24-មករា-2022 - ម៉ោង 02:13:PM
តាកែវ៖ ជនសង្ស័យ១នាក់ ដែលមានសារធាតុញៀនក្នុងខ្លួនត្រូវបានសមត្ថកិច្ចឃាត់ខ្លួន បន្ទាប់ពីបានយកដុំឥដ្ឋគប់ចូលផ្ទះអតីតម្ដាយក្មេករបសខ្លួន។
ករណីខាងលើនេះបានកើតឡើង កាលពីវេលាម៉ោង២២និង៣០នាទីថ្ងៃទី ២២ ខែមករា ឆ្នាំ២០២២ នៅចំណុចភូមិត្រាំខ្នារ ឃុំសូភី ស្រុកបាទី ខេត្តតាកែវ។
ប្រភពពីសមត្ថកិច្ចបានឱ្យដឹងថា ជនបង្កឈ្មោះឡេង ប៊ុនឡាយ ភេទប្រុសអាយុ ៣២ឆ្នាំ មុខរបរមិនពិតប្រាកដ ជាមុខសញ្ញាប្រើប្រាស់សារធាតុញៀន មានទីលំនៅភូមិត្រពាំងក្រសាំង ឃុំត្រពាំងក្រសាំង ស្រុកបាទី ខេត្តតាកែវ ដោយបានធ្វើសកម្មភាពយកដុំថ្មគប់ផ្ទះជនរងគ្រោះឈ្មោះមឿង យឿន ភេទស្រី អាយុ៦០ឆ្នាំត្រូវជាអតីតម្ដាយក្មេក មានទីលំនៅភូមិត្រាំខ្នារ ឃុំសូភី ស្រុកបាទី ខេត្តតាកែវ បណ្ដាលឱ្យបែកកញ្ចក់ទ្វារមួយផ្ទាំងខ្ទេចអស់។
បច្ចុប្បន្នជនសង្ស័យត្រូវបានកម្លាំងសមត្ថកិច្ចស្រុកបាទី ឃាត់ខ្លួនដើម្បីចាត់ការបន្តតាមនីតិវិធីច្បាប់៕