10-កញ្ជា-2021 - ម៉ោង 09:44:AM
តាកែវ៖ ជនសង្ស័យម្នាក់រួមជាមួយសារធាតុញៀនជាង ៣០កញ្ចប់ត្រូវបានកម្លាំង នៃបញ្ជាការដ្ឋាន កងរាជអាវុធហត្ថខេត្តតាកែវ ចុះធ្វើការឃាត់ខ្លួន ព្រមទាំងដកហូតបានវត្ថុតាងភ្លាមៗ នៅចំណុចផ្លូវលំ ស្ថិតក្នុងភូមិរមេញខាងជើង ឃុំរមេញ ស្រុកកោះអណ្ដែត។
បើតាមរបាយការណ៍របស់ លោកអនុសេនីយ៍ទោ ហួត វឿន នាយការិយាល័យប្រឆាំងគ្រឿងញៀន នៃបញ្ជាការដ្ឋានកងរាជអាវុធហត្ថខេត្ត បានឱ្យដឹងថា កាលពីថ្ងៃទី០៩ ខែកញ្ញា ឆ្នាំ២០២១នេះ ក្រោមការសម្របសម្រួលនីតិវីធីដោយ ព្រះរាជអាជ្ញាអមសាលាដំបូងខេត្ត កម្លាំងជំនាញ បានធ្វើការ បង្រ្កាប និងឃាត់ខ្លួនបានជនសង្ស័យម្នាក់ មានឈ្មោះ អ៊ន សុខជា ភេទប្រុស អាយុ ២០ឆ្នាំ មានមុខ របប និស្សិតឆ្នាំទី២ ជនជាតិខ្មែរ រស់នៅភូមិដើមចាន់ ឃុំរមេញ ស្រុកកោះអណ្តែត ខេត្តតាកែវ។
នៅក្នុងរបាយការណ៍បានបន្តថា នៅក្នុងប្រតិបត្តិការខាងលើនេះដែរ កម្លាំងជំនាញ ក៏ដកហូតវត្ថុតាង រួមមាន៖ ម្សៅក្រាមពណ៌សថ្លាចំនួន ៣៣កញ្ចប់ មានទម្ងន់ ១៦,២៣ក្រាម ថ្លឹងទាំងសំបក់ថង់ ទូរស័ព្ទ ចំនួន ០២គ្រឿង ម៉ាកអូប៉ូ ០១ និងអិនចុចពិល ០១(ខូច) ។
ក្រោយការឃាត់ខ្លួន កម្លាំងជំនាញ បាននឹងកំពុងកសាងសំណុំរឿងបញ្ជូនខ្លួន ជនសង្ស័យរួម និងវត្ថុតាង ទៅសាលាដំបូងខេត្តតាកែវ ដើម្បីចាត់ការបន្តទៅតាមនីតិវិធីច្បាប់ ៕
