អភិបាលក្រុងដូនកែវ នាំយកសម្ភារៈគ្រឿងឧបភោគបរិភោគមួយចំនួនប្រគេនដល់ព្រះគង់ក្នុងវត្តសីហរតនារាម
21-កក្តដា-2021 - ម៉ោង 03:48:PM
នៅរសៀលថ្ងៃអង្គារ ទី២០ ខែកក្ដដា ឆ្នាំ២០២១នេះ លោក កង អាណាន់ អភិបាល នៃគណៈអភិបាលក្រុងដូនកែវ រួមជាមួយ លោកអភិបាលរង ព្រមទាំងមន្រ្តីពាក់ព័ន្ធ បាននាំយកអំណោយ របស់ឯកឧត្តម អ៊ូច ភា អភិបាលខេត្តតាកែវ និងលោកជំទាវ ស្រី ប៉ុណ្ណាដាវី និងសម្ភារៈមួយចំនួន របស់ រដ្ឋបាលក្រុងដូនកែវ មកប្រគេនដល់ ព្រះមង្គល ទព្វលោករង្សី យន វាសនា ព្រះបាឡាតគណខេត្ត និងជាព្រះចៅអធិការវត្ត សីហរតនារាម ដើម្បីចំពោះប្រគេនព្រះសង្ឃកំពុងធ្វើចត្តាឡីស័ក គង់នៅវត្តសីហរតនារាម។
អំណោយដែលបាន លោក កង អាណាន់ អភិបាលក្រុងដូនកែវ បាននាំយកមកមាន៖ អំណោយ របស់ ឯកឧត្តម អ៊ូច ភា និងលោកជំទាវ អង្ករ ១ តោន ទឹកត្រី ១០ យួរ មី ៣ កេសធំ ត្រីខ ១ កេសធំ។ ដោយឡែកសម្ភាររបស់រដ្ឋបាលក្រុងដូនកែវរួមមាន៖ មី ១០ កេះតូច ទឹកសុទ្ធ ២០ កេះ អាល់កុល ពីរកាន ស្មើ ៦០លីត្រ ម៉ាស ១ កេសធំ ស្មើនឹង ២៥០០ ម៉ាស៕
