ផ្ទុះកូវីដ១៩ ក្នុងមួយថ្ងៃជិត១ម៉ឺននាក់ តាមពន្ធនាគារនីមួយៗក្នុងប្រទេសថៃ

17-ឧសភា-2021 - ម៉ោង 11:06:AM

បរទេស៖ យោងតាមសារព័ត៌មាន The Nation ថៃ ព្រឹកថ្ងៃចន្ទ ទី១៧ ខែឧសភា ឆ្នាំ២០២១ ថាប្រទេសថៃ បានរកឃើញករណីឆ្លង COVID-19 រហូតដល់ ៩,៦៣៥នាក់ក្នុងពេលតែ ២៤ម៉ោង ដោយ ៦,៨៥៣នាក់ក្នុងចំណោមអ្នកឆ្លងថ្មីៗទាំងនេះ គឺត្រូវបានរាយការណ៍ចេញពីពន្ធនាគារមួយចំនួន ។
មជ្ឈមណ្ឌលគ្រប់គ្រងស្ថានការណ៍ COVID-19 របស់ប្រទេសថៃ រាយការណ៍ពីអ្នកជំងឺ ២៥នាក់ទៀតបាត់បង់ជីវិត នៅក្នុងរយៈពេលដូចគ្នាផងដែរ។ ក្រោយការបូកសរុបទិន្នន័យថ្មីៗខាងលើនេះ នាំឲ្យចំនួនករណីឆ្លង COVID-19 សរុបទូទាំងប្រទេសថៃកើនដល់ ១១១,០៨២ករណី ក្នុងនោះមានអ្នកស្លាប់ ៦១៤នាក់ និងជាសះស្បើយវិញជាង ៦៧,០០០នាក់។
គួរបញ្ជាក់ថា គិតត្រឹមថ្ងៃអាទិត្យម្សិលមិញ ការចាក់វ៉ាក់សាំងបង្ការ COVID-19 ក្នុងប្រទេសថៃ សរុបបាន ២.២លានដូស និងត្រូវបានចាក់ជូនប្រជាជន។ វ៉ាក់សាំងដែលប្រទេសថៃកំពុងប្រើប្រាស់បច្ចុប្បន្នគឺ AstraZeneca និង Sinovac ៕