01-សីហា-2022 - ម៉ោង 04:12:PM
កំពង់ឆ្នាំង៖ តាមរយះលោក អ៊ុំ សុភា មេបញ្ជាការតំបន់ប្រតិបត្តិការសឹករងកំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្តកំពង់ឆ្នាំង ព្រឹកថ្ងៃទី១ ខែសីហា ឆ្នាំ២០២២ បានដឹកនាំក្រមការងារមនុស្សធម៌ ដោយរួមសហការជាមួយអាជ្ញាធរមូលដ្ឋាន កងកម្លាំងប្រដាប់អាវុធ មានសមត្ថកិច្ច បាននាំយកអំណោយចែកជូនដល់ប្រជាពលរដ្ឋ ដែលកំពុងទីទ័លក្រចំនួន១៣គ្រួសារ និងគ្រួសារអតីតយុទ្ធជន ។
អំណោយដែលនាំយកទៅចែកជូនគ្រួសារអតីតយុទ្ធជន តាមរយៈមេបញ្ជាការតំបន់ប្រតិបត្តិការសឹករងកំពង់ឆ្នាំង ទាំង១៣គ្រួសារ មានអង្ករចំនួន ៦៥០គីឡូក្រាម ស៊ីម៉ង់ត៍៣៩បេ ស័ង្កសី ២១០សន្លឹក មី២៦ កេះ អាវរងា ១៣អាវ មុង១៣ ម៉ាស១៣ប្រអប់ ជែលលាងដៃ៣៩ដប រួមនិងថវិកាមួយចំនួន ដែលជាអំណោយរបស់ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ ជាមេបញ្ជាការកងទ័ពជើងគោក និងលោកស្រី ដែលបានឧបត្ថម្ភដល់គ្រួសារអតីតយុទ្ធជន និងប្រជាពលរដ្ឋជាស្ត្រីមេម៉ាយទីទាល់ក្រ មកពីឃុំគោកបន្ទាយ និងឃុំភ្នំក្រាំងដីមាស ស្រុករលាប្អៀរ។
ឆ្លៀតក្នុងឱកាសនោះផងដែរ លោកមេបញ្ជាការតំបន់ប្រតិបត្តិការសឹករងកំពង់ឆ្នាំង ក៏បានពាំនាំនូវការផ្ដាំផ្ញើសួរសុខទុក្ខពីសំណាក់លោកឧត្តមសេនីយ៍ឯក ហ៊ុន ម៉ាណែត មកជម្រាបជូនដល់ប្រជាពលរដ្ឋ និងក៏បានធ្វើការណែនាំដល់ពួកគាត់មានការប្រុងប្រយ័ត្នពីកុំឲ្យឆ្លងជំងឺកូវីដ-១៩ និងសូមនាំកូនចៅរួតរះនាំគ្នាទៅចាក់វ៉ាក់សាំងដុសជំរុញឲ្យបានគ្រប់ៗគ្នាផងដែរ៕