30-ឧសភា-2023 - ម៉ោង 08:11:AM
តាកែវ៖ យោងតាមលិខិតកិច្ចសន្យាមួយច្បាប់ដែលទើបទទួលបាន ដែលមានខ្លឹមសារទាំងស្រុងថា៖ ខ្ញុំព្រះករុណាព្រះនាម តាន់ សារ ជាព្រះចៅអធិការ ដែលស្ថិតនៅភូមិព្រៃផ្អេរ ឃុំរនាម ស្រុកទ្រាំង តាកែវ។ ខ្ញុំករុណាសូមទទួលកំហុសលេងល្បែងនេះទាំងស្រុង។ ក្នុងករណីខ្ញុំព្រះករុណាប្រព្រឹត្តខុសឆ្គងដដែលៗ ខ្ញុំករុណាសូមលាចាកសិក្ខាបទ ដោយមិនមានការតវ៉ាអ្វីទាំងអស់។ ដើម្បីជាសក្ខីកម្មខ្ញុំព្រះករុណាសូមផ្ដិតមេដៃទុកភស្ដុតាង ។ ថ្ងៃពុធ ៣រោច ខែមាឃ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៨ ខែកុម្ភៈ ឆ្នាំ២០២៣ ។
ដោយឡែកក្នុងនោះផងដែរ ក៏មានម្ចាស់គណនីឈ្មោះ ប្រាក់ ចាន្ថា បានសរសេរបង្ហោះលើបណ្ដាញសង្គមកាលពីថ្ងៃទី២៩ ខែឧសភា ឆ្នាំ២០២៣នេះ ដែលមានខ្លឹមសារទាំងស្រុង៖ សូមពុទ្ឋបរិស័ទ្ឋចំណុះជើងវត្តព្រៃផ្អេ នឹងអ្នកសារពត៏មាន ជ្រាប រឿង លោកតាន់ សារ វត្តព្រៃផ្អេ មានកំហុសយ៉ាងធំ ទី1លោកចាយលុយបុណ្យកឋិននឹងលុយតំកល់ទុកកសាង រាប់រយលានរៀលបាត់ ទី2.មានស្រីស្នេហ៍នៅគ្រប់កន្លែង ទី3.ស្លៀកពាក់ខោអៅដើរលេងរាល់យប់ ទី4 ផឹកស្រាស៉ីបាយយប់ ទី5 លេងល្បែង ទី6មិនស្តាប់ការដោះស្រាយរបស់សាលាគណខេត្តតាកែវ ទី7 ញុះញុងពុទ្ឋបរិស័ទ្ឋនិយាយខុសកាពិត (ល) សូមបដិសេដ្ឋទាំងស្រុងនៅពត៏មានទាំងឡាយគ្មានការពិត មិនពាក់ពន្ឋនយោបាយឡើយ!?
បន្ថែមពីនេះទៀត នៅព្រឹកថ្ងៃទី៣០ ខែឧសភា ឆ្នាំ២០២៣នេះ ម្ចាស់គណនីដដែល ក៏បានសរសេរបង្ហោះបន្ថែមថា ៖ សាលាគណខេត្តតាកែវ កំពុងដោះស្រាយបណ្តឹង លោកតាន់ សារ អតីតៈចៅអធិការវត្តព្រៃផ្អេ លោកតាន់សារ ភ័យខ្លួនឯង មានកំហុស រ័តចេញពី សាលាគណខេត្ត ជាហេតុព្រះមន្ត្រីសង្ឃសម្រេច ឲ្យចេញពីវត្តព្រៃផ្អេ ដកតំណែង ចៅអធិការវត្តព្រៃផ្អេ ដើម្បីសើបអង្គេត តាមវិន័យនឹងច្បាប់ លោកតាន់សារ ជាមនុស្សរឹងរុះញុះញុងពុទ្ឋបរិស័ទ្ឋ ឲ្យយល់ច្រឡំមកលើសាលាគណខេត្ត នេះជាកំហុសដែលមិនអាចលើកលេងបាន សាលាគណខេត្តមានឯកសារគ្រប់គ្រាន់ នឹងពាក្យបណ្តឹងផ្សេៗ លោកតាន់សារដឹងខ្លួនឯងភ័យ និយាយខុសពីការពិត មកពីសាលាគណខេត្តវិញភ្លាម លោកតាន់សារទួងស្គរ ហៅពុទ្ឋបរិស័ទ្ឋទាំងយប់មកឲ្យគាំទ្រនៅទង្វើរអាក្រក់របស់ខ្លួន មនុស្សយើងបើមិនធ្វើអ្វីខុស មិនបាច់ភ័យទេ!? 29...05...2023។
ប៉ុន្តែតាមការរៀបរាប់ របស់ព្រះអង្គ តាន់ សារ ចៅអធិការវត្ត ព្រៃផ្អេរ ព្រះអង្គបានរៀបរាប់ថា កាលពីថ្ងៃទី២៥ ខែឧសភា ឆ្នាំ២០២៣ មានលេខា ប៉ាលាត់ខេត្ត និងមន្ត្រីធម្មការស្រុកទ្រាំងលោក បេន នី និង តៃកុងឡាន បានមកចាប់បង្ខំព្រះអង្គ ដំបូងឡើយព្រះអង្គមិនចង់ទៅទេ តែដោយព្រះអង្គបានសួរលោកមេបូស ថាអោយព្រះអង្គទៅសិនទៅទើបព្រះអង្គទៅ ពេលទៅដល់វត្ត តុំ វត្តមេគុណខេត្ត ស្រាប់តែ អោយចូលក្នុងបន្ទប់ប្រជុំ ដោយចាប់បង្ខំព្រះអង្គអោយគង់លើកៅអី តែព្រះអង្គមិនព្រមគង់តាម ក៌ស្រាប់តែមានមនុស្សពីនាក់មកចាប់លោកចាប់រិតដៃខ្លាំងបង្ខំអោយអង្គុយផ្ដិតមេដៃដើម្បីបង្ខំអោយសឹកភ្លាមៗ តែព្រះអង្គមិនព្រមរើបំរាស់ធ្វើអោយមានរបូសស្លាកស្នាមលើរាងកាយព្រះអង្គ ក្រោយមកចាប់ចាក់សោឃុំចោលក្នុងបន្ទប់។
ជុំផ្ទុះករណីនេះដែរ លោក ជួង វ៉ាន ប្រធានមន្ទីរធម្មការ និងសាសនាខេត្តតាកែវ អង្គភាពសារព័ត៌មាន យើងខ្ញុំ មិនអាចសុំការពន្យល់បាននៅឡើយទេ ព្រោះទូរស័ព្ទចូលពុំមានអ្នកទទួល ៕
