17-គុម្ភះ-2021 - ម៉ោង 04:05:PM
តាកែវ៖ ព្រឹក ថ្ងៃពុធ ទី១៧ ខែកុម្ភៈ ឆ្នាំ២០២១ លោក កេត ម៉ៅ អភិបាលនៃគណៈអភិបាលស្រុកសំរោង បានដឹកនាំមន្រ្តីជំនាញ ចុះជួបសំណេះសំណាលជាមួយសហគមន៍អ្នកប្រើប្រាស់ទឹក នៅទំនប់អង្គចង្អេរ ដើម្បីពិនិត្យ មើលការគ្រប់គ្រង និងការប្រើប្រាស់ទឹក និងការបង្កបង្កើនផលស្រូវរដូវប្រាំងរបស់ប្រជាកសិករ។
លោក កេត ម៉ៅ បានមានប្រសាសន៍ថា ចំពោះការចុះពិនិត្យការបង្កបង្កើនផលស្រូវរបស់ប្រជាកសិករខាងលើនេះ គឺចង់ដឹងថាបងប្អូនយើង ដែលគាត់កំពុងធ្វើកសិកម្មដំណាំស្រូវប្រាំងនេះ មានការខ្វះខាតទឹកដែរ ឬយ៉ាងណា ដើម្បីងាយស្រួល ប្រសិនបើពួកគាត់មានការខ្វះខាត អាជ្ញាធរស្រុក រួមជាមួយជំនាញ និងរកដំណោះស្រាយជួយពួកគាត់អោយបានលឿន ដោយមិនអោយមានខូចខាតដល់ផលស្រូវពួកគាត់ឡើយ ។ ហើយមួយវិញ ទៀតគឺណែនាំអោយពួកគាត់ ចេះប្រើប្រាស់ទឹកអោយបានត្រឹមត្រូវ មិនត្រូវខ្ជាស់ខ្ជាយទឹកនោះទេ ព្រោះថារដូវនេះ គឺតម្រូវការប្រើប្រាស់ទឹកគឺច្រើន មិនថាទាំងមនុស្ស និងរុក្ខជាតិនោះទេ ។
លោកអភិបាលស្រុកសំរោងបញ្ជាក់ផងដែរថា ទំនប់នេះអាចផ្គត់ផ្គង់ទឹកក្នុងការបង្ករបង្កើលផលស្រូវរដូវ ប្រាំងបានចំនួនប្រមាណ ២៥០ ហិចតា ដែលអាចស្រោច ស្រពទឹកបានចំនួន ៩ភូមិ ក្នុងឃុំជើងគួន និងឃុំ ស្លា។
ជាមួយគ្នានោះផងដែរ លោកអភិបាលស្រុកសំរោង ក៏បានផ្តល់នូវថវិកាផ្ទាល់ខ្លួនរបស់លោកចំនួន ៤០០,០០០រៀល ជូនដល់សហគមន៍ ដើម្បីជួសជុលទំនប់ទឹក ដែលរងការខួចខាតកន្លងមកដោយជំនន់ទឹកភ្លៀងផងដែរ ៕
