19-កក្តដា-2021 - ម៉ោង 09:13:PM
តាកែវ៖ យោងតាមការឲដឹងពីលោក កង អាណាន់ អភិបាលក្រុងដូនកែវ បានឱ្យដឹង នៅល្ងាចថ្ងៃទី១៩ ខែកក្កដា ឆ្នាំ២០២១នេះ ព្រះសង្ឃចំនួន ១៨អង្គនាក់ ត្រូវបាន ក្រុមគ្រូពេទ្យចុះមកយកវត្ថុសំណាក ក្នុងបរិវេណវត្តសីហរតនារាម ស្ថិតនៅសង្កាត់រកាក្នុង ក្រុងដូនកែវ ខេត្តតាកែវ ដើម្បីពិនិត្យរកមេរោគកូវីដ១៩។
ដោយជាលទ្ធផល ឆ្លងតាមការពិនិត្យដោយការធ្វើតេស្តរហ័ស (Rapid Test) ក្នុងចំណោម ព្រះ សង្ឃចំនួន ១៨អង្គនាក់ ខាងលើ គឺបានរកឃើញមានវិជ្ជមានកូវីដ១៩ ចំនួន ១០អង្គនាក់ ត្រូវបានបញ្ជូនមកមណ្ឌលព្យាបាលជំងឺកូវីដ១៩ នៅមណ្ឌលសាលាគរុកោសល្យ ខេត្តទាំងយប់។
ចំពោះករណីនេះដែរ លោក កង អាណាន់ អភិបាលក្រុងដូនកែវ បានបន្តថាបញ្ហាជំងឺកូវីដ ១៩ ដែលកំពុងឆ្លងចូលដល់ព្រះសង្ឃ ដែលគង់នៅក្នុងវត្តសីហរតនារាមនេះ យើងនិង បន្តយកវត្ថុសំណាកពីព្រះសង្ឃ ដែលមានការពាក់ព័ន្ធជាបន្តទៀតនៅព្រឹកថ្ងៃទី ២០ ខែកក្កដា ឆ្នាំ២០២១ ស្អែកនេះ ៕
