19-មេសា-2023 - ម៉ោង 10:17:AM
តាកែវ៖ តំណាងគ្រួសារសាច់ញាតិរបស់សពយុវជនម្នាក់ និងយុវជនម្នាក់រងរបួសធ្ងន់កំពុងសម្រាកព្យាបាលនៅមន្ទីរពេទ្យរាជធានីភ្នំពេញ ស្នើរដល់ សមត្ថកិច្ចពាក់ព័ន្ធជួយពន្លឿនស្រាវជ្រាវរថយន្តបង្ក និងម្ចាស់រថយន្ត មកអនុវត្តតាមផ្លូវច្បាប់ រយះពេលជិត១ខែហើយ ខណៈតម្រុយ រថយន្ត និងជនបង្ក ពលរដ្ឋបង្ហាញជិតអស់ហើយ នៅឡើយសមត្ថកិច្ចមិនហ៊ានអនុវត្តច្បាប់។
យោងតាមសម្ដីរបស់គ្រួសារយុវជនពីរនាក់ ឈ្មោះ បូរិទ្ធ បានថ្លែងថា កាលពីវេលាម៉ោង ៤ទាបភ្លឺ ថ្ងៃទី២៤ ខែមីនា ឆ្នាំ២០២៣នេះ ប្អូនៗរបស់គាត់២នាក់ បានជួបប្រទះគ្រោះថ្នាក់ចរាចរណ៍ រវាងម៉ូតូ ប៉ុន្តែមិនដឹងបុកជាមួយឡាន ឬយ៉ាងណា ប៉ុន្តែពួកគាត់ធ្វើដំណើរមកខាងទិសខាងកើតឆ្ពោះទៅទិសខាងលិច លុះមកដល់កន្លែងដេប៉ូលក់ទឹកកក ស្ថិតនៅខាងកើតរោងចក្រស្បែកជើង ឃុំលាយបូរ ស្រាប់តែជួបគ្រោះថ្នាក់តែម្ដង (តែមិនដឹងឡានដឹកទឹកកក ឬយ៉ាងណា) បណ្ដាលឱ្យយុវជនម្នាក់ស្លាប់ និងម្នាក់ទៀតដឹកមកពេទ្យខេត្ត ប៉ុន្តែអាការៈធ្ងន់ធ្ងរពេក (ឈាមកកក្នុងខួរក្បាល) ក៏បញ្ជូនបន្តទៅមន្ទីរពេទ្យលោកសង្ឃ រាជធានីភ្នំពេញ ក្រោយកើតហេតុសមត្ថកិច្ចបានចុះមកដល់ ប៉ុន្តែមិនបានធ្វើគំនូសបង្ហាញចរាចរណ៍ណាមួយឡើយ រហូតមកដល់ពេលនេះ បណ្ដាលឱ្យពួកគាត់ក្នុងនាមជាគ្រួសាររងគ្រោះមានងើយឆ្ងល់ជាខ្លាំង។
ជាចុងក្រោយ ក្នុងនាមគ្រួសារជនរងគ្រោះ សុំស្នើដល់សមត្ថកិច្ចពាក់ព័ន្ធជួយបន្តស្រាវជ្រាវ វែកមុខជនបង្ក មកផ្តន្ទទោសតាមផ្លូវច្បាប់ ព្រោះពួកគាត់ចង់បានយុត្តិធម៌។
ប៉ុន្តែជុំវិញករណីនេះដែរ ប្រភពសុំមិនបង្ហាញអត្តសញ្ញាណបានឱ្យដឹង រាល់ថ្ងៃពេលវេលាស្មាននឹង គឺឡានដឹកទឹកកក របស់ ក្រុមហ៊ុនខ្លាំឃ្មុំ២ មានអាសយដ្ឋានខាងត្បូងពេទ្យភ្នែកខេត្តតាកែវ ជាអ្នកដឹកមកដាក់រាល់ថ្ងៃ។ ប្រភពដដែលបានបន្តថា ប្រសិនយើងមានប្រភពជាក់លាក់បែបនេះ ហេតុអ្វីសមត្ថកចិ្ច មិនបន្តចុះស្រាវជ្រាវ ហៅម្ចាស់ទីតាំងដេប៉ូទឹកកក និងមកសាកសួរ ឬពលរដ្ឋក្បែរនោះ មកសួរនាំគឺដឹងច្បាស់ហើយ ព្រោះពេលាស្មាននឹងផ្ទះក្បែររោងចក្រ គេបើទ្វារលក់ដូរជិតអស់ហើយ ទុកឱ្យគ្រួសារសាច់ញាតិជនរងគ្រោះរងទុក្ខវេទនាបែបនេះ គឺមិនព្រមស្រាវជ្រាវវែកមុខជនបង្ក មកអនុវត្តន៍ច្បាប់ ប្រហែលជាអ្វីមួយជាក់ជាមិនខាន។
ជុំវិញករណីគ្រោះថ្នាក់ចរាចរណ៍នេះដែរ លោកវរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ បានថ្លែងប្រាប់បណ្ដាញសារព័ត៌មាននៅព្រឹកថ្ងៃទី១៩ ខែមេសា ឆ្នាំ២០២៣នេះថា សមត្ថកិច្ចស្រុកត្រាំកក់ បានកោះហៅភាគីពាក់ព័ន្ធមកសួរនាំអស់ហើយ តែមិនមានតម្រុយនោះទេ ច្នឹងរឿងនឹងមានតែបញ្ជូនបន្តទៅស្នងការដ្ឋាននគរបាលខេត្តតាកែវ ដើម្បីធ្វើការស្រាវជ្រាវបន្ថែម វែកមុខជនបង្កមកផ្ដន្ទាទោសតាមច្បាប់ ៕
