21-មិថុនា-2021 - ម៉ោង 06:17:PM
តាកែវ៖ នៅព្រឹកថ្ងៃទី ២១ ខែមិថុនា ឆ្នាំ២០២១ ព្រះសហគមន៍កាតូលិកកម្ពុជា ភូមិភាគភ្នំពេញ ដឹកនាំដោយ លោក អូលីវីយ៉េ ជ្មីតហស្លេ អភិបាល ព្រះ សហគមន៍ កាតូលិក ភូមិ ភាគ ភ្នំពេញ និងក្រុមការងារបាននាំយកសម្ភារៈមួយចំនួនរួមមាន ជូនដល់រដ្ឋបាលក្រុងដូនកែវ ទុកសម្រាប់ បែងចែក ទៅតាមមណ្ឌលចត្តាឡីស័ក នៅក្នុងក្រុងដូនកែវ ខេត្តតាកែវ ។
លោក អូវីវីយ៉េ ជ្មីតហស្លេ បានមានប្រសាសន៍ ឲ្យដឹងផងដែរថា ការផ្តល់ជូនជាសម្ភារៈ និងថវិកាជូនរដ្ឋបាលក្រុដូនកែវ ថ្ងៃនេះ គឺ ដើម្បីចូលរួមចំណែក ក្នុងការជួយដល់ការលំបាក របស់បង ប្អូនប្រជាលរដ្ឋ ក្នុងខេត្តតាកែវ ដែលមានការខ្វះខាត អំឡុងនៃការីករាលដាល នៃជំងឺកូវីដ១៩ ហើយកើតមានករណីជួបផ្ទាល់ឬប្រយោល ជាមួយអ្នកវិជ្ជមានកូវីដ១៩ ដែល តម្រូវឲ្យពួកគាត់មួយចំនួន ធ្វើចត្តាឡីស័កតាមមណ្ឌលនីមួយៗក្នុងខេត្ត ដែលជាការខកខាន មួយក្នុងការបំពេញការងាររកប្រាក់ចំណូល ដូច្នេះមានតែការជួយគ្នាក្នុងគ្រាលំបាកនេះហេីយ ទោះតិចឬច្រើន ក៏ដោយ នេះទើបជាសម្រួលខ្លះៗចំពោះពួកគាត់បាន ។ លោកបញ្ជាក់ផងដែរថា ការជួយដល់នរណាម្នាក់នោះ គឺមិនត្រូវប្រកាន់បក្សពួក ព័ណសម្បុរ សាសនាអ្វីនោះឡើយ ទើបជាការល្អ សម្រាប់មនុស្សនីមួយៗ ។
ជាមួយគ្នានោះដែរ លោក កង អាណាន់ ក៏បានគោរពថ្លែងអំណរគុណយ៉ាងជ្រាលជ្រៅ ចំពោះជំនួយឧបត្ថមពីលោក អភិបាលព្រះសហគមន៍កាតូលិកកម្ពុជាភូមិភាគភ្នំពេញ បានផ្តល់ ជំនួយដល់រដ្ឋបាលក្រុងដូនកែវ ក្នុងកាលៈទេស័ក្តមួយដែលអាជ្ញាធរក្រុង កំពុងតែត្រូវការជាចាំ បាច់ក្នុងការនាំយកអំណោយ ដែលទទួលបានពីខាងបងប្អូនសប្បុរសជន ក៏ដូចជាស្ថាប័ន ផ្សេងៗ យកចុះចែកជូនដល់បងប្អូនប្រជាពលរដ្ឋ ដែលកំពុងធ្វើចត្តាឡីស័កនៅតាមមណ្ឌល នីមួយនៅក្នុងក្រុងដូនកែវ ។
អំណោយជាសម្ភារៈនិងថវិកា ដែលព្រះសហគមន៍កាតូលិកកម្ពុជាភូមិភាគភ្នំពេញ ផ្តល់ជូន រួមមាន៖ អង្ករចំនួន ២តោន និងម៉ាស់ចំនួន ២ម៉ឺនម៉ាស់ និងឃីត ២០០កញ្ចប់ ថវិកា ១០ លានរៀន៕