តើអ្នកណាជាអ្នកទទួលខុសត្រូវករណី មន្រ្តីគយ គប់គិតគ្នាបិទភ្នែកអោយឈ្មួញនាំចូលជើងមាន់ ៤កុងតែន័រ ទម្ងន់ជាង ១០០តោន បំផ្លាញសុខភាពពលរដ្ឋ រដ្ឋមន្រ្តីក្រសួងធនធានទឹកចុះពិនឹត្យការស្ដាប្រឡាយរំដោះទឹកជួយសង្រ្គោះស្រូវពលរដ្ឋជិត១ពាន់ហិកតានៅក្នុងស្រុកព្រៃកប្បាស់ ប្រធានអាជ្ញាធរជាតិប្រយុទ្ធនឹងជំងឺអេដស៍ ធ្វើការអំពាវនាវដល់យុវវ័យទាំងអស់ មេត្តាកុំភ្លើតភ្លើន យកថ្ងៃ១៤កុម្ភៈ សម្តេចធិបតី៖ ចេញសារសម្លេងជាបទបញ្ជា ឲ្យអភិបាលរាជធានី-ខេត្តទាំងអស់នៅទូទាំងប្រទេស ត្រួតពិនិត្យជាបន្ទាន់លើទីតាំងល្បែងផ្សងសំណាង អភិបាលខេត្តតាកែវណែនាំអាជ្ញាធរក្រុងស្រុកដែលមានតំបន់រម្យណីយដ្ឋានទេសចរណ៍ត្រូវរៀបចំឲ្យបានល្អប្រសើរដើម្បីត្រៀមទទួលភ្ញៀវទេសចរណ៍មកលេងក្នុងឱកាសបុណ្យចូលឆ្នាំចិនខាងមុខ លោកជំទាវបណ្ឌិត ពេជ ចន្ទមុន្នី ដឹកកនាំក្រុម​ការងារ និងកម្លាំងស្ម័គ្រចិត្តចុះពិនិត្យ និងព្យា​បាលជំងឺទូទៅជូនប្រជាពលរដ្ឋប្រមាណ ៣,៥១២នាក់នៅក្នុងស្រុកជុំគិរី ខេត្តកំពត សម្តេចមហាបវរធិបតី អញ្ជើញទទួលជួបជាមួយ លោកស្រី Mariam J.Sherman នាយិកាគ្រប់គ្រងនៃធនាគារពិភពលោកប្រចាំកម្ពុជា មីយ៉ាន់ម៉ា និងឡាវ រដ្ឋមន្ត្រីក្រសួងព័ត៌មាន​​៖អ្នកសារព័ត៌មានទាំងអស់ ត្រូវគោរព និងបន្តពង្រឹងសមត្ថភាពវិជ្ជាជីវៈខ្លួនក្នុងការផ្តល់ព័ត៌មានពិតជូនសាធារណៈជន ជូនដំណឹងពីស្ថានភាពធាតុអាកាសនៅកម្ពុជា សម្រាប់ថ្ងៃទី២៩ ខែមករា ឆ្នាំ២០២៤ អភិបាលខេត្តតាកែវ៖ សន្តិភាពជាមូលដ្ឋានគ្រឹះដ៏រឹងមាំសម្រាប់កសាង អភិវឌ្ឍប្រទេសជាតិឱ្យកាន់តែរីកចម្រើនឡើង លោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ អញ្ជើញប្រកាសចូលកាន់មុខតំណែង មេបញ្ជាការមូលដ្ឋានកងរាជអាវុធហត្ថស្រុកគិរីវង់ថ្មី សម្តេចធិបតី​​និងលោកជំទាវបណ្ឌិត ថ្លែងអំណរគុណបងប្អូនប្រជាពលរដ្ឋខ្មែរ និងនិស្សិតរស់នៅទ្វីបអឺរ៉ុប ដែលបានមកទទួលស្វាគមន៍យ៉ាងកក់ក្តៅ ក្រសួងធនធានទឹក និងឧតុនិយម បានចេញសេចក្តីជូនដំណឹងអំពីស្ថានភាពធាតុអាកាស នៅកម្ពុជា សម្តេចមហាបវរធិបតី នៅពេលខាងមុខនេះកម្ពុជា នឹងធ្វើជាម្ចាស់ផ្ទះនៃកិច្ចប្រជុំកំពូលហ្វ្រង់ហ្វូកូនី កម្លាំងកងរាជអាវុធហត្ថខេត្តតាកែវ ឃាត់ខ្លួនជនសង្ស័យម្នាក់ និងដកហូតបានថ្នាំញៀនជិត ៤គីឡូក្រាម នៅភូមិសាស្រ្តជើងភ្នំតាម៉ៅ ឃុំត្រពាំងសាប ស្រុកបាទី ដឹងការពិត ជុំវិញករណីគ្រោះថ្នាក់ចរាចរណ៍រវាងរថយន្ត Jeep ជាមួយនឹងអ្នកបើកបរម៉ូតូ កាំម៉េរ៉ាសុវត្ថិភាពបង្ហាញថាអ្នកបើករថយន្តគឺគោរពតាមច្បាប់.. សម្តេចមហាបវរធិបតី ពេញចិត្តចំពោះជំរឿនសេដ្ឋកិច្ចជាតិឆ្នាំ២០២២ចាត់ទុកថាជាមូលដ្ឋានសំខាន់សម្រាប់ការអភិវឌ្ឍជាតិឱ្យរីកចម្រើនទៅមុខ កម្ពុជានិងជប៉ុន​ បានចុះអនុស្សរណៈ នៃការយោគយល់គ្នាលើឯកសារសំខាន់ៗមួយចំនួន ក្រសួងរ៉ែនិងថាមពល​ ប្រកាសរើសមន្ត្រីជាប់កិច្ចសន្យាចំនួន៩០នាក់ សម្រាប់ឆ្នាំ២០២៤ សមត្ថកិច្ចមិនហ៊ានបង្ក្រាប ល្បែងស៊ីសងអនឡាញតាមកុំព្យូទ័រជាច្រើនទីតាំង ក្នុងក្រុងដូនកែវ

