11-តុលា-2021 - ម៉ោង 07:34:PM
ភ្នំពេញ៖ រដ្ឋមន្រ្តីក្រសួងព័ត៌មាន លោក ខៀវ កាញារីទ្ធ បានណែនាំដល់គណៈកម្មាធិ ការបណ្តុះ បណ្តាលវិជ្ជាជីវៈសារព័ត៌មាន និងវិក្រឹត្យការនៃក្រសួងព័ត៌មាន ត្រូវរៀបចំសិក្ខាសាលា ស្ដីពីសេរីភាព និងវិជ្ជាជីវៈសារព័ត៌មាន ដើម្បីឱ្យអ្នកសារព័ត៌មាន កាន់តែមានភាពងាយស្រួលក្នុងការបំពេញការងារ ជូនប្រជាពលរដ្ឋ ជាពិសេសនៅពេលចុះទៅយកព័ត៌មាននៅថ្ងៃបោះឆ្នោតខាងមុខ។ .
ក្នុងកិច្ចប្រជុំប្រចាំសប្តាហ៍ដោយផ្ទាល់ និងតាមរយៈប្រព័ន្ធវីដេអូ ជាមួយនឹងថ្នាក់ ដឹកនាំក្រសួងព័ត៌មាន ដើម្បីពិនិត្យការងារដែលបានអនុវត្តកន្លងមក និងពិភាក្សាការងារ ដែលត្រូវអនុវត្តបន្ត នាព្រឹកថ្ងៃទី១១ ខែតុលា ឆ្នាំ២០២១ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន បានណែ នាំដល់គណៈ កម្មាធិការបណ្តុះ បណ្តាលវិជ្ជាជីវៈសារព័ត៌មាននិងវិក្រឹត្យការនៃក្រសួងព័ត៌ មាន លើការងារ៣ចំណុច គឺ ទី១ ការរៀបចំ សិក្ខាសាលា ស្ដីពីសេរីភាពនិងវិជ្ជាជីវៈសារ ព័ត៌មាន ទី២ ច្បាប់ស្ដីអំពីភាពជាដៃគូរវាងរដ្ឋ និងឯកជន និងទី៣ ការចុះយកព័ត៌មានក្នុងអំឡុងពេលបោះឆ្នោត ។
លោក ខៀវ កាញារីទ្ធ បានមានប្រសាសន៍ថា « ទី១គឺបន្តរៀបចំសិក្ខាសាលាពាក់ ព័ន្ធទៅនឹងសេរីភាព និងវិជ្ជា ជីវៈសារព័ត៌មានរបស់យើងទៅដល់បងប្អូនអ្នកសារព័ត៌ មាន ។ ទី២ នៅពេល ថ្មីៗនេះដោយសារ តែរាជរដ្ឋាភិបាលបានអនុម័តច្បាប់ស្ដីអំពីភាព ជាដៃគូរវាងរដ្ឋនិងឯកជននោះ រដ្ឋមន្ត្រីលោកក៏បានណែនាំ ឱ្យគណៈកម្មការនេះពិនិត្យលទ្ធភាពនៅក្នុងការ រៀបចំសិក្ខាសាលានេះដោយអញ្ជើញមន្ត្រី ជំនាញពីខាង ក្រសួងសេដ្ឋកិច្ចនិងហិរញ្ញវត្ថុ ដើម្បីធ្វើជាសិក្ខាសាលាផ្សព្វ ផ្សាយឱ្យកាន់តែទូលំទូលាយអំពីគោលបំណង នៃច្បាប់នៃកិច្ចសហប្រតិបត្តិការរវាងវិស័យឯកជននិងវិស័យសា ធារណៈរបស់យើងផងដែរ»។
នៅក្នុងឱកាសនៃកិច្ចប្រជុំប្រចាំសប្តាហ៍នេះដែរ រដ្ឋមន្រ្តីក្រសួងព័ត៌មាន ក៏បានណែនាំឱ្យគណៈកម្មាធិ ការបណ្តុះបណ្តាលវិជ្ជាជីវៈសារព័ត៌មាន និងវិក្រឹត្យការនៃក្រសួងព័ត៌មាន ចូលរួមសហ ការជាមួយ នឹងគណៈកម្មាធិ ការជាតិរៀបចំការបោះឆ្នោតធ្វើយ៉ាងណាដើម្បីរៀបចំសិក្ខា សាលា ដែលពាក់ព័ន្ធនឹង ច្បាប់បោះឆ្នោត ជូនដល់អ្នក សារព័ត៌មានរបស់យើង ដើម្បីត្រៀមលក្ខណៈនៅក្នុងការ ចូលរួមផ្សព្វផ្សាយ អំពីដំណើរ ការនៃការរៀបចំការបោះឆ្នោតក្រុមប្រឹក្សាឃុំសង្កាត់ខាងមុខ នេះ ៕
