01-សីហា-2022 - ម៉ោង 10:31:AM
តាកែវ៖ យោងតាមគណនេយ្យហ្វេសបុកមួយឈ្មោះ Vessna Singie បានបង្ហោះចោទប្រកាន់ថា មន្ទីរពេទ្យបង្អែកខេត្តតាកែវ នេះហើយដែលបានវះកាត់ប្រពន្ធខ្ញុំនៅរស់អោយបាត់បង់ជីវិត ។
ក្នុងគណនេយ្យហ្វេសបុកបានរៀបរាប់ទៀតថា ប្រពន្ធដើបានធម្មតា និយាយបានហូបបាយបានធម្មតា ដល់ពេលទៅវះកាត់ហើយ ក៏បានបាត់បង់ជីវិត ទើបខាងមន្ទីរមន្ទីរដាក់អុកស៊ីសែនបញ្ជូនទៅមន្ទីរពេទ្យលោកសង្ឃ តែពេទ្យបានប្រាប់ថា ប្រពន្ធបងបានផុតដង្ហើមមួយម៉ោងទៅហើយ តែគេដាក់ខ្យល់អុកស៊ីសែន បញ្ជូលឲ្យមានដង្ហើម ដើម្បីយកចេញពីមន្ទីរពេទ្យនោះតែប៉ុណ្ណោះ ។
ម្ចាស់គណនេយ្យហ្វេសបុក ឈ្មោះ Vessna Singie ដាក់ការសង្ស័យថា ចឹងមានន័យថា ប្រពន្ធរបស់លោក បានស្លាប់តាំងពីនៅមន្ទីរពេទ្យបង្អែកខេត្តតាកែវមកម្លេះ ។
ជាមួយគ្នានោះផងដែរម្ចាស់គណនេយ្យហ្វេសបុក ឈ្មោះ Vessna Singie សរសេរបញ្ជាក់ថា ក្នុងខែនេះមន្ទីរពេទ្យបង្អែកខេត្តតាកែវ បានវះកាត់មនុស្សឲ្យស្លាប់២នាក់ហើយ ។
ចំណែកខាងមន្ទីរពេទ្យបង្អែកខេត្តតាកែវ ខាងសារព័ត៌មានយើងមិនទាន់សុំការបំភ្លឺបាននៅទ្បើយទេ ដោយខលចូលមិនមានការឆ្លើយតប ប៉ុន្តែអង្គភាពយើងខ្ញុំនឹងរងចាំការស្រាយបំភ្លឺជុំវិញករណីនេះ៕
ប្រភព៖ Vessna Singie
