06-វិច្ឆិកា-2020 - ម៉ោង 09:08:PM
តាកែវ៖ ដោយមានការណែនាំ និងចង្អុលបង្ហាញពី ឯកឧត្តម ម៉ឹង ពន្លក ប្រធានចលនាយុវជនកម្ពុជាក្រុម ១៥៧ និងលោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្តតាកែវ នៅរសៀលថ្ងៃសុក្រ ទី០៦ ខែវិច្ឆកា ឆ្នាំ ២០២០ លោក អេង ប៉ជាក អនុប្រធានចលនាយុវជនកម្ពុជាក្រុម១៥៧ សាខាខេត្តជាតំណាង បានដឹកនាំក្រុម ការងារចុះសួរសុខទុក្ខផ្ទាល់ និងនាំយកអំណោយជាគ្រឿង ឧបភោគបរិភោគ និងថវិកាមួយចំនួន ជូនដល់គ្រួសារក្រីក្រចំនួន០២គ្រួសារ នៅ ភូមិចុងថ្នល់ សង្កាត់បារាយណ៍ និងផ្សារណាត់ ក្រុងដូនកែវ ខេត្តតាកែវ ។
តាមរយៈ លោក អេង ប៉ជាក អនុប្រធានចលនាយុវជនកម្ពុជាក្រុម ១៥៧ សាខាខេត្តតាកែវ ក៏បានពាំនាំនូវ ក្តីនឹករលឹក ផ្តាំផ្ញើរសាកសួរសុខទុក្ខពីចំងាយពីសំណាក់ ឯកឧត្តម ម៉ឹង ពន្លក ប្រធានចលនាយុវជនកម្ពុជាក្រុម ១៥៧ លោក កែវ វ៉ាន្នី ប្រធានចលនាយុវជនកម្ពុជាក្រុម១៥៧ សាខាខេត្តតាកែវ មកជម្រាបជូនបងប្អូនទាំង ០២ គ្រួសារផងដែរ ដោយក្តីនឹករំលឹក។
លោកអនុប្រធានសាខា ក៏បានចូលរួមផ្សព្វផ្សាយ នៅសេចក្តីណែនាំរបស់ក្រសួងសុខាភិបាល និងសូមឲ្យបងប្អូនទាំងអស់ត្រូវចូលរួមអនុវត្តឲ្យបានខ្លាំងខ្លាបន្ថែមទៀត ដោយទម្លាប់ធ្វើអនាម័យ ឲ្យបានស្អាតជាប្រចាំ ពិសេសនោះ ត្រូវលាងដៃជាមួយសាប៊ូឲ្យបានស្អាតជានិច្ច ដើម្បីជាចូលរួមទប់ស្កាត់កុំអោយមានការឆ្លងរីករាលដាលនៃជំងឺកូវិដ១៩ នៅក្នុងសហគមន៍យើងបាន ព្រោះថា ជំងឺ នេះ នៅមិនទាន់ថមថយនៅឡើយទេ ដូច្នេះត្រូវប្រុង ប្រយ័ត្នទាំងអស់គ្នា ។
គ្រួសារដែលទទួលអំណោយពីក្រុមការងារថ្ងៃនេះរួមមានទី១ ឈ្មោះ ឆាយ ណី អាយុ ៣២ឆ្នាំ ពិការភ្នែកទាមងសងខាងពីកំណើត រស់នៅជាមួយម្តាយក្រីក្រខ្វះខាតខ្លាំង ។
គ្រួសារទី២ ឈ្នោះ លោកយាយ ឡូត ណៃយិន អាយុ ៧៤ ឆ្នាំ មានចៅៗតូចៗ៥នាក់ នៅក្នុងបន្ទុក ស្ថានភាពគ្រួសារក្រីក្រខ្វះខាតខ្លាំង ។
អំណោយដែលត្រូវបានចែកជូនដល់គ្រួសារក្រីក្រទាំង០២ គ្រួសារ ដោយក្នុងមួយគ្រួសារៗ ទទួលបាន អង្ករ៥០ គីឡូក្រាម ទឹកត្រី ០១យួរ ទឹកស៊ីអ៊ីវ០១យួរ ត្រីខ១យួរ ប៊ីចេង ០១កញ្ចប់ ខ្ទឹមស ១គីឡូ ស្ករស ទឹកសុទ្ធ ០១កេស ទឹកក្រូច ១កេស មី០១កេស និងអំបិល រួមជានឹងថវិកាក្នុង១គ្រួសារៗ ១០០.០០០ ម៉ឺនរៀលផងដែរ ៕
