សមាគមសិស្សនិស្សិតបញ្ញវន្តក្មេងវត្តខេត្តតាកែវរៀបចំកិច្ចប្រជុំបូកសរុបលទ្ធផលការងារប្រចាំ​២០២១ និងលើទិសដៅបន្តឆ្នាំ២០២២ លោកបណ្ឌិត នេត សាវឿន ទទួលបានការគាំទ្រធ្វើជាប្រធានសហព័ន្ធកីឡាបាល់ទះកម្ពុជា ក្នុងអាណត្តិទី៦ ឆ្នាំ២០២២-២០២៦ បន្តទៀត សម្តេចតេជោ អនុញ្ញាតឲ្យរដ្ឋមន្រ្តីការបរទេសទីម័រខាងកើត ចូលជួបសម្តែងការគួរសមនិងពិភាក្សាការងារ ចូលលួចទ្រព្យសម្បត្តិមិនបានសម្រេច ក៏ត្រូវកម្លាំងសមត្ថកិច្ចចាប់វ៉ៃខ្នោះ លោក អ៊ូច ភា ណែនាំទៅដល់អនុសាខាកាកបាទក្រហមកម្ពុជា ក្រុងស្រុកត្រូវយកចិត្តទុកដាក់ កសាងកម្លាំងយុវជន តាមមូលដ្ឋានឱ្យបានច្រើន ដើម្បីជួយពលរដ្ឋទាន់សភាពការណ៍ សម្តេច ស ខេង ៖ជំរុញឲ្យមានការពង្រីកកិច្ចសហប្រតិបត្តិការរវាង កម្ពុជា-នេប៉ាល់ ទៅលើវិស័យសន្ដិសុខ សម្តេចក្រឡាហោម ស ខេង ណែនាំឱ្យមន្ត្រីជំនាញយកចិត្តទុកដាក់ទប់ស្កាត់លើបទល្មើសបច្ចេកវិទ្យា និងបន្តការរឹតបន្តឹងច្បាប់ចរាចរណ៍ សម្ដេចតេជោ ហ៊ុន សែន អញ្ជើញទទួលជួបពិភាក្សាការងារតាមប្រព័ន្ធវីដេអូ ជាមួយនាយករដ្ឋមន្ត្រីម៉ាឡេស៊ី រដ្ឋមន្រ្តីក្រសួងមហាផ្ទៃ ត្រូវត្រួតពិនិត្យម៉ត់ចត់បំផុត ចំពោះការដំឡើងតួនាទី និងឋានន្តរស័ក្តិដល់មន្ត្រីនគរបាលជាតិ អភិបាលខេត្តតាកែវ ណែនាំដល់មន្រ្តីច្រកចេញចូលតែមួយ និងមន្ទីរពាក់ព័ន្ធបំរើសេវាសាធារណៈជូនប្រជាពលរដ្ឋអោយកាន់តែល្អប្រសើរថែមទៀត អភិបាលខេត្តតាកែវ ណែនាំអភិបាលក្រុងស្រុកត្រូវផ្សព្វផ្សាយ និងជំរុញដល់ប្រជាពលរដ្ឋឱ្យទៅចាក់វ៉ាក់សាំងការពារជំងឺកូវីដ១៩ ឱ្យបានគ្រប់ៗគ្នា លោកអភិបាលខេត្តកំពង់ស្ពឺ ជួបសំណេះសំណាលនិងចែកម៉ូតូម្នាក់១គ្រឿងដល់សិស្សដែលប្រទ្បងជាប់និទ្ទេសAទាំង៣៣ លោក ហ៊ុន ម៉ានី ៖សមាជិកសមាជិកា ស.ស.យ.ក ទាំងអស់ត្រូវអភិវឌ្ឍសមត្ថភាពរបស់ខ្លួនដើម្បីចូលរួមចំណែកជាមួយរាជរដ្ឋាភិបាលកម្ពុជា ជនបែកថ្នាំ១នាក់ត្រូវបានសមត្ថកិច្ចឃាត់ខ្លួន បន្ទាប់ពីបានធ្វើសកម្មភាពយកដុំឥដ្ឋគប់ចូលផ្ទះអតីតម្ដាយក្មេក លោក ម៉ម ប៊ុនហេង ៖បន្តអំពាវនាវដល់ប្រជាពលរដ្ឋ ឲ្យការពារការចម្លងជំងឺកូវីដ-១៩ និងជំងឺផ្ដាសាយបក្សី ក្នុងឱកាសចូលឆ្នាំថ្មីប្រពៃណីជាតិខ្មែរ ខាងមុខនេះ លោកស្រី ហ៊ុន ម៉ាណា ចុះប្រគល់ផ្ទះទេវតាចំនួន១ខ្នងជូនដល់ពលរដ្ឋក្រីក្រ និងសំណេះសមណាលសួរសុខទុក្ខដល់សិស្សពិការ គ ថ្លង់ និងប្រគេនទេយ្យវត្ថុដល់វត្តចំនួន៦ក្នុងខេត្តកំពង់ចាម “ការសម្រេចជ្រើសយកឯកឧត្តម ហ៊ុន ម៉ាណែត ជាបេក្ខភាពនាយករដ្ឋមន្រ្តីទៅថ្ងៃអនាគត ជាការបង្ហាញផែនការច្បាស់លាស់របស់បក្ស និងធានាមិនឲ្យមាននូវវិបត្តិនៃការដឹកនាំ” សម្តេចតេជោជួបពិភាក្សាការងារជាមួយរដ្ឋមន្ត្រីការបរទេសវៀតណាម នៅវិមានសន្តិភាព សម្តេចតេជោ ហ៊ុន សែន អញ្ជើញដល់ខេត្តព្រះសីហនុដើម្បីចូលរួមបើកវេទិកាទេសចរណ៍អាស៊ានលើកទី៤០ សម្តេចតេជោ ហ៊ុន សែន ទទួលជួបពិភាក្សាការងារជាមួយអគ្គលេខាធិការអាស៊ាន នៅវិមានសន្ដិភាព

