22-កញ្ជា-2022 - ម៉ោង 09:30:AM
តាកែវ៖ ជនសង្ស័យករណីជួញដូនឹងប្រើប្រាស់គ្រឿងញៀនចំនួន៥នាក់ រួមជាមួយវត្ថុតាងជាក់ស្តែងត្រូវកំលាំងនៃកងរាជអាវុហត្ថខេត្តតាកែវ សហការជាមួយកំលាំងមូលដ្ឋានស្រុកបាទីធ្វើការបង្រ្កាបបាន ខណះពេលដែលក្រុមជនសង្ស័យបានប្រព្រឹត្តជាក់ស្តែង នៅវេលាម៉ោង ១១:២០នាទី ថ្ងៃទី២០ ខែកញ្ញា ឆ្នាំ២០២២ ភូមិត្រកៀត ឃុំចំប៉ី ស្រុកបាទីខេត្តតាកែវ និងបាននាំខ្លូនជនសង្ស័ងរួមជាមួយវុត្ថុតាងបានបញ្ជូនមកការិយាល័យប្រឆាំងការជួញដូរគ្រឿនញៀនខេត្តដើម្បីចាត់ការបន្ត។
លោក វរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្ត បានអោយ(PKA)ដឹងថា ចំពោះការបង្រ្កាបករណីគ្រឿងញៀននេះគឺដោយមានកាណែនាំនឹងបទបញ្ជា ពីលោកឧត្តមសេនីយ៍ ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានសម្របសម្រួលនីតិវិធីដោយ លោក ស៊ឹម សុងហេង ព្រះរាជអាជ្ញារងអមសាលាដំបូងខេត្តតាកែវផងនោះ បានចុះបង្រ្កាបករណីគ្រឿងញៀនឃាត់ខ្លួនជនសង្ស័យបានចំនួន៥នាក់ នឹងគ្រឿងញៀនមួយចំនួន។ ក្នុងនោះជនសង្ស័យដែលឃាត់ខ្លួនបានទាំង៥នាក់រួមមានឈ្មោះ៖
១/ ឈ្មោះសុន ស៊ឹម ភេទប្រុសអាយុ៣៧ឆ្នាំ ជាម្ចាស់ផ្ទះ រក្សាទុកប្រើប្រាស់ រស់នៅភូមិឃុំកើតហេតុខាងលើ ។
២/ឈ្មោះ ជិន សុម៉ាឌី ភេទប្រុសអាយុ៣២ឆ្នាំ(ប្រើប្រាស់)
៣/ ឈ្មោះអឿន គិនិត ភេទប្រុសអាយុ២២ឆ្នាំ (ប្រើប្រាស់) រស់នៅភូមិត្បូងដំរី ឃុំក្រាំងធ្នង់ ស្រុកបាទី ខេត្តតាកែវ។
៤/ឈ្មោះសុងសូ ភេទប្រុសអាយុ៤៦ឆ្នាំ (ប្រើប្រាស់) ភូមិកាក់ ឃុំចំប៉ី បាទី ខេត្តតាកែវ។
៥/ ឈ្មោះសេន រស្មី ភេទប្រុសអាយុ២៣ឆ្នាំ (ប្រើប្រាស់)រស់នៅភូមិត្បូងដំរី ក្រងធ្នង់ បាទី ខេត្តតាកែវ។
ដោយក្នុងការចុះបង្ក្រាបករណីខាងលើនេះសមត្ថកិច្ចដករហូតវត្ថុតាងបានរួមមាន៖
- ម្សៅក្រានសថ្លាចំនួន ០៤ កញ្ចប់ទម្ងន់:២.០១ក្រាម (ថ្លឹងទាំងសំបកថង់) ទូរសព្ទ័ចំនួន ៣ គ្រឿង សម្ភារៈវេចខ្ចប់និងសម្ភារៈសេពថ្នាំញៀនមួយចំនួន។
- ម៉ូតូ C១២៥ចំនួន ០១គ្រឿងស្លាកលេខតាកែវ ១Q ៥១៨៥។
នៅចំពោះមុខសមត្ថកិច្ច ជនសង្ស័យទាំង៥នាក់ បាននិយាយសារភាពថាពួកគេពិតជាចែកចាយនឹងប្រើប្រាស់គ្រឿងញៀនពិតប្រាកដមែន។
លោកវរសេនីយ៍ឯក ង៉ែត ចាន់ធី មេបញ្ជាការរងកងរាជអាវុធហត្ថខេត្ត បានបញ្ជាក់ថា បច្ចុប្បន្នជនសង្ស័យ រួមនិងវត្ថុតាងត្រូវបានកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់នៅថ្ងៃទី២២ ខែកញ្ញា ឆ្នាំ២០២២នេះ៕