15-កញ្ជា-2021 - ម៉ោង 03:44:PM
ភ្នំពេញ៖ លោក ឃួង ស្រេង អភិបាល នៃគណៈអភិបាលរាជធានីភ្នំពេញ ព្រឹកថ្ងៃទី១៥ ខែកញ្ញា ឆ្នាំ២០២១នេះ អញ្ជើញចុះពិនិត្យការបើកឡើងវិញនូវគ្រឹះស្ថានអប់រំចំណេះដឹងទូទៅសាធារណៈ និងឯកជន កម្រិតចាប់ពីអនុវិទ្យា ល័យ និងវិទ្យាល័យ ក្នុងរាជធានីភ្នំពេញ សម្រាប់ថ្ងៃដំបូងនៃការបើកសាលារៀនឡើងវិញ។
រដ្ឋបាលរាជធានីភ្នំពេញលោក ឃួង ស្រេង បញ្ជាក់ថា ចំពោះគ្រឹះស្ថានអប់រំសាធារណៈ និងឯកជន ទាំងឡាយដែលត្រូវបានអនុញ្ញាតឱ្យដំណើរការឡើងវិញនេះ ត្រូវអនុវត្តឱ្យបានខ្ជាប់ខ្ជួននូវគោលការណ៍ប្រតិបត្តិស្តង់ដា (SOP) សម្រាប់ដំណើរការគ្រឹះស្ថានសិក្សាឡើងវិញ ។
លោកបន្ត ពិសេសត្រូវបន្តអនុវត្តឲ្យបានកាន់ល្អ និងត្រឹមត្រូវក្នុងបរិបទនៃជំងឺកូវីដ-១៩ ចុះថ្ងៃទី៤ ខែសីហា ឆ្នាំ ២០២១ របស់ក្រសួងអប់រំយុវជន និងកីឡា និងសេចក្តីណែនាំលេខ ០២៣ សណន ចុះថ្ងៃទី៩ ខែកញ្ញា ឆ្នាំ២០២១ របស់រដ្ឋបាលរាជធានីភ្នំពេញ ស្តីពីវិធានការបង្ការ និងទប់ស្កាត់ការឆ្លងរាលដាលជំងឺកូវីដ-១៩ ចំពោះការបើកដំណើរការឡើងវិញនូវគ្រឹះស្ថានសិក្សាសាធារណៈ និងឯកជន ក្នុងភូមិសាស្ត្ររាជធានីភ្នំពេញនេះ ។
ឆ្លៀតក្នុងនោះផងដែរ លោក ឃួង ស្រេង អភិបាលរាជធានីភ្នំពេញ ក៏បានធ្វើធ្វើការអំពាវ ដល់បងប្អូនប្រជាពលរដ្ឋក្នុងរាជធានីភ្នំពេញ និងទូទាំងប្រទេសកម្ពុជា សូមចូលរួមបន្តអនុវត្តតាមការណែនាំរបស់ក្រសួងសុខាភិបាលកម្ពុជារបស់យើង ជាពិសេសប្រសាសន៍ណែនាំដ៏ខ្ពស់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា គឺ៣ការពារ និង៣កុំ ឲ្យបានត្រឹមត្រូវ ខ្ជាប់ខ្ជួនទាំងគ្នា ដើម្បីការពារខ្លួនយើង គ្រួសារយើង សហគមន៍យើង កុំឲ្យឆ្លងកូវីដ១៩ ផងដែរ ៕