11-មិថុនា-2021 - ម៉ោង 04:10:PM
តាកែវ ៖ នៅថ្ងៃទី០៩ ខែមិថុនា ឆ្នាំ២០២១ វេលាម៉ោង១២ និង៥០នាទី កម្លាំងជំនាញអធិការដ្ឋាន នគរបាលស្រុកបាទី សហការជាមួយកម្លាំងប៉ុស្តិ៍នរដ្ឋបាលពាក់ព័ន្ធ បង្ក្រាបបានមុខសញ្ញាក្សាទុក និងប្រើប្រាស់សារធាតុញៀនខុសច្បាប់ ១ករណី នៅចំណុចភូមិរកាខ្ពស់ ឃុំត្រពាំងសាប ស្រុកបាទី ។
ក្នុងការបង្ក្រាបករណីរក្សារទុកថ្នាំញៀនខុសច្បាប់ផងដែរសមត្ថកិច្ច បានធ្វើការឃាត់ខ្លួនជនសង្ស័យបានចំនួន ៤នាក់ ក្នុងមានឈ្មោះទី១ -ផាង សម្បត្តិ ភេទប្រុស អាយុ ២១ឆ្នាំ រស់នៅភូមិកណ្ដឹងធំ ឃុំកណ្ដឹង ស្រុកបាទី ទី២.ឈ្មោះ ទុយ ពៅ ភេទប្រុស អាយុ២៥ឆ្នាំ រស់នៅភូមិតាស៊ូ ឃុំត្រពាំងសាប ស្រុកបាទី ទី៣.ឈ្មោះ ម៉ឹង ឡយ ភេទប្រុស អាយុ១៨ឆ្នាំ រស់នៅភូមិត្រគៀត ឃុំត្រពាំង សាប ស្រុកបាទី និងទី៤.ឈ្មោះ ខៃ ណុប ភេទប្រុស អាយុ២៦ឆ្នាំ រស់នៅភូមិ-ឃុំកើតហេតុ ។
ចំពោះករណីខាងលើនេះ សមត្ថកិច្ច បានធ្វើការឆែកឆេរដកហូតវត្ថុតាងបានមួយចំនួនរួមមាន៖ ម្សៅក្រាមពណ៌សថ្លាចំនួន ២៥កញ្ចប់(ធំ ០២កញ្ចប់) ទូរស័ព្ទដៃ ០២គ្រឿង និងសម្ភារសេពថ្នាំមួយចំនួន។
បច្ចុប្បន្នជនសង្ស័យរួមនិងវត្ថុតាង ត្រូវបានកម្លាំងជំនាញកំពុងធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីច្បាប់៕