អគ្គនាយកគយ និងរដ្ឋាករកម្ពុជា រៀបចំកិច្ចប្រជុំលើកទី៨ នៃយន្តការភាពជាដៃគូគយ-ផ្នែកឯកជន (8th CPPM Meeting) ជាមួយ សភាពាណិជ្ជកម្មកម្ពុជា

30-វិច្ឆិកា-2021 - ម៉ោង 08:39:PM

នាព្រឹកថ្ងៃអង្គារ ទី៣០ ខែវិច្ឆិកា ឆ្នាំ២០២១ អគ្គនាយកដ្ឋានគយនិងរដ្ឋាករកម្ពុជា សហការជាមួយសភាពាណិជ្ជកម្មកម្ពុជា បានប្រារព្ធកិច្ចប្រជុំលើកទី៨ នៃយន្តការភាពជាដៃគូគយ-ផ្នែកឯកជន (8th CPPM Meeting) តាមរបៀបពាក់កណ្តាលជាកិច្ចប្រជុំទល់មុខគ្នា និងពាក់កណ្ដាលតាមប្រព័ន្ធវីដេអូ Zoom ក្នុងគោលបំណងពិនិត្យនិងដោះស្រាយនូវសំណូមពរ និងបញ្ហានានារបស់វិស័យឯកជន ពាក់ព័ន្ធនឹងការអនុវត្តនីតិវិធីគយ សំដៅធានាបាននូវការអនុវត្តគោលនយោបាយសម្រួលពាណិជ្ជកម្ម និងការលើកកម្ពស់អនុលោមភាពការអនុវត្តច្បាប់។

កិច្ចប្រជុំនេះបានប្រព្រឹត្តទៅក្រោមអធិបតីភាព សហប្រធាននៃយន្តការភាពជាដៃគូគយ-ផ្នែកឯកជនគឺ លោកបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា និងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ព្រមទាំងមានការចូលរួមពីថ្នាក់ដឹកនាំនិងមន្ត្រីគយនិងរដ្ឋាករ រួមជាមួយថ្នាក់ដឹកនាំ និងសមាជិកនៃសភាពាណិជ្ជកម្មកម្ពុជា។