សម្តេចតេជោ ហ៊ុន សែន ចាត់ទុកថ្ងៃទី២២ ខែសីហានេះជាព្រឹត្តិការណ៍ប្រវត្តិសាស្ត្រថ្មី ដើម្បីនិរន្តរភាពនៃសន្តិភាព និងការអភិវឌ្ឍ

22-សីហា-2023 - ម៉ោង 12:23:PM

ភ្នំពេញ៖ សម្តេចតេជោ ហ៊ុន សែន បានថ្លែងចាត់ទុកថ្ងៃទី២២ ខែសីហា ឆ្នាំ២០២៣នេះ ជាថ្ងៃរដ្ឋសភាបើកសម័យប្រជុំលើកទី១ នីតិកាលទី៧ នៃរដ្ឋសភា ដើម្បីបោះឆ្នោតជ្រើសតាំងក្បាលម៉ាស៊ីនរដ្ឋសភា និងរាជរដ្ឋាភិបាលកម្ពុជា គឺជាព្រឹត្តិការណ៍ប្រវត្តិសាស្ត្រថ្មី ដើម្បីនិរន្តរភាពនៃសន្តិភាព និងការអភិវឌ្ឍរបស់កម្ពុជា។

ការថ្លែងរបស់សម្តេចតេជោយ៉ាងដូច្នេះ ធ្វើឡើងនៅក្នុងសន្និសីទសារព័ត៌មាន ក្រោយរដ្ឋសភាបញ្ចប់ការបោះឆ្នោតជ្រើសតាំង ក្បាលម៉ាស៊ីនរដ្ឋសភា និងផ្តល់សេចក្តីទុកចិត្ត រាជរដ្ឋាភិបាលកម្ពុជា នាព្រឹកថ្ងៃទី២២ ខែសីហា ឆ្នាំ២០២៣។

