មន្រ្តីជំនាញសុខាភិបាល បានរកឃើញកម្មករោងចក្របារីហ្វាយ ស្ទេក ថឹប៊ែខូ ឯ.ក ក្នុងក្រុងដូនកែវ ជាង១រយនាក់ឆ្លងជំងឺកូវីដ១៩

10-កញ្ជា-2021 - ម៉ោង 10:45:AM

តាកែវ៖ មន្រ្តីជំនាញសុខាភិបាលខេត្តតាកែវ បានចុះទៅធ្វើតេស្តរកជំងឺកូវីដ១៩ ទៅលើកម្មករោងចក្រ បារីហ្វាយ ស្ទេក ថឹប៊ែខូ ឯ.ក ដែលមានទីតាំងនៅក្នុងភូមិប្រហ៊ូត សង្កាត់រកាក្រៅ ក្រុងដូនកែវ ដែលជា លទ្ធផល បានរកឃើញកម្មករចំនួន ជាង១រយនាក់ បានឆ្លងជំងឺកូវីដ១៩។

លោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្តតាកែវ បានថ្លែងឲ្យដឹងថា កាលពីថ្ងៃទី០៨ ខែកញ្ញា ឆ្នាំ២០២១នេះ  ក្នុងការចុះយកសំណាកកម្មករប្រមាណជាង ៤រយនាក់ នៅរោងចក្រខាងលើ បានរកឃើញកម្មករចំនួន ១៣២នាក់ មានផ្ទុកជំងឺកូវីដ១៩ ហើយកម្មករទាំង ១៣២នាក់ ត្រូវបានយក ទៅធ្វើការព្យាបាល នៅសាលាគរុកោសល្យភូមិភាគហ៊ុនសែនរួចហើយ។

លោកប្រធានមន្ទីរសុខាភិបាលខេត្តតាកែវ បានថ្លែងបន្តថា ដោយឡែកកម្មករដែលពាក់ព័ន្ធ ត្រូវបាន ដាក់អោយធ្វើចត្តា ឡីស័ក្តនៅរោងចក្រផ្ទាល់តែម្ដង ដើម្បីធ្វើយ៉ាងណាទប់ស្កាត់ ការឆ្លងរីករាលដាលជំងឺ កូវីដ១៩តទៅទៀត៕