លោក អេង ប៉ជាក អនុប្រធានចលនាយុវជនកម្ពុជាក្រុម១៥៧ សាខាខេត្ត តាកែវ នាំយកថវិការបស់ប្រធានមកចែកជូនដល់សមាជិកដែលសម្រាកព្យាបាលជំងឺនៅមន្ទីរពេទ្យបង្អែកខេត្ត

11-ឧសភា-2022 - ម៉ោង 10:04:AM

តាកែវ៖ នៅរសៀលថ្ងៃចន្ទ ទី០៩ ខែឧសភា ឆ្នាំ២០២២នេះ លោក អេង ប៉ជាក អនុប្រធានចលនាយុវជនកម្ពុជាក្រុម ១៥៧ សាខាខេត្ត តាកែវ រួមនឹងក្រុមការងារ បាននាំយកថវិការបស់លោក កែវ វ៉ាន្នី ប្រធានសាខាមកជូនលោក ឱក សុវណ្ណា សមាជិកចលនាយុវជនកម្ពុជាក្រុម ១៥៧ ដែលកំពុងតែសម្រាកព្យាបាលជំងឺនៅមន្ទីរពេទ្យបង្អែកខេត្ត។

ឆ្លៀតក្នុងឱកាសនោះដែរ លោក អេង ប៉ជាក អនុប្រធាន បានពាំនាំនូវបណ្តាំសាក សួរសុខទុក្ខពីសំណាក់លោក ម៉ឹង ពន្លក ប្រធានចលនាយុវជនកម្ពុជាក្រុម១៥៧ និងលោក កែវ វ៉ាន្នី មកជម្រាបជូនលោក ឱក សុវណ្ណា ដោយក្តីនឹករំលឹក គិតគូរជាទីបំផុត ហើយក៏សូមយកចិត្តទុកដាក់ថែទាំសុខភាពរបស់ខ្លួនឱ្យបានល្អប្រសើរ និងហូបថ្នាំឱ្យបានត្រឹមត្រូវ តាមវេជ្ជ បញ្ជារបស់គ្រូពេទ្យ ដើម្បីឆាប់ជាសះស្បើយពីជំងឺផងដែរ ។

ជាមួយគ្នានេះដែរ លោក អេង ប៉ជាក និងក្រុមការងារ ក៏បាននាំយកថវិការបស់លោកប្រធានចំនួន៥០ម៉ឺនរៀលមកប្រគល់ជូនលោក ឱក សុវណ្ណា ដោយឡែក លោក អេង ប៉ជាក ក៏បានបន្ថែមថវិកា ៥០ម៉ឺនរៀលទៀតផងដែរ ៕