11-ឧសភា-2023 - ម៉ោង 11:06:AM
ភ្នំពេញ៖ កម្លាំងនគរបាលខណ្ឌ៧មករា បានចុះទៅត្រួតពិនិត្យទីតាំងផ្សារទំនើបអូឡាំព្យា ខណៈដែលកុមារាម្នាក់ស្លាប់ ដោយសារករណី “ឆក់ខ្សែភ្លើង ” នៅមុខច្រកចូលផ្សារ សង្ស័យការធ្វេសប្រហែសនៃការរៀបប្រព័ន្ធខ្សែភ្លើងមិនល្អ ។
ប្រភពព័ត៌មានពីសមត្ថកិច្ចខណ្ឌ៧មករា បានប្រាប់អង្គភាពព័ត៌មានយើងដឹងនៅព្រឹកថ្ងៃព្រហស្បតិ៍ទី១១ ខែឧសភា ឆ្នាំ២០២៣នេះថា កម្លាំងជំនាញខណ្ឌ បានសហការជាមួយកម្លាំងនគរបាលផ្នែកកោសល្យវិច័យរាជធានីភ្នំពេញ បានចុះស្រាវជ្រាវនិងត្រួតពិនិត្យមើលនៅកន្លែងកើតហេតុ ដើម្បីបញ្ជាក់ពីមូលហេតុថាបណ្ដាលមកពីអ្វីឱ្យច្បាស់។
ចំពោះករណីខាងលើនេះ បានកើតនៅវេលាម៉ោង ១៩៖០៨ នាទីថ្ងៃទី១០ ខែឧសភា ឆ្នាំ២០២៣ ស្ថិតនៅមុខច្រកចូលផ្សារអូឡាំព្យា ផ្លូវ១៨២ ភូមិ៧ សង្កាត់វាលវង់ ខណ្ឌ៧មករា រាជធានីភ្នំពេញ ។
សូមបញ្ជាក់ថា ពេលកើតហេតុភ្លាមៗ កម្លាំងនគរបាលបានចុះអន្តរាគមន៍ និងបញ្ជូនជនរងគ្រោះទៅមន្ទីរពេទ្យផងដែរ ប៉ុន្តែជាអកុសលកុមារារងគ្រោះបាន ស្លាប់បាត់ទៅហើយ។
ចំពោះករណីខាងលើនេះ ពលរដ្ឋរងចាំមើលថា សមត្ថកិច្ចជំនាញ អាចហៅ ម្ចាស់ទីតាំងមកសាកសួរនាំបានដែលឬទេ ខណៈគ្រួសារមួយត្រូវបាន បាត់បង់កូនជាទីស្រឡាញ់ជារៀងរហូតនោះ ៕
