21-កក្តដា-2021 - ម៉ោង 03:28:PM
តាកែវ៖ លោក កេត ម៉ៅ អភិបាលនៃគណៈអភិបាលស្រុកសំរោង ព្រឹកថ្ងៃទី២១ ខែកក្កដា ឆ្នាំ២០២១ បានចុះពិនិត្យការយកសំណាកព្រះសង្ឃ គង់នៅវត្តប្រាសាទនាងខ្មៅ ស្ថិតក្នុង ឃុំរវៀង ដោយក្រុមគ្រូពេទ្យបង្អែកស្រុកបាទី សហការជាមួយមណ្ឌលសុខភាព ឃុំរវៀង ដោយបានរកឃើញវិជ្ជមានកូវីដ១៩ ចំនួន ២៩ អង្គ។
ការចុះពិនិត្យការយកសំណាកព្រះសង្ឃ គង់ក្នុងវត្តប្រាសាទនាងខ្មៅ នេះផងដែរ ក៏មានការ អញ្ជើញចូលរួមពី លោកឧត្តមសេនីយ៍ឯក មុំ សោភ័ណ អនុប្រធានក្រុមការងាររាជរដ្ឋា ភិបាលចុះជួយឃុំរវៀង តំណាងលោក ជា អូន ប្រធានក្រុមការងាររាជរដ្ឋាភិបាលចុះជួយ ឃុំរវៀង លោកមេឃុំ សមាជិកក្រុមប្រឹក្សា និងព្រះគ្រូធម្មវិជ្ជា ជួន កក្កដា ព្រះវិន័យ ធរគណខេត្តតាកែវ និងព្រះនាយកស្ថានីយ៍វិទ្យពន្លឺត្រៃរតន៍ និងអ្នកពាក់ព័ន្ធផ្សេងៗទៀត។
នេះបើតាមការបង្ហោះនៅលើបណ្តាញសង្គម ហ្វេសបុកផ្លូវការ របស់រដ្ឋបាលស្រុកសំរោង ដែលបានបង្ហោះថា៖ «« ការពិនិត្យយកសំណាកចំពោះព្រះសង្ឃនៅវត្តប្រាសាទនាងខ្មៅ រកមេរោគកូវីដ១៩ នេះបានរកឃើញព្រះសង្ឃចំនួន ២៩ អង្គ ដែលមានផ្ទុកជំងឺកូវីដ-១៩ ។ បន្ទាប់ពីរការពិនិត្យរកឃើញ ថាព្រះសង្ឃក្នុងវត្តខាងលើមានផ្ទុកកូវីដ១៩ ហើយនោះ អាជ្ញាធរស្រុកសំរោង ក៏បានរៀបចំទីកន្លែង សំរាប់ការព្យាបាលជូនដល់ព្រះសង្ឃ ក្នុងបរិវេណវត្តតែម្តង ចំណែកឯអ្នកពាក់ព័ន្ធផ្សេងៗទៀត ក៏បានរៀបចំកន្លែងចត្តាឡីស័ក ជូនបានត្រឹមត្រូវហើយដែរ និងក៏បានធ្វើការណែនាំ ឲ្យបន្តអនុវត្តតាមគោលការណ៍ណែនាំ របស់រាជរដ្ឋាភិបាល និងក្រសួងសុខាភិបាល ឲ្យបានត្រឹមត្រូវខ្ជាប់ខ្ជួន ដើម្បីការពារ ខ្លួនជៀសផុតពីរជំងឺមួយនេះ»» ៕
