02-សីហា-2021 - ម៉ោង 07:43:PM
តាកែវ៖ ដោយមានការណែនាំ និងចង្អុលបង្ហាញពីលោក ម៉ឹង ពន្លក ប្រធាន សមាគមចលនាយុវជន កម្ពុជា ក្រុម ១៥៧ និងលោក កែវ វ៉ាន្នី ប្រធានសមាគមចលនាយុវជនកម្ពុជា ក្រុម ១៥៧ សាខាខេត្ត តាកែវ នៅរសៀលថ្ងៃច័ន្ទ ទី០២ ខែសីហា ឆ្នាំ២០២១ បានណែនាំឱ្យលោក រស់ សុខឡេង អនុប្រធាន សមាគមចលនាយុវជនកម្ពុជា ក្រុម ១៥៧ សាខាខេត្តតាកែវ នាំយកសម្ភារៈជាគ្រឿងឧបភោគ បរិភោគ មួយចំនួនធំ ដើម្បីឧបត្ថម្ភ ជូនដល់ស្នងការនគរបាលខេត្តតាកែវ ដើម្បីទុកចាត់ចែងទៅតាមតម្រូវការ ក្នុងការបំពេញភារកិច្ច បែងចែកតាមគោលដៅប្រចាំការនិមួយៗ ក្នុងការចូលបង្ការ និងទប់ស្កាត់ ការឆ្លង រីករាលដាលនៃជំងឺកូវីដ១៩ ដែលកំពុងរាតត្បាតជាសកល។ ដែលពិធីប្រគល់សម្ភារៈ ជាគ្រឿងឧបភោគ បរិភោគនេះ ក៏មានការអញ្ជើញទទួលដោយផ្ទាល់ពី លោកឧត្តមសេនីយ៍ទោ សុខ សំណាង ស្នងការ នគរបាលខេត្តតាកែវ ព្រមទាំងថ្នាក់ដឹកនាំនៃស្នងការដ្ឋាន។
មានប្រសាសន៍សំណេះសំណាលនាសឱកាសនោះដែរ លោក រស់ សុខឡេង តំណាង លោកប្រធាន សមាគមចលនាយុវចលនាយុវជនកម្ពុជា ក្រុម ១៥៧ ខេត្តតាកែវ ក៏ថ្លែងថា ចំពោះសម្ភារៈជាគ្រឿង ឧបភោគ បរិភោគដែលបានយកមកប្រគល់ជូន ស្នងការដ្ឋាននគរបាលខេត្ត នាពេលនេះ គឺដើម្បីចូលរួម ជាមួយយុទ្ធនាការប្រយុទ្ធប្រឆាំងការឆ្លងរីករាលដាលនៃជំងឺកូវីដ ជាពិសេសចូលរួមបានផ្នែក ដើម្បីទុក ផ្ដល់ជូនបងប្អូនកងកម្លាំង ដែលកំពុងឈរជើងតាមគោលដៅសំខាន់ៗមួយចំនួន នៅតាមមណ្ឌល ចត្តាឡីស័ក ទីតាំងភូមិសាស្រ្តតំបន់បិទខ្ទប់ និងកន្លែងព្យាបាលអ្នកជំងឺកូវីដជាដើម។
ឆ្លៀតក្នុងឱកាសនោះដែរ លោកឧត្តមសេនីយ៍ទោ សុខ សំណាង ស្នងការនគរបាលខេត្ត ជំនួសមុខឱ្យ កង កម្លាំងនគរបាល នៃស្នងការដ្ឋាននគរបាលខេត្តតាកែវ ទាំងអស់ សូមថ្លែងអំណរអរគុណ ដល់ សមាគមចលនាយុវជនកម្ពុជាក្រុម ១៥៧ ខេត្តតាកែវ ដែលបាននាំយកនូវគ្រឿងឧបភោគមួយចំនួន មកចូលរួមជាមួយកម្លាំង នៃស្នងការដ្ឋាននគរបាលខេត្ត នៅក្នុងការបំពេញបេសកម្ម នៅតាមមូល ដ្ឋាន ក្នុងភូមិសាស្រ្តខេត្តតាកែវ។
សូមបញ្ជាក់ដែរសម្ភារៈដែលត្រូវបានយកទៅប្រគល់ជូន ដល់ស្នង ការដ្ឋាននគរបាលខេត្តតាកែវ រួមមាន ៖ មីយើងចំនួន ៣០០ កេស ទឹកបរិសុទ្ធកម្ពុជា ចំនួន ១៥០ កេស រួមនិងម៉ាស ៤ កេសធំផងដែរ ៕