លោកបណ្ឌិត គុណ ញឹម បានលើកឡើងពីសារៈសំខាន់ និងសមិទ្ធផលដ៏ល្អប្រសើរជាបន្តបន្ទាប់នៃយន្តការ CPPM ដែលជាវេទិកាសម្រាប់ផ្នែកឯកជនអាចស្វែងរកដំណោះស្រាយចំពោះបញ្ហានិងសំណូមពរនានាពាក់ព័ន្ធនីតិវិធីគយ សំដៅលើកកម្ពស់បន្ថែមទៀតនូវកិច្ចសម្រួលពាណិជ្ជកម្ម និងអនុលោមភាពច្បាប់ ពិសេសក្នុងបរិបទនៃការងើបឡើងវិញនូវសកម្មភាពពាណិជ្ជកម្មអន្តរជាតិក្រោយវិបត្តិកូវីដ-១៩។ ក្នុងឱកាសនោះដែរ អ្នកឧកញ៉ា គិត ម៉េង បានថ្លែងថា យន្តការភាពជាដៃគូគយ-ផ្នែកឯកជនគឺជាវេទិកាសន្ទនាក្នុងភាពជាដៃគូ ដើម្បីពិគ្រោះយោបល់ស្វែងរកដំណោះស្រាយនូវរាល់បញ្ហានានាដោយឈរលើគោលការណ៍ឈ្នះ-ឈ្នះ និងយោគយល់គ្នាទៅវិញទៅមក។ អ្នកឧកញ៉ាសហប្រធានក៏បានថ្លែងអំណរគុណចំពោះអគ្គនាយកដ្ឋានគយនិងរដ្ឋាករកម្ពុជាដែលបានរៀបចំកិច្ចប្រជុំនាថ្ងៃនេះ និងដែលបានដាក់ចេញនូវវិធានការជាច្រើនដើម្បីផ្ដល់កិច្ចសម្រួលពាណិជ្ជកម្មបន្ថែមពីពេលមួយទៅពេលមួយ ជាពិសេសក្នុងអំឡុងពេលនៃការរីករាលដាលនៃជំងឺកូវីដ-១៩ កន្លងមក។

បន្ទាប់ពីបានស្ដាប់វឌ្ឍនភាពការងាររបស់យន្តការ CPPM នាពេលកន្លងមក ដែលបង្ហាញដោយតំណាងអគ្គនាយកដ្ឋានគយនិងរដ្ឋាករកម្ពុជា កិច្ចប្រជុំបានពិភាក្សាគ្នាលើសំណូមពរ និងបញ្ហាចំនួន ១២ ដែលលើកឡើងដោយផ្នែកឯកជនពាក់ព័ន្ធនីតិវិធីគយដែលរួមមាន ការបញ្ចុះកម្រៃបែបបទគយ (Customs Processing Fee) លើប្រតិវេទន៍ដែលមានតម្លៃទាប, ការកាត់បន្ថយចំណាយលើការត្រួតពិនិត្យទំនិញក្រៅម៉ោងធ្វើការ, ការកើនឡើងនូវថ្លៃដឹកជញ្ជូនទំនិញនាំចេញដោយសារកង្វះទូកុងតែន័រក្នុងបរិបទកូវីដ-១៩, ការកាត់បន្ថយការត្រួតពិនិត្យទំនិញនាំចេញដល់ទីតាំងក្រុមហ៊ុន, ការជំរុញការអនុវត្តប្រព័ន្ធស្វ័យប្រវត្តិកម្មគយ និងប្រព័ន្ធ e-Payment, ការលើកកម្ពស់ប្រសិទ្ធភាពការងារបង្ការនិងបង្ក្រាបអំពើរត់គេចពន្ធទំនិញ, ការតភ្ជាប់ប្រព័ន្ធដោះដូរទិន្នន័យនិវេទនប័ណ្ណរបស់ក្រុមហ៊ុនដឹកជញ្ជូនជាមួយប្រព័ន្ធអាស៊ីគូដា, ការអនុវត្តនីតិវិធីនិងប្រព័ន្ធធ្វើបែបបទគយមុនពេលទំនិញមកដល់ (Pre-Arrival Processing), និងការផ្ដល់ប្រព្រឹត្តិកម្មលើកទឹកចិត្តចំពោះក្រុមហ៊ុនបុត្រសម្ព័ន្ធរបស់ក្រុមហ៊ុនដែលមានអនុលោមភាពខ្ពស់ ជាដើម។

ជាលទ្ធផលនៃកិច្ចពិភាក្សា ផ្នែកឯកជនបានស្វាគមន៍ និងទទួលយកនូវដំណោះស្រាយដែលបានលើកឡើងដោយអគ្គនាយកដ្ឋានគយនិងរដ្ឋាករកម្ពុជា ដោយភាគីទាំងពីរបានប្តេជ្ញាថានឹងអនុវត្តតាមវិធានការដំណោះស្រាយប្រកបដោយការទទួលខុសត្រូវរៀងៗខ្លួន។ សហប្រធានក៏បានឯកភាពគ្នាលើកទឹកចិត្តឱ្យក្រុមការងារជំនាញនីមួយៗបន្តពិនិត្យ និងពិភាក្សាដោះស្រាយបញ្ហាដែលនឹងកើតឡើងជាយថាហេតុនាពេលខាងមុខ ឱ្យបានទាន់ពេលវេលានិងមានប្រសិទ្ធភាព៕