ចូលលួចទ្រព្យសម្បត្តិមិនបានសម្រេច ក៏ត្រូវកម្លាំងសមត្ថកិច្ចចាប់វ៉ៃខ្នោះ

26-មករា-2022 - ម៉ោង 10:54:AM

តាកែវ៖ ជនសង្ស័យម្នាក់ ត្រូវបានកម្លាំងសមត្ថកិច្ចចាប់ វ៉ៃខ្នោះបន្ទាប់ពីធ្វើសកម្មភាពលួចយកទ្រព្យ សម្បត្តិអ្នកដទៃមិនបានសម្រេច។

ករណីនេះបានកើតឡើងនៅវេលាម៉ោង៣៖៣០នាទីទាបភ្លឺ ថ្ងៃទី២៦ ខែមករា ឆ្នាំ២០២២ ស្ថិតនៅត្រង់ចំណុចភូមិក្រាំងរោង   ឃុំធ្លកស្រុកទ្រាំង ខេត្តតាកែវ ។

ប្រភពពីសមត្ថកិច្ចបានឲ្យដឹងថាជនសង្ស័យឈ្មោះ កុក ញ៉  ភេទប្រុស អាយុ២៧ឆ្នាំ រស់នៅភូមិ រវៀង ឃុំ សំបួរ ស្រុកទ្រាំង ខេត្តតាកែវ មុខរបរមិនពិតប្រាកដ បានធ្វើសកម្មភាពលួចយកទូរស័ព្ទដៃ និងអាគុយ របស់ជនរងគ្រោះ ឈ្មោះ សាយ សុខ ភេទប្រុស អាយុ ៥៣ឆ្នាំ មុខរបរ កសិករ  រស់នៅភូមិក្រាំងរោង  ឃុំធ្លក  ស្រុកទ្រាំង ខេត្តកែវ។

បន្ទាប់ពីបានធ្វើសកម្មភាពលួច ក៏ត្រូវបានកម្លាំងជំនាញអធិការដ្ឋាននគរបាលស្រុកទ្រាំង​បានឃាត់ ខ្លួនជនសង្ស័យនៅត្រង់ចំណុចកើតហេតុ រួមនិងវត្ថុតាង ។

បច្ចុប្បន្នវត្ថុតាង និងជនសង្ស័យ ត្រូវបាននាំខ្លួនយកមកអធិការដ្ឋាននគរបាលស្រុក ដើម្បីកសាង សំណុំរឿង ចាត់ការតាមនីតិវិធីច្បាប់៕