ពិតជាមហាសំណាងមិនគួរឲ្យជឿមែន! អ្នកដំណើរ២១នាក់ដែលធ្លាប់យន្តហោះនៅរដ្ឋតិចសាស់ រួចផុតពីសេចក្តីស្លាប់

20-តុលា-2021 - ម៉ោង 01:02:PM

អន្តរជាតិ៖ យោងតាមកម្លាំងប៉ូលិសរដ្ឋតិចសាស់បានបញ្ជាក់ថា អ្នកដំណើរទាំង២១នាក់ និងក្រុមអាកាសយានិកបានរួចផុតពីសេចក្តីស្លាប់ ហើយបញ្ជូនចេញពីយន្តហោះដោយសុវត្ថិភាពមុនពេលយន្តហោះត្រូវបានឆេះ។

នេះបើតាមការចុះផ្សាយរបស់សារព័ត៌មាន RT នៅថ្ងៃទី១៩ ខែតុលា បានផ្សាយថា យន្តហោះដឹកអ្នកដំណើរធុនតូចមួយគ្រឿង​​​បានធ្លាក់ហើយឆាបឆេះនៅទីក្រុង Houston រដ្ឋតិចសាស់ នៃសហរដ្ឋអាមេរិក ។ ប៉ុន្តែជារឿងដ៏អស្ចារ្យមួយបានកើតទ្បើង ដោយអ្នកដំណើរទាំងអស់មិនមានអ្នកណាស្លាប់នោះឡើយ។
តាមការលើកឡើងរបស់ក្រសួងសន្តិសុខរដ្ឋតិចសាស់ឱ្យដឹងថា ហេតុការណ៍គ្រោះថ្នាក់កើតឡើងនៅស្រុក Waller ជិតអាកាសយានដ្ឋាន Houston នាវេលាម៉ោង១០ ព្រឹកថ្ងៃទី១៩ខែតុលា។ យន្តហោះដែលជួបគ្រោះថ្នាក់ជាប្រភេទ MD-80 មានគោលដៅទៅកាន់ទីក្រុង Boston។ប៉ុន្តែយន្តហោះខាងលើមិនអាចហោះហើរក្នុងកម្ពស់ខ្ពស់ចាំបាច់នៅចុងបញ្ចប់នៃផ្លូវហោះហើរទើបធ្លាក់ចុះដីវិញ និងត្រូវបានឆាបឆេះតែម្តង។
លោក Troy Guidry ស្នងការប៉ូលិសក្នុងតំបន់តិចសាស់បានឱ្យដឹងថា អ្នកដំណើរទាំង២១នាក់និងក្រុមអាកាសយានិកបានចាកចេញពីយន្តហោះទាន់ពេលវេលា ក្នុងនោះមានម្នាក់ប៉ុណ្ណោះរងរបួសចំខ្នងហើយត្រូវបញ្ជូនទៅមន្ទីរពេទ្យហើយផងដែរ៕