15-កញ្ជា-2022 - ម៉ោង 03:41:PM
តាកែវ៖ នៅក្នុងឱកាសអញ្ជើញចូលរួមជាអធិបតីភាពនៃពិធីប្រកាសតែងតាំងអភិបាលរងខេត្តតាកែវចំនួន៤នាក់ នៅព្រឹកថ្ងៃព្រហស្បតិ៍ ទី ១៥ ខែ កញ្ញា ឆ្នាំ ២០២២នេះ ឯកឧត្តម ឡាំ ជា រដ្ឋលេខាធិការក្រសួងមហាផ្ទៃ តំណាងសម្ដេចក្រឡាហោម ស ខេង ឧបនាយករដ្ឋមន្រ្តី បានធ្វើការណែនាំដល់អាជ្ញាធខេត្តតាកែវត្រូវធ្វើយ៉ាងពង្រឹងការផ្ដល់សេវាសាធារណៈចូនបងប្អូនប្រជាពលរដ្ឋនៅក្នុងខេត្តអោយកាន់តែល្អប្រសើរថែមទៀត។
ឯកឧត្តមរដ្ឋលេខាធិការក្រសួងមហាផ្ទៃបានថ្លែងបន្តថា មូលហេតុដែលរាជរដ្ឋាភិបាលធ្វើការកែប្រែច្បាប់ស្ដីពីការបន្ថែមចំនួនគណអភិបាលរាជធានីខេត្ត ក្រុងស្រុក គឺដើម្បីធ្វើយ៉ាងណាបង្កើនប្រសិទ្ធភាពការងារនៅមូលដ្ឋានអោយកាន់តែល្អប្រសើរជាពិសេសការផ្ដល់សេវាសាធារណៈជូនប្រជាពលរដ្ឋ តាមរយៈច្រកចេញចូលតែមួយរបស់រដ្ឋបាលខេត្ត ក្រុងស្រុក អោយបានឆាប់រហ័ស ទាន់ពេលវេលា មន្រ្តីបំរើសេវាមានសិលធម៌និងគ្មានអំពើពុករលួយ។
ឯកឧត្តម ឡាំ ជា បានមានប្រសាសន៍បន្ថែមថា ក្រៅពីធ្វើការពង្រឹងការផ្ដល់សេវាតាមរយៈច្រកចេញចូលតែ១ របស់រដ្ឋបាលខេត្ត ក្រុងស្រុក រដ្ឋបាលខេត្តក៏ជួយរៀបចំគាំទ្រដល់រដ្ឋបាលឃុំសង្កាត់ក្នុងដែនសមត្ថកិច្ចរបស់ខ្លួនទៅលើផែនការអភិវឌ្ឍន៍ឃុំសង្កាត់និងត្រូវជួយរៀបចំនៅតាមឃុំសង្កាត់ឲ្យមានច្រកចេញចូលតែ១ផងដែរ ដើម្បីធ្វើយ៉ាងណាបង្ខឹតសេវាកាន់តែជិតបងប្អូនប្រជាពលរដ្ឋនៅមូលដ្ឋាន ហើយការផ្ដល់សេវាល្អដល់ប្រជាពលរដ្ឋនៅមូលដ្ឋាន គឺត្រូវពង្រឹងការទទួលខុសត្រូវទៅលើមេឃុំ ចៅសង្កាត់ ស្មៀនឃុំ ប៉ុស្ត៍រដ្ឋបាលនិងមេភូមិជាដើម។
ឯកឧត្តមរដ្ឋលេខាធិការក៍បានស្នើឲ្យអាជ្ញាធរខេត្ត ក្រុងស្រុកនិងឃុំសង្កាត់ ត្រូវស្ដាបើការលើកឡើងរបស់ប្ឬចាពលរដ្ឋតាមរយៈការបើកវេទិការសាធារណៈ ដើម្បីអោយប្រជាពលរដ្ឋបានលើកឡើងបញ្ហាប្រឈមនានា ហើយអាជ្ញាធត្រូវរួមគ្នាដោះស្រាយអោយបានទាន់ពេលវេលា ហើយការងារណាមួយដែលលើសពីសមត្ថភាពរបស់ខ្លួន សូមរាយការណ៍បន្តទៅថ្នាក់ជាតិដើម្បីរកដំណោះស្រាយជូនប្រជាពលរដ្ឋបន្តទៀត៕