08-វិច្ឆិកា-2021 - ម៉ោង 03:13:PM
តាកែវ៖ ជនសង្ស័យ ០៤នាក់ ត្រូវបានកម្លាំង នៃបញ្ជាការដ្ឋានកងរាជអាវុធហត្ថខេត្តតាកែវ ចុះធ្វើការ បង្រ្កាបកាលពីថ្ងៃទី០៦ ខែវិច្ឆិកា ឆ្នាំ២០២១នេះ នៅចំណុចភូមិត្រពាំងធំ ឃុំព្រៃផ្ដៅ ស្រុកព្រៃកប្បាស ខេត្តតាកែវ ករណីជួញដូរ និងប្រើប្រាស់គ្រឿងញៀនដោយខុសច្បាប់។
បើយោងតាមរបាយការណ៍ របស់ សមត្ថកិច្ចបានឱ្យដឹងថា ដោយមានការសម្របសម្រួលនីតិវិធីដោយ ឯកឧត្តម ជីវ ចាន់តារា ព្រះរាជអាជ្ញាអមសាលាដំបូងខេត្តតាកែវ ក្រោមការដឹកនាំផ្ទាល់ដោយ លោកវរសេនីយ៍ឯក ង៉ែត ចាន់ធី មេបញ្ជការរង ទទួលការងារស្រាវជ្រាវ និងបង្រ្កាបបទល្មើស បានដឹកនាំ កម្លាំងឃាត់ខ្លួនបានជនសង្ស័យ ០៤នាក់ រួមមាន៖
១ ឈ្មោះ ទូច វិបុល ភេទប្រុស អាយុ ២៧ឆ្នាំ មុខរបបរ មិនពិតប្រាកដ រស់នៅភូមិអារោង ឃុំស្លា ស្រុកសំរោង
២ ឈ្មោះ ប៉ែន នុត ភេទប្រុស អាយុ ២៣ឆ្នាំ ជួញដូរ រស់នៅភូមិក្រាំងអំពិល ឃុំតាំងយ៉ាប ស្រុកព្រៃកប្បាស
៣ ឈ្មោះ សំរិត ឆៃលី ភេទប្រុស អាយុ ២២ឆ្នាំ មុខរបបរមិនពិប្រាកដ រស់នៅភូមិព្រៃផ្ដៅ ឃុំព្រៃផ្ដៅ ស្រុកព្រៃកប្បាស
៤ ឈ្មោះ ស៊ុម សុលុយ ភេទប្រុស អាយុ ២៤ឆ្នាំ មុខរបបរមិនពិប្រាកដ រស់នៅភូមិព្រៃផ្ដៅ ឃុំព្រៃផ្ដៅ ស្រុកព្រៃកប្បាស។
នៅក្នុងរបាយការណ៍បានឱ្យដឹងថា នៅក្នុងប្រតិបត្តិការខាងលើនេះដែរ សមត្ថកិច្ចដកហូតបានវត្ថុតាង មួយចំនួនរួមមាន៖ ជញ្ជីងថ្លឹងថ្នាំញៀន០១ ដាវដែក០១ ទូរស័ព្ទ០៣គ្រឿង សម្ភារៈវេចខ្ចប់ និងសេពគ្រឿងញៀនមួយចំនួន។
បច្ចុប្បន្នជនសង្ស័យ រួមនឹងវត្ថុតាងត្រូវបានសមត្ថកិច្ចជំនាញ កំពុងកសាងសំណុំរឿងបញ្ជូនទៅសាលាដំបូងខេត្តចាត់ការបន្តតាមនីតិវិធីច្បាប់ ៕
