14-កញ្ជា-2020 - ម៉ោង 03:18:PM
តាកែវ៖ លោក កែវ វ៉ាន្នី ប្រធានក្រុមការងាររាជរដ្ឋាភិ បាល ចុះមូលដ្ឋានឃុំពន្លៃ និងក្រុមការងារ និងមានការចូលរួមអមដំណើដោយលោក អភិបាលរងស្រុក តំណាងលោក ឌឹម គឹមសាន អភិបាលស្រុកអង្គរបូរី ព្រមទាំងក្រុមប្រឹក្សាឃុំពន្លៃ បានអញ្ជើញចូលរួមដាក់បិណ្ឌ១២ ចំនួន ០២វត្ត នៅវត្តសំរោងពន្លៃ និងវត្តសុវណ្ណគង្គាកោះទ្រាអណ្តែត ក្នុងស្រុកអង្គរបុរី ខេត្តតាកែវ នៅព្រឹកថ្ងៃទី១៤ ខែកញ្ញា ឆ្នាំ២០២០ ។
ឆ្លៀតក្នុងឱកាសអញ្ជើញចូលរួម ក្នុងពិធីដាក់បិណ្ឌ១២ នេះដែរ លោក កែវ វ៉ាន្នី ប្រធានក្រុមការងាររាជរដ្ឋាភិបាល ចុះមូលដ្ឋានឃុំពន្លៃ និងជាប្រធានចលនាយុវជនកម្ពុជាក្រុម១៥៧ សាខាខេត្តតាកែវ ក៏បានមានប្រសាសន៍ សំណេះសំណាលសាកសួរទុកបងប្អូន លោកយាយ លោកតា ដែលមកដាក់បិណ្ឌវេន១២ នៅវត្តទាំងពីរខាងលើ និងបានធ្វើការផ្តាំផ្ញើដល់បងប្អូនប្រជាពលរដ្ឋក្នុងស្រុកអង្គរបុរីទាំងអស់ ធ្វើយ៉ាងណា សូមបន្តអនុវត្តន៍វិធានការណ៍ការពាររបស់ក្រសួងសុខាភិបាល ឲ្យបានខ្ជាប់ខ្ជួនបន្តទៀត ទោះបីជាមានការជូនដំណឹងថា នៅក្នុងប្រទេសកម្ពុជារបស់យើង បងប្អូនអ្នកកើតជំងឺកូវីត១៩ ត្រូវបានព្យាបាលជាសៈស្បើយអស់ក៏ហើយក្តី តែដើម្បីរក្សាអោយបានកុំអោយជំងឺនេះចូលក្នុងសហគមន៍របស់យើងបាន ។
ការចូលរួមកាន់បិណ្ឌវេន១២ នេះ លោក កែវ វ៉ាន្នី ប្រធានក្រុមការងាររាជរដ្ឋាភិបាល ចុះមូលដ្ឋានឃុំពន្លៃ និងជាប្រធានចលនាយុវជនកម្ពុជាក្រុម១៥៧ សាខាខេត្តតាកែវ ក៏បានប្រគេនទេយ្យទាន និងបច្ច័យដលវត្តទាំង២ ដោយក្នុងមួយវត្តៗ ទទួលបាន ស្លាដក់០២ ប្រអប់ ,អង្ករ១០០ គីឡូក្រាម ,ទឹកបរិសុទ្ធ០២ កេស ,ភេសជ្ជ:០២កេស, មី ០៣កេស ,ទឹកត្រី០២យួរ ,ទឹកសុីអុីវ០២យួរ, ប្រេងឆា ០២ ដបធំ រួមនិងបច្ច័យ ១.១០០.០០០០រៀល ផងដែរ៕
