ត្រឹមរយះពេល ១១ខែ សមត្ថកិច្ចជំនាញ បង្រ្កាបករណីគ្រឿងញៀនជិត ២តោន និងឃាត់ទុកទ្រព្យសម្បត្តិអចលនទ្រព្យ ១២កន្លែង

30-វិច្ឆិកា-2021 - ម៉ោង 08:02:PM

ភ្នំពេញ៖ រយៈពេល ១១ខែ គិតចាប់ពីថ្ងៃទី០១ ខែមករា ដល់ថ្ងៃទី៣០ ខែវិច្ឆកា ឆ្នាំ២០២១ សមត្ថកិច្ចបង្ក្រាបបានសារធាតុញៀនគ្រប់ប្រភេទជិត ២តោន និងឃាត់មនុស្សជាង ១ម៉ឺន ២ពាន់នាក់ និងឃាត់ទុកទ្រព្យសម្បត្តិអចលនទ្រព្យ ១២កន្លែង រួមទាំងកាំភ្លើងវែង ខ្លីជាង ៧០ដើម។ នេះ បើយោង តាមរបាយការណ៍របស់គណៈកម្មការទី៣ នៃយុទ្ធនាការប្រឆាំងគ្រឿងញៀនខុសច្បាប់ ដែលទើបទទួល បាននៅថ្ងៃទី៣០ ខែវិច្ឆិកា ឆ្នាំ២០២១។

នៅក្នុងរបាយការណ៍បានបន្តថា លទ្ធផលអនុវត្តន៍ច្បាប់ពីថ្ងៃទី០១ ខែមករា ដល់ថ្ងៃទី៣០ ខែវិច្ឆកា ឆ្នាំ២០២១ បង្ក្រាបបាន 5560ករណី ឃាត់មនុស្ស ១២១៩៣នាក់ (ស្រី ៧៣៦នាក់) ក្នុងនោះជន បរទេសជនបរទេស ៣១០នាក់ ស្រី ៤៥នាក់ មាន ១៣សញ្ជាតិ។ ដកហូតសារធាតុញៀនគ្រប់ប្រភេទ ទម្ងន់ 1តោន 748kg 705,91g, កញ្ឆា 50,088ដើម, កញ្ឆាសួត 104kg695g និងសារធាតុផ្សំគីមី 1ton139kg៕