នៅថ្ងៃនេះ ការបោះឆ្នោតជាកញ្ចប់ នាសម័យប្រជុំលើកទី១ នីតិកាលទី៧ រដ្ឋសភាបានអនុម័តគាំទ្រដល់ លោកជំទាវកិត្តិសង្គហបណ្ឌិត ឃួន សុដារី ជាប្រធានរដ្ឋសភា, លោកបណ្ឌិត ជាម យៀប ជាអនុប្រធានទី១ និងលោក វង សូត ជាអនុប្រធានទី២ រួមទាំងប្រធាន និងអនុប្រធានគណៈកម្មការទាំង ១០របស់រដ្ឋសភាផងដែរ។ ជាមួយគ្នានេះ រដ្ឋសភាក៏បានបោះឆ្នោតអនុម័តទាំងស្រុង លើសមាសភាពគណៈរដ្ឋមន្ត្រីថ្មី ដែលមានឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត ជានាយករដ្ឋមន្ត្រី។

សម្តេចតេជោ ហ៊ុន សែន បានថ្លែងដូច្នេះថា «ថ្ងៃនេះចាត់ទុកថាជាព្រឹត្តិការណ៍ប្រវត្តិសាស្ត្រ ដែលយើងបានធ្វើដើម្បីនិរន្តរភាព នៃសន្តិភាព និងការអភិវឌ្ឍរបស់យើង»

សម្តេចតេជោ ហ៊ុន សែន បានថ្លែងថាចំពោះសុខភាព និងកម្លាំងរបស់សម្តេចមានលទ្ធភាព ក្នុងការបន្តតំណែងធ្វើជានាយករដ្ឋមន្ត្រី ពី៥-១០ឆ្នាំទៀត ហើយនៅប្រទេសមួយចំនួន នាយករដ្ឋមន្ត្រីត្រូវចុះពីតំណែង នៅពេលសំឡេងឆ្នោតធ្លាក់ចុះ ប៉ុន្តែសម្រាប់សម្តេចវិញ សំឡេងឆ្នោតគាំទ្រកើនឡើងខ្ពស់បំផុត មិនធ្លាប់មានរបស់គណបក្សប្រជាជន តែសម្តេចបែរជាចាកចេញទៅវិញ គឺដើម្បីធានានូវសន្តិភាព និងការអភិវឌ្ឍរបស់កម្ពុជារយៈពេលវែង។

សម្តេចតេជោ ហ៊ុន សែន បន្ថែមថា បើទោះបីជាសម្តេចឈប់ធ្វើនាយករដ្ឋមន្ត្រី តែសម្តេចមិនទាន់ឈប់ពីឆាកនយោបាយនោះឡើយ សម្តេចនៅតែជាប្រធានគណបក្សកាន់អំណាច និងធ្វើជាប្រធានព្រឹទ្ធសភា នៅខែមីនា ឆ្នាំ២០២៤ខាងមុខ។

ចំពោះរាជរដ្ឋាភិបាលថ្មី សម្តេចតេជោ ហ៊ុន សែន ចង់ឃើញ ២ចំណុចសំខាន់ ពីការដឹកនាំរបស់អ្នកបន្តវេនជំនាន់ក្រោយ ទី១៖ បន្តរក្សាសន្តិភាព ស្ថិរភាពនយោបាយបន្តទៀត និងទី២៖ គឺសម្រេចឱ្យបាននូវការចាកចេញពី ប្រទេសអភិវឌ្ឍតិចតួច ក្លាយទៅជាប្រទេសមានប្រាក់ចំណូលមធ្យមកម្រិតខ្ពស់ ហើយនឹងឈានទៅជាប្រទេស ដែលមានប្រាក់ចំណូលខ្ពស់។

ជាមួយគ្នានេះដែរ សម្តេចតេជោ ហ៊ុន សែន ថ្លែងអំណរគុណដល់ព្រះមហាក្សត្រនៃព្រះរាជាណាចក្រកម្ពុជា និងសម្តេចម៉ែ ដែលបានគាំទ្រ ដល់ដំណើរការនៃការដឹកនាំប្រទេសកម្ពុជារបស់សម្តេចនាពេលកន្លងមក ហើយសម្តេចក៏បានថ្លែងអំណរគុណផងដែរ ដល់ព្រះសង្ឃ និងបងប្អូនជនរួមជាតិ ដែលបានគាំទ្រសកម្មភាពរបស់រាជរដ្ឋាភិបាលក្នុងរយពេលជាង ៤០ឆ្នាំ និងការកាន់តំណែងជានាយករដ្ឋមន្ត្រីរបស់សម្តេច រយៈពេល៣៨ឆ្នាំមកនេះ៕