09-កញ្ជា-2021 - ម៉ោង 08:39:PM
តាកែវ៖ ថ្លែងប្រាប់អង្គភាពព័ត៌មាន ផូសខ្មែរអេស៊ា នៅរសៀលថ្ងៃទី០៩ ខែកញ្ញា ឆ្នាំ២០២១នេះ លោក ឌឹម គឹមសាន អភិបាលស្រុកអង្គរបូរី បានឱ្យដឹងថា គិតត្រឹមថ្ងៃនេះ មានពលរដ្ឋរស់នៅជុំផ្សារ និង អាជីវករលក់ដូរនៅក្នុងផ្សារអង្គរបូរី ដែលធ្លាប់បានពាក់ព័ន្ធផ្ទាល់ ដែលត្រូវបានក្រុមគ្រូពេទ្យបានយក សំណាក សរុប ២៣០នាក់ ជាលទ្ធផលបានរកឃើញអ្នកវិជ្ជមានកូវីដ១៩ ចំនួន ៥៦នាក់ ។
លោកអភិបាលស្រុក បានបន្ថែមថា កាលពីថ្ងៃទី០៨ ខែកញ្ញា ឆ្នាំ២០២១ រដ្ឋបាលខេត្តតាកែវ បានចេញ សេចក្ដីសម្រេចស្ដីពី ការបិទខ្ទប់ភូមិសាស្រ្ដ ភូមិកំពង់ហ្លួង ឃុំអង្គរបូរី ស្រុកអង្គរបូរី ខេត្តតាកែវ ជា បណ្ដោះអាសន្ន រហូតដល់មានការជូនដំណឹងជាថ្មី បន្ទាប់ពីអាជ្ញាធរស្រុក បានពិនិត្យរកឃើញ មានអ្នក ពាក់ព័ន្ធដោយផ្ទាល់ និងយប្រយោលជាច្រើនអ្នក ក្នុងព្រឹត្តិការណ៍សហគមន៍ ២០កុម្ភៈ។
បន្ថែមពីនេះដែរ លោក ឌឹម គឹមសាន អភិបាលស្រុក បានធ្វើការអំពាវនាវដល់់ បងប្អូន ដែលមានសង្ស័យ ឬមានការជាប់ ពាក់ព័ន្ធផ្ទាល់ ឬដោយប្រយោល សូមមេត្តាសហការផ្តល់ព័ត៌មាន អោយបានទាន់ ពេល វេលា មកកាន់អាជ្ញាធរមូលដ្ឋាន ឬមណ្ឌលសុខភាព ដែលនៅជិតកន្លែងបងប្អូនរស់នៅ ដើម្បីចូលរួម ទប់ស្កាត់ជំងឺកូវីដ ១៩ ទាំងអស់គ្នា កុំមានឲ្យឆ្លងទៅកន្លែងផ្សេងៗបាន តទៅទៀត ៕
