីនេះមិនបណ្តាលឲ្យគ្រោះថ្នាក់ដល់អាយុជីវិតមនុស្សទេ តែបានបណ្តាលឲ្យខូចខាតរថយន្តចំនួន ០៣គ្រឿង ក្នុងនោះរួមមាន៖
១. រថយន្ដ Lexus 200T ពណ៌ក្រហម ស្លាកលេខ(ភ្នំពេញ 2AX-1787) ០១គ្រឿង ខូចខាតផ្នែកខាងក្រោយ។
២. រថយន្ដ Ford Ranger ពណ៌ស ស្លាកលេខ (ភ្នំពេញ2AV-3368) ០១គ្រឿង ខូចខាតផ្នែកដំបូលទាំងស្រុង ដែលម្ចាស់រថយន្តទាំងពីរគ្រឿងខាងលើ ឈ្មោះ សុខ លី ភេទស្រី អាយុ៣០ឆ្នាំ មុខរបរលក់ដូរ ទីលំនៅភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្ដសៀមរាប។
និងទី៣. រថយន្ដ Toyota Vigo ពណ៌ខ្មៅ ស្លាកលេខ (សៀមរាប2C-3176) ខូចខាតផ្នែកខាងមុខ ដែលមានម្ចាស់ឈ្មោះ អ៊ុន វីរៈ ភេទប្រុស អាយុ៣៨ឆ្នាំ មុខរបរ យោធា ទីលំនៅភូមិចុងកៅស៊ូ សង្កាត់ស្លក្រាម ក្រុង/ខេត្ដសៀមរាប។
សមត្ថកិច្ចបានបន្តថា : បច្ចុប្បន្នបុគ្គលិកក្រុមហ៊ុនកំពុងកាត់មែកឈើដើម្បីយករថយន្ដចេញ ហើយខាងក្រុមហ៊ុន ក៏បានហៅម្ចាស់រថយន្តទាំង ៣គ្រឿង ទៅដោះស្រាយគ្នា ៕
