រដ្ឋមន្រ្តីក្រសួងទេសចរណ៍ សម្ពោធសមិទ្ធផលគម្រោងសាងសង់ហេដ្ឋារចនាសម្ព័ន្ធ រមណីយដ្ឋាន ទេសចរណ៍ក្នុងខេត្តចំនួន៣ គឺខេត្តកំពត, កែប និងខេត្តកោះកុង

29-កញ្ជា-2021 - ម៉ោង 09:47:PM

នៅរសៀលថ្ងៃពុធ ទី២៩ ខែកញ្ញា ឆ្នាំ២០២១ រដ្ឋមន្រ្តីក្រសួងទេសចរណ៍ លោក ថោង​ ខុន បានអញ្ជើញបានចូលរួមពិធីកាត់ខ្សែបូរ សម្ពោធដាក់ឱ្យ ប្រើប្រាស់នូវសមិទ្ធិផល គម្រោងសាងសង់ហេដ្ឋារចនាសម្ព័ន្ធរ មណីយដ្ឋានទេស ចរណ៍ ក្រោមការគាំទ្រដោយគម្រោង (GMS TIIG) ក្នុងខេត្តចំនួន៣ គឺខេត្តកំពត ខេត្តកែប និងខេត្តកោះកុង។

សមិទ្ធផលនៃគម្រោងសាងសង់ ហេដ្ឋារចនាសម្ព័ន្ធរមណីយដ្ឋានទេសចរណ៍ ក្នុងខេត្តចំនួនបីខាងលើនេះ ក្រោមការគាំទ្រដោយគម្រោង (GMS TIIG) ក្នុងក្របខ័ណ្ឌបណ្ដាប្រទេសមហាអនុតំបន់មេគង្គ ផ្ដោត សំខាន់ការអភិវឌ្ឍន៍ ហេដ្ឋរចនាសម្ព័ន្ធទេសចរណ៍ សម្រាប់កំណើនប្រកបដោយនិរន្តរភាពនិងបរិយាបន្ន។

ដោយឡែកការសម្ពោធសមិទ្ធផល ហេដ្ឋារចនាសម្ព័ន្ធរមណីយដ្ឋានទេសចរណ៍ ទាំងបីខាងលើនៅ ពេលនេះ គឺទី១-រមណីយដ្ឋានទេស ចរណ៍ភ្នំកំពង់ត្រាច ខេត្តកំពតទី២-រមណីយដ្ឋានទេសចរណ៍ ភ្នំសរសៀ ខេត្តកែប និងទី៣-រមណីយដ្ឋានទេសចរណ៍ ពាមក្រសោមខេត្តកោះកុង៕