រដ្ឋាភិបាលកម្ពុជា សម្រេចផ្ដល់វ៉ាក់ស៊ីណូវ៉ាក់ ៥០ម៉ឺនដូស និងរថយន្តដឹកវ៉ាក់សាំង ២គ្រឿង ជូនសាធារណរដ្ឋប្រជាធិបតេយ្យប្រជាមានិតឡាវ

30-វិច្ឆិកា-2021 - ម៉ោង 07:25:AM

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា បានផ្តល់វ៉ាក់សាំងស៊ីណូវ៉ាក់ចំនួន ៥០ម៉ឺនដូសថ្មីបន្ថែមទៀត និង រថយន្តដឹកវ៉ាក់សាំងចំនួន ២គ្រឿង

ជូន​សាធារណរដ្ឋប្រជាធិបតេយ្យប្រជាមានិតឡាវ  នៅព្រឹកថ្ងៃសុក្រ ទី០៣ ខែធ្នូ ឆ្នាំ២០២១ ។

ពិធីប្រគល់ក្រោមអធិបតីភាព លោក ម៉ម ប៊ុន ហេង រដ្ឋមន្ត្រីក្រសួងសុខាភិបាល តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង អមដំណើរដោយ លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល និងជាប្រធានគណកម្មការចំពោះកិច្ច ចាក់វ៉ាក់សាំងក្នុងក្របខណ្ឌទូទាំងប្រទេស ។

សូមជម្រាបជូនដែរថា នេះគឺជំនួយមនុស្សធម៌បន្ថែម លើថវិកាដែលរាជរដ្ឋាភិបាលកម្ពុជា និងសប្បុរសជន កម្ពុជា បានប្រគល់ជូនថវិកាចំនួន ១៣ លានដុល្លារ ដើម្បីប្រយុទ្ធប្រឆាំងជំងឺកូវីដ១៩ ដល់រដ្ឋាភិបាលឡាវ ក្នុងឱកាសដែលនាយករដ្ឋមន្ត្រីឡាវអញ្ជើញមកបំពេញទស្សនកិច្ចផ្លូវការនៅកម្ពុជា៕