28-មករា-2022 - ម៉ោង 11:47:AM
តាកែវ៖ លោក លី សាវេត អភិបាលរងខេត្ត និងប្រធានសមាគមសិស្សនិស្សិតបញ្ញវន្តក្មេងវត្តប្រចាំខេត្តតាកែវ នៅថ្ងៃទី ២៧ ខែមករា ឆ្នាំ២០២២ បានដឹកនាំបើកកិច្ចប្រជុំបូកសរុបលទ្ធផលការងារប្រចាំ២០២១លើទិសដៅបន្តឆ្នាំ២០២២ រៀបចំទ្បើងនៅលាសាធម្មសភាវត្តសីហរតនារាម ក្រុងដូនកែវ ខេត្តតាកែវ ដែលមានការចូលួមពីប្រធានសាខា អនុប្រធានសាខា ក្រុង ស្រុក សរុបចំនួន ៥៥៨ អង្គ/នាក់។
លោក លី សាវេត ប្រធាន សមាមសិស្សនិស្សិតបញ្ញវន្តក្មេងវត្ត បានមានប្រសាសន៍ថា សមាមសិស្សនិស្សិតបញ្ញវន្តក្មេងប្រចាំខេត្តតាកែវនេះ គឺបានបង្កើតឡើងនៅក្នុងឆ្នាំ ២០១៩ ដោយមានការចង្អុលបង្ហាញយ៉ាងយកចិត្តទុកដាក់ពីសំណាក់ លោកបណ្ឌិត ហ៊ុន ម៉ានិត និងដឹកនាំដោយ លោកបណ្ឌិត មិញ បានកុសល រហូតដល់បច្ចុប្បន្ននេះ។
ការបង្កើតឡើងនូវសមាគមនេះ គឺដើម្បីសាមគ្គីភាពគ្នាចូលរួមចំណែកក្នុងការអភិវឌ្ឍជាតិជាមួយនឹងរាជរដ្ឋាភិបាលនៃកម្ពុជា ។ ជាមួយគ្នានេះជាលទ្ធផលនៃការធ្វើសកម្មភាពមនុស្សធម៌របស់សមាជិកសមាជិការនៃសមាគមរយៈពេលមួយឆ្នាំកន្លងមកនេះឃើញថា ទទួលបានផលផ្លែផ្កាគួរជាទីមោទក និងបីតិ សោមនស្សរីករាយក្រៃលែង ស្រមពេលប្រទេសជាតិកំពុងតែស្ថិតនៅក្នុងភាពសុខុដុមរមនាក្រោមម្លប់សន្តិភាព ។ ខណៈដែលយើងទាំងអស់គ្នា ជាសិស្សនិស្សិតបញ្ញវន្តក្មេងវត្តយើងបានបំពេញនឹងរួមគ្នាជាធ្លុងមួយហើយបោះជំហានទៅមុខបានក៏ព្រោះតែយើងទាំងអស់គ្នាមានសម្តេចតេជោជាថ្នាក់ដឹកនាំដ៏ប៉ិនប្រសប់និងឈ្លាសវៃ។
លោកបានបន្តថា មួយរយៈកន្លងនេះដោយសារតែការឆ្លងរីករាយដាលនៃជំងឺកូវីដ ប៉ុន្តែដោយសារយើង មានអ្នកដឹកនាំដ៏ឈ្លាសវៃប្រកបដោយគតិបណ្ឌិត គឺសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា ដែលសម្តេចតែងតែលះបង់អស់ពីកម្លាំងកាយចិត្តដើម្បីនាំយកមកនូវសុខសន្តិភាពជូនប្រទេសជាតិយើងទាំងមូល ហើយជាពិសេសគឺក្នុងបរិបទកូវីដនេះតែម្តង សម្តេចបានទំនាក់ទំនងជាមួយបណ្តាប្រទេសជាច្រើន ដើម្បីបញ្ជាទិញវ៉ាក់សាំង មកចាក់ជូនបងប្អូនប្រជាពលរដ្ឋទូទាំងប្រទេសដោយអត់គិតលុយផងដែរ ។
លោក លី សាវេត បានបញ្ជាក់បន្ថែមថា សម្រាប់ទិសដៅបន្តអនុវត្តនៅឆ្នាំ ២០២២ សមាគមសិស្សនិស្សិតបញ្ញវន្តក្មេងវត្តសាខាខេត្តតាកែវ នឹងមានផែនការក្នុងការអនុវត្តដូចជា ចុះសួរសុខទុក្ខព្រះសង្ឃតាមវត្តអារាម និងលោកតាអាចារ្យ ចាស់ព្រឹទ្ធាចារ្យ ឲ្យកាន់តែជិតស្និទថែមទៀត ។ រៀបចំសកម្មភាពមនុស្សធម៌នានាទៅតាមសំណូមពររបស់សមាជិកសមាជិការបស់សមាគម បន្តការដាំកូនឈើតាមវត្តអារាម សាលារៀន និងរមណីដ្ឋាននានា បន្តការជួយដល់ចាស់ជរា កុមារកំព្រាគ្មានទីពឹង នឹងចូលរួមធ្វើជាគណៈកម្មការជាតិរៀបចំការបោះឆ្នោតទៅតាមពេលវេលាដែលអាចធ្វើបាន។ ចូលរួមសហការជាមួយមន្ត្រីសុខាភិបាលដើម្បីទប់ស្កាត់នូវការរីករាលដាលនៃជំងឺកូវីដ-១៩ ជាពិសេមេរោគបំប្លែងខ្លួនថ្មី ដោយអនុវត្តតាមប្រសាសន៍ដ៏ថ្លៃថ្លារបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃកម្ពុជា គឺ៣កុំ ៣ការពារ នឹងបន្តធ្វើការចុះឈ្មោះបញ្ចូលសមាជិកថ្មីបន្ថែម ទាំងព្រសង្ឃ និងគ្រហស្ថ ឲ្យកាន់តែច្រើន ដើម្បីឲ្យសមាគមដំណើរទៅមុខបាន
យ៉ាងរលូនផងដែរ ៕